ARABELLA
KASABAY namin ni Ruru si Kuya Aries sa pagpunta namin sa munisipyo kaya hindi na uli nabanggit sa akin ng kaibigan ko ang tungkol sa gusto niya sanang sabihin sa akin kanina. Hindi ko tuloy mapigilang mag-isip kung ano ba iyon at mukhang importante pero ayaw niyang iparinig sa kapatid ko. Napansin ko rin na panay ang sulyap niya sa akin mula sa rearview mirror. Nasa unahan kasi kami ni Kuya Aries at nasa likuran naman siya. Hindi ko lang sure kung napansin din ba iyon ng kapatid ko dahil abala siya sa mga ka-transaction niya sa cellphone.
“Nasaan po pala si Papa, Kuya? Akala ko sasabay siya sa’tin?” basag ko sa nakakabinging katahimikan. At totoong nagtataka rin ako kung bakit hindi namin kasama si Papa Ramonico. Eh, ang sabi ni Tita Yloba kanina, sabay-sabay na kaming pupunta
