ARABELLA
HABANG patuloy kong hinahanap sa paligid si Gabriel ay panay ang sulyap ko kay Magnus na kausap pa rin nina Papa at Kuya Aries. Hindi kasi ako mapakali sa hitsura niya. Parang may kamukha talaga siya na nakita ko na pero hindi ko lang maalala kung sino. Kung magtanggal lang sana siya ng sunglasses o kung wala ang bigote niya, baka makilala ko siya. Hindi rin talaga maganda ang kutob ko sa kaniya dahil napansin ko na ang dami niyang dalang tauhan. Gano’n din sina Papa Ramonico. Napansin ko sa di-kalayuan ang pagdating ng ilang sasakyang pag-aari niya. Kahit tinted ang salamin ng tatlong van na iyon, sigurado ako na mga armadong tauhan nina Papa ang sakay niyon. Iyon ang madalas nilang dalhin kapag sumusugod sila sa mga giyera.
Pero sino naman ang lulusubin nila dito? Eh, kasal it
