GABRIEL
“NANDITO na sila,” sabi ko sa aking kaibigan at kasamahan sa trabaho na si Makisig Ledesma. Siya ang aming INTERPOL Head Agent o Security Expert dito sa Pilipinas.
Nagkakilala kami ni Makisig noong college kami. Magkaiba kami ng course dahil Criminology siya at Political Science naman ako. Pero magka-batch kami at magkaklase sa isang martial arts school. Na-amaze ako sa kuwento ng pamilya at mga kaibigan niya kaya nahikayat niya akong sumali sa INTERPOL. Pangarap ko rin naman kasi talaga ang maging pulis noon. Napunta lang ako sa mundo ng pulitika dahil sa kagustuhan ni Lolo Emman at nasa puso ko rin naman ang maglingkod sa bayan.
Lalo akong napapayag ni Makisig na maging secret agent ng INTERPOL nang matuklasan ko na hindi lang basta namatay sa sakit si Mommy. Totoo raw na may
