#احببته بعقل

#احببته بعقل 6

NOVEL ⚡️ روايــات:

#أحببتـــه_بعقـــل_6

ﺗﺎﻧﻲ ﻳﻮﻡ ﺻﺤﻴﺖ ﻭﻛﻨﺖ ﻟﺴﻬﻪ ﻓﻲ ﺣﻀﻦ ﻫﻴﻤﺎ،،،ﻣﺎﻛﺎﻥ ﺭﺍﻗﺪ ﻛﻮﻳﺲ،،،ﻻﻧﻮ ﺍﻧﺎ ﺭﺍﻗﺪﻩ ﻓﻲ ﻳﺪﻭ ? ،،،ﺍﻭﻝ ﻣﺎﻗﻮﻣﺘﺎ ﻣﻦ ﻳﺪﻭ،،ﺻﺤﻰ،،،ﻗﺎﻝ ﻟﻲ ﻣﺎﺷﻬﻪ ﻭﻳﻦ،،،ﻭﻫﻮ ﻧﻌﺴﺎﻥ ﻭﻋﻴﻮﻧﻮ ﻭﺍﻗﻌﻪ،،،ﻗﻮﻟﺘﻪ ﻟﻴﻬﻮ ﻋﺎﻭﺯﻩ ﺍﺳﺘﺤﻤﻰ،،،ﺍﻧﺖ ﺍﺭﺟﻊ ﻧﻮﻡ،،،ﻗﺎﻝ ﻟﻲ ﺍﻧﺘﻲ ﻛﻮﻳﺴﻪ ﻃﻴﺐ؟؟ﻗﻮﻟﺘﻪ ﻟﻴﻬﻮ ﺍﻱ ﻛﻮﻳﺴﻬﻪ،،،،ﻗﻮﻣﺘﺎ ﻣﻦ ﺟﻤﺒﻮ ﻭﺩﺧﻠﺘﺎ ﺍﻟﺤﻤﺎﻡ،،،ﻋﺎﻳﻨﺖ ﻟﻲ ﺭﻗﺒﺘﻲ ﻓﻲ ﺍﻟﻤﺮﺍﻳﻪ ﻛﺎﻧﺖ ﻣﺤﻤﺮﻩ ﻭﻓﻴﻬﺎ ﻋﻼﻣﺎﺕ،،،،ﻭﺑﺘﻮﺟﻌﻨﻲ? ،،،ﺍﺳﺘﺤﻤﻴﺖ ﻭﺍﺗﻮﺿﻴﺖ،،،ﻃﻠﻌﺘﺎ ﺻﻠﻴﺖ،،،ﺑﻌﺪ ﻫﻴﻤﺎ ﺻﺤﻰ،،،ﻗﻌﺪﻧﺎ ﻧﺸﺮﺏ ﺍﻟﺸﺎﻱ،،،ﻗﺎﻝ ﻟﻲ ﺭﻗﺒﺘﻚ ﺣﻤﺮﺕ،،،ﻧﻔﺴﻲ ﺍﻋﺮﻑ ﻟﻤﻴﺲ ﺩﻱ ﻣﺎﻻ،،ﺟﻨﺖ ﻫﻲ ﻭﻻ ﻛﻴﻒ،،،ﻗﻮﻟﺘﻪ ﻟﻴﻬﻮ ﺧﻼﺹ ﺍﻟﻤﻮﺿﻮﻉ ﺍﻧﺘﻬﻰ،،،ﻗﺎﻝ ﻟﻲ ﻻ ﻣﺎ ﺍﻧﺘﻬﻰ،،،ﻭﺍﻧﺎ ﻟﺴﻪ ﻣﺎﺻﻔﻴﺖ ﺣﺴﺎﺑﻲ ﻣﻌﺎﻫﺎ،،،ﻛﺎﻥ ﺑﺘﻜﻠﻢ ﺑﺘﻌﺼﻴﺐ ﻭﻣﺨﻨﻮﻕ ﺣﺴﻴﺘﻮ ? ،،،،ﺑﻌﺪ ﺍﻟﺸﺎﻱ ﺑﻘﻴﺖ ﺍﻛﺢ ﺑﻄﺮﻳﻘﻪ ﻏﺮﻳﺒﻪ،،،ﻣﺸﻴﺖ ﺭﻗﺪﺗﺎ ﻓﻲ ﺍﻟﻐﺮﻓﻪ،،،ﻭﻫﻴﻤﺎ ﻧﺰﻝ ﺗﺤﺖ،،،،ﺑﻌﺪ ﺷﻮﻳﻬﻪ ﺍﻳﻨﺎﺭ ﺍﺗﺼﻠﺖ ﻋﻠﻲ،،،،ﻗﻮﻟﺘﻪ ﻟﻴﻬﺎ . ﻫﻼﺍﺍ ﺣﺒﻴﺒﺘﻲ،،،ﻗﺎﻟﺖ ﻟﻲ ﻧﻨﻮﺱ ? ﻣﺎﺡ ﺗﺼﺪﻗﻲ ! ﻗﻮﻟﺘﻪ ﻟﻴﻬﺎ ﺷﻨﻮ؟؟؟ﻗﺎﻟﺖ ﻟﻲ ﺍﻣﺒﺎﺭﺡ ﺣﺬﻳﻔﻪ ﺍﺗﺼﻞ ﻋﻠﻲ ﻭﻗﻌﺪﻧﺎ ﻧﺘﻮﻧﺲ ﻟﻠﺴﺎﻋﻪ 3 ﺻﺒﺎﺣﺎ،،،ﺭﺟﻊ ﺯﻱ ﺯﻣﺎﻥ ❤ ،،ﻗﻮﻟﺘﻪ ﻟﻴﻬﺎ ﻳﻌﻨﻲ ﻫﻮ ﺍﻟﻔﺘﺮﻩ ﺍﻟﻔﺎﺗﺖ ﻛﻠﻬﺎ ﻛﺎﻥ ﻣﺘﻐﻴﺮ،،ﻗﺎﻟﺖ ﻟﻲ ﺍﻱ ﻭﻣﺎﺑﺴﺄﻝ ﻣﻨﻲ ﻭﻃﺒﻴﻌﻲ ﺯﻫﺠﺎﻥ،،،ﺑﺲ ﺍﺳﻲ ﺍﻟﺤﻤﺪ ﻟﻠﻪ،،،ﻗﻮﻟﺘﻪ ﻟﻴﻬﺎ ﺭﺑﻨﺎ ﻳﺴﻌﺪﻛﻢ،،ﻗﺎﻟﺖ ﻟﻲ ﻣﺎﻟﻮ ﺻﻮﺗﻚ ﻣﺎﻋﺎﺟﺒﻨﻲ،،،ﻗﻮﻟﺘﻪ ﻟﻴﻬﺎ ﻻ ﻋﻠﺸﺎﻥ ﻛﻨﺖ ﺡ ﺍﻧﻮﻡ ﻭﺍﻧﺘﻲ ﺍﺗﺼﻠﺘﻲ،،،ﻗﺎﻟﺖ ﻟﻲ ﻣﺘﺄﻛﺪﻩ؟؟؟ﻗﻮﻟﺘﻪ ﻟﻴﻬﺎ ﺍﻱ،،،ﻗﺎﻟﺖ ﻟﻲ ﻃﻴﺐ ﺗﻤﺎﻡ ﺑﺘﺼﻞ ﻟﻴﻚ ﺑﻌﺪﻳﻦ،،،،ﻗﻔﻠﺘﺎ ﻣﻨﻬﺎ ﻭﺍﺗﺼﻠﺖ ﺑﻤﺪﺍﻡ ﻟﻴﻠﻰ،،ﻗﻮﻟﺘﻪ ﻟﻴﻬﺎ ﺗﻌﺒﺎﻧﻪ ﻣﺎﺑﻘﺪﺭ ﺍﺟﻲ،،،ﻗﺎﻟﺖ ﻟﻲ ﻃﻴﺐ ? ،،،،،ﻗﻌﺪﺗﺎ ﺍﻓﻜﺮ ﻓﻲ ﻟﻤﻴﺲ ﻭﺷﻜﻠﻬﺎ ﻟﻤﻦ ﺧﻨﻘﺘﻨﻲ ﻣﺎﺭﺍﺿﻲ ﻳﺮﻭﺡ ﻣﻦ ﻣﺨﻴﻠﺘﻲ ﺍﺑﺪﺍ،،،،ﻟﺤﺪﻱ ﻣﺎﺻﺤﻴﺖ ﺑﺼﻮﺕ ﻫﻴﻤﺎ،،،،ﻗﺎﻝ ﻟﻲ ﺣﺒﻴﺒﻲ ﻛﻔﺎﻳﻬﻪ ﻧﻮﻡ ﻳﻼ ﻗﻮﻣﻲ،،،ﻗﻮﻟﺘﻪ ﻟﻴﻬﻮ ﺗﻌﺒﺎﻧﻪ ﻳﺎﺍﺥ ﺧﻠﻴﻨﻲ ﺷﻮﻳﻬﻪ،،ﻗﺎﻝ ﻟﻲ ﻧﺎﺱ ﺍﻣﻲ . ﻓﻲ ﺍﻟﺼﺎﻟﻪ،،،ﻗﻮﻟﺘﻪ ﻟﻴﻬﻮ ﺍﻟﺴﺎﻋﻪ ﻛﻢ؟ ! ﻗﺎﻝ ﻟﻲ ﺍﻣﻤﻢ 6 ،،،ﻗﻮﻟﺘﻪ ﻟﻴﻬﻮ ﻻﺣﻮﻻﺍﺍ،،،ﻭﻟﻲ ﺧﻠﻴﺘﻨﻲ ﻧﻮﻣﺘﺎ ﻛﻞ ﺩﺍ،،،ﻗﺎﻝ ﻟﻲ ﻣﺎﻫﺎﺍﻥ ﻋﻠﻲ ﺍﺻﺤﻴﻚ،،،ﺑﺲ ﻳﻼ ﻗﻮﻣﻲ،،،ﻣﺴﺤﺘﺎ ﻭﺷﻲ ﺑﻴﺪﻳﻨﻲ ﻭﻗﻮﻣﺘﺎ ﻟﺒﺴﺘﺎ ﺗﻮﺑﻲ ﻭﻃﻠﻌﺘﺎ ﻣﻌﺎﻫﻮ،،،ﻟﻘﻴﺖ ﺍﻣﻮ ﻭﻟﻤﻴﺲ ﻭﻣﻴﺲ ﻭﻋﻤﻮ ﺟﻤﺎﻝ،،،،،ﻗﻮﻟﺘﻪ ﻟﻴﻬﻢ ﺳﻼﻡ ﻋﻠﻴﻜﻢ،،،ﻗﺎﻟﻮﺍ ﻭﻋﻠﻴﻜﻢ ﺍﻟﺴﻼﻡ،،،ﻣﺎﻣﺎ ﺳﻌﺎﺩ ﻗﺎﻟﺖ ﻟﻲ ﺗﻌﺎﻟﻲ ﺍﻗﻌﺪﻱ ﺟﻤﺒﻲ،،،ﻣﺸﻴﺖ ﻗﻌﺪﺗﺎ،،،،ﻣﻴﺲ ﻗﺎﻟﺖ ﻟﻲ ﻟﻤﻴﺲ ﺣﺎﺑﻪ ﺗﻌﺘﺬﺭ ﻣﻨﻚ ﻋﻠﻰ ﻣﻮﻗﻒ ﺍﻣﺒﺎﺭﺡ،،،ﻗﻮﻟﺘﻪ ﻟﻴﻬﺎ ﻣﺎﻓﻲ ﺩﺍﻋﻲ،،،،ﻟﻤﻴﺲ ﻗﺎﻟﺖ ﻟﻲ ﺍﻧﺎ ﺍﺳﻔﻬﻪ ﺑﺲ ﺻﺮﺍﺣﻪ ﻣﺎﺑﺤﺐ ﺯﻭﻝ ﻳﺨﺶ ﻏﺮﻓﺘﻲ ﺑﺪﻭﻥ ﺍﺫﻧﻲ،،،ﻭﺍﻟﻤﺸﻜﻠﻪ ﺍﻧﻚ ﻋﺎﺭﻓﻪ ﺍﻟﻜﻼﻡ ﺩﺍ،،،،ﻗﻮﻟﺘﻪ ﻟﻴﻬﺎ ﻻ ﺍﻧﺎ ﺍﻻﺳﻔﻬﻪ ﻣﺎ ﺍﻟﻤﻔﺮﻭﺽ ﺍﻫﺒﺶ ﺣﺎﺟﺎﺗﻚ،،،ﻗﺎﻟﺖ ﻟﻲ ﻳﺎ ﺳﺘﻲ ﺣﺼﻞ ﺧﻴﺮ ﻭﺍﻟﻌﻔﻮ ﻭﺍﻟﻌﺎﻓﻴﻪ،،،ﺍﺑﺘﺴﻤﺖ ﻟﻴﻬﺎ،،،ﻋﻤﻮ ﺟﻤﺎﻝ ﻗﺎﻝ ﻟﻲ ﺗﺎﻧﻲ ﻣﺎﺡ ﺗﺘﻜﺮﺭ ﺍﻃﻤﻨﻲ،،،،ﻟﻤﻦ ﻗﺎﻣﻮﺍ ﻃﺎﻟﻌﻴﻦ،،،ﻫﻴﻤﺎ ﻛﺎﻥ ﺑﺤﻤﺮ ﻟﻲ ﻟﻤﻴﺲ،،،،،ﺑﻌﺪ ﻃﻠﻌﻮ،،،ﻗﻮﻟﺘﻪ ﻟﻴﻬﻮ ﺍﻧﺖ ﺿﺮﺑﺘﻬﺎ ﺻﺎﺡ؟؟ﻗﺎﻝ ﻟﻲ ﻻ،،،ﻭﺍﺿﺮﺑﺎ ﻟﺸﻨﻮ،،،ﻗﻮﻟﺘﻪ ﻟﻴﻬﻮ ﻫﻴﻤﺎ ﺍﻧﺎ ﺟﺎﺩﻩ ﻣﻌﺎﻙ،،،،ﺿﺮﺑﺘﻬﺎ ﺻﺎﺡ؟ﻗﺎﻝ ﻟﻲ ﻭﺍﺗﻜﻠﻤﺘﺎ ﻣﻌﺎﻫﺎ ﻛﻤﺎﻥ،،،ﻗﻮﻟﺘﻪ ﻟﻴﻬﻮ ﻳﻌﻨﻲ ﺿﺮﺑﺘﻬﺎ،،،،ﻗﺎﻝ ﻟﻲ ﺍﻱ،،،ﻗﻮﻟﺘﻪ ﻟﻴﻬﻮ ﻫﻴﻤﺎ ﻳﺎﺥ ﻭﺍﻟﻠﻪ ﺑﺘﺒﺎﻟﻎ،،،ﻣﻬﻤﺎ ﺣﺼﻞ ﺩﻱ ﺍﺧﺘﻚ ﻓﻬﻤﺘﺎ،،،ﻟﻲ ﺑﺘﺘﻌﺎﻣﻞ ﻣﻌﺎﻫﺎ ﺑﺎﻻﺳﻠﻮﺏ ﺩﺍ،،ﻗﺎﻝ ﻟﻲ ﻭﻫﻲ ﻟﻲ ﺍﺗﻌﺎﻣﻠﺖ ﻣﻌﺎﻙ ﺑﺎﻻﺳﻠﻮﺏ ﺩﺍﻙ،،،ﻗﻮﻟﺘﻪ ﻟﻴﻬﻮ ﻣﻬﻤﺎ ﺣﺼﻞ ﻣﺎ ﺍﻟﻤﻔﺮﻭﺽ ﺗﻀﺮﺑﺎﺍﺍ،،،،ﻳﺎ ﺍﻟﻠﻪ،،،ﺍﻧﺖ ﻋﺎﺭﻑ ﺍﻧﻬﺎ ﻛﺪﻩ ﺡ ﺗﻜﺮﻫﻨﻲ ﺯﻳﺎﺩﻩ،،،،ﻗﺎﻝ ﻟﻲ ﻻ ﻣﺎﺡ ﺗﻜﺮﻫﻚ،،،ﻭﺗﺎﻧﻲ ﻣﺎ ﺡ ﺗﺴﺄﻟﻚ ﺍﻃﻤﻨﻲ،،،ﻗﻮﻟﺘﻪ ﻟﻴﻬﻮ ﻫﻴﻤﺎ،،،ﻗﺎﻝ ﻟﻲ ﺑﺼﻮﺕ ﻋﺎﻟﻲ ﺍﻳﻨﺎﺱ،،،ﺧﻼﺹ،،،ﻳﺴﺘﺤﺴﻦ ﻧﻘﻔﻞ ﺍﻟﻤﻮﺿﻮﻉ ﺩﺍ ?ﻗﻮﻟﺘﻪ ﻟﻴﻬﻮ ﺑﺲ،،،ﻋﺎﻳﻦ ﻟﻲ ﺑﻐﻀﺐ،،،ﻃﻮﺍﻟﻲ ﺑﻠﻌﺘﺎ ﻟﺴﺎﻧﻲ ?? ،،،،،،،ﺩﺧﻠﺘﺎ ﺍﻟﻐﺮﻓﻪ ﻭﺭﺍﻫﻮ ﻟﻘﻴﺘﻮ ﺭﺍﻗﺪ ﻭﻣﺎﺳﻚ ﺗﻠﻔﻮﻧﻮ،،،ﻗﻮﻟﺘﻪ ﻟﻴﻬﻮ ﻫﻴﻤﺎﺍ،،،ﻗﺎﻝ ﻟﻲ ﺍﻣﻤﻤﻢ،،ﻗﻮﻟﺘﻪ ﻟﻴﻬﻮ ﻣﺸﻐﻮﻝ؟؟ﻗﺎﻝ ﻟﻲ ﺍﻣﻢ ﻻ،،،،،ﺭﻗﺪﺗﺎ ﺟﻤﺒﻮﻭ،،،ﻭﻗﻌﺪﺗﺎ ﺍﻋﺎﻳﻦ ﻟﻴﻬﻮ ﻭﻫﻮ ﻣﺮﻛﺰ ﻣﻊ ﺗﻠﻔﻮﻧﻮ،،،،ﻋﺎﻳﻦ ﻟﻲ ﻟﻘﺎﻧﻲ ﻣﺘﻨﺤﻪ ﻓﻴﻬﻮ ?ﻗﺎﻝ ﻟﻲ ﻣﺎﺗﻌﺎﻳﻨﻲ ﻟﻲ ﻛﺪﻩ ﺑﺘﺴﺤﺮﻳﻨﻲ ?? ،،،ﻗﻮﻟﺘﻪ ﻟﻴﻬﻮ ﺍﻧﻨﻦ ﻇﺮﻳﻒ ? ،،،ﻗﺎﻝ ﻟﻲ ﺑﻜﺮﻩ ﺡ ﺍﻣﺸﻲ ﺍﻟﻐﻴﺎﺭ،،،ﺡ ﻳﻔﻜﻮ ﻟﻲ ﺍﻟﺠﺒﺺ،،،ﻗﻮﻟﺘﻪ ﻟﻴﻬﻮ ﺑﺎﻟﺴﺮﻋﻪ ﺩﻱ ? ﻗﺎﻝ ﻟﻲ ﺍﻱ،،ﻭﺡ ﻳﻌﻤﻠﻮﺍ ﻟﻲ ﺷﺎﺵ ﻋﺎﺩﻱ ﺑﺲ،،،ﻗﻮﻟﺘﻪ ﻟﻴﻬﻮ ﻭﺍﻟﻤﻄﻠﻮﺏ ? ،،ﻃﻠﻊ ﻗﻠﻢ ﺷﻴﻨﻲ ﻣﻦ ﺍﻟﺪﺭﺝ،،ﻗﺎﻝ ﻟﻲ ﺍﻛﺘﺒﻲ ﻟﻲ ﻓﻲ ﺍﻟﺠﺒﺺ ﻗﺒﻞ ﺍﻃﻠﻌﻮ،،،ﻗﻮﻟﺘﻪ ﻟﻴﻬﻮ ﺍﻛﺘﺐ ﺷﻨﻮ،،،ﻗﺎﻝ ﻟﻲ ﺍﻱ ﺷﻲ ﻓﻲ ﺑﺎﻟﻚ ❤ ،،،ﺷﻠﺘﻪ ﻣﻨﻮ ﺍﻟﻘﻠﻢ،،ﻭﻛﺘﺒﺘﺎ ﻟﻴﻬﻮ # ﺍﻋﺎﻥ ﺍﻟﻠﻪ ﻗﻠﺒﻲ ﻋﻠﻰ ﺣﺐ ﻗﻠﺐ ﺭﺟﻞ ﻣﺜﻠﻚ ❤ ﻫﻴﻤﺘﻲ ❤ ،،،ﻟﻤﻦ ﻗﺮﺃ ﺍﻟﺠﻤﻠﻪ ﻗﺎﻝ ﻟﻲ ﻣﻌﺎﻧﺎ ﺷﻨﻮ ﻭﻫﻮ ﺑﻴﻀﺤﻚ،،،ﻗﻮﻟﺘﻪ ﻟﻴﻬﻮ ﺍﻓﻬﻤﺎ ﺑﺮﺍﻙ ?? ،،،،ﻗﺎﻝ ﻟﻲ ﻃﺒﻌﺎ ﻫﻴﻤﺘﻲ ﺩﻱ ﺑﺘﺤﺴﺴﻨﻲ ﺍﻧﻲ ﻣﻠﻜﻚ ﺑﺮﺍﻙ ?? ،،ﻗﻮﻟﺘﻪ ﻟﻴﻬﻮ ﻉ ﺍﺳﺎﺱ ﻋﻨﺪﻱ ﻣﻨﺎﻓﺴﺎﺕ ? ﻗﺎﻝ ﻟﻲ ﻭﺩﺍ ﻛﻼﻣﻚ ? ،،،،ﻗﻮﻟﺘﻪ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﻳﻨﻔﻌﻮﻭﻙ ?? ﻗﺎﻝ ﻟﻲ ﻫﻬﻬﻪ،،،ﺻﺢ ﺣﻮﺍﻟﻲ ﻛﺘﺎﺭ ? ﺑﺲ ﻗﻠﺒﻲ ﺩﺍ ﻣﺎﺑﻀﺮﺏ ﻟﻲ ﻏﻴﺮﻙ ﻳﺎ ﺭﻣﻪ ?? ،،،ﻗﻮﻟﺘﻪ ﻟﻴﻬﻮ ﺍﻱ ﻻﻧﻮ ﻗﻠﺒﻚ ﻋﺎﺍﺍﻗﻞ ? ﻗﺎﻝ ﻟﻲ ﻗﺼﺪﻙ ﻣﺘﺨﻠﻒ ﻭﻋﻮﺍﻟﻴﻖ ﻳﺎ ﻣﻌﻮﻟﻘﻪ ? ،،،،ﺷﻠﺘﻪ ﺍﻟﻤﺨﺪﻩ ﻭﻗﻌﺪﺗﺎ ﺍﺿﺮﺑﻮﻭ،،ﻣﺴﻜﺎ ﻣﻨﻲ ﻭﻛﺎﻥ ﻋﺎﻭﺯ ﻳﻀﺮﺑﻨﻲ،،،ﻗﻮﻟﺘﻪ ﻟﻴﻬﻮ ﻫﻮﻭﻱ ﻫﺎﺍ ﺍﻧﺎ ﺣﺎﺍﻣﻞ ?❤ ،،،،ﻗﺎﻝ ﻟﻲ ﻭﺍﻧﺎ ﺑﺘﻮﺟﻊ ? ﻗﻮﻟﺘﻪ ﻟﻴﻬﻮ ﻫﻴﻤﺎﺍ ? ﻗﺎﻝ ﻟﻲ ﻣﻦ ﺍﻟﻢ ﺍﻟﻜﺴﺮ ﻳﺎ ﺣﻴﻮﺍﻧﻪ ??? ،،،،،

ﺍﻟﺼﺒﺎﺡ ﻃﻠﻌﺘﺎ ﻣﻌﺎﻫﻮ ﺑﺪﺭﻱ،،،ﻭﻣﺸﻴﻨﺎ ﺍﻟﻤﺴﺘﺸﻔﻰ،،،،ﻭﻃﻠﻌﻮﺍ ﻟﻴﻬﻮ ﺍﻟﺠﺒﺺ ﻭﻣﻨﻌﻮ ﻣﻦ ﻟﻌﺐ ﺍﻟﻜﻮﺭﻩ ﻓﻲ ﺍﻟﻮﻗﺖ ﺍﻟﺤﺎﻟﻲ ﻭﺍﻱ ﺭﻳﺎﺿﻪ ﺗﻘﻴﻠﻪ? ،،،،ﺭﺟﻌﻨﺎ ﺍﻟﺒﻴﺖ ﻗﺎﻝ ﻟﻲ ﻧﻔﺴﻲ ﻓﻲ ﺑﺴﺒﻮﺳﻬﻪ،،،ﻋﻤﻠﺘﻬﺎ ﻟﻴﻬﻮ ﻭﺍﺧﺪﺕ ﻣﻌﺎﻱ ﺯﻣﻦ،،،ﺑﻌﺪ ﺧﻠﺼﺘﺎﺍ،،،ﻛﻨﺖ ﺡ ﺍﺧﺪﺍ ﻟﻴﻬﻮ ﻟﻘﻴﺘﻮ ﻭﺍﻗﻒ ﻓﻲ ﺑﺎﺏ ﺍﻟﻤﻄﺒﺦ،،،ﻭﻣﺘﺜﺒﺖ ﺑﺎﻟﻌﺼﺎﻳﻪ،،ﻗﻮﻟﺘﻪ ﻟﻴﻬﻮ ﺍﻟﻘﻮﻣﻚ ﻣﻦ ﺍﻟﺴﺮﻳﺮ ﺷﻨﻮ ﺑﺲ،،،ﻗﺎﻝ ﻟﻲ ﺍﺗﺄﺧﺮﺗﻲ ﻭﻛﺬﺍ،،،،ﻗﻮﻟﺘﻪ ﻟﻴﻬﻮ ﻃﻴﺐ ﺍﺭﺡ ﺍﻟﺼ

ﺎﻟﻪ ﻋﻠﺸﺎﻥ ﺗﺎﻛﻞ،،،،ﻗﺮﺏ ﻣﻨﻲ ﻭﺭﺟﻊ ﻟﻲ ﺷﻌﺮﻱ ﻟﻲ ﻭﺭﺍﺀ،،ﻭﺍﻧﺎ ﻛﻨﺖ ﻣﺎﺳﻜﻬﻪ ﺍﻟﺼﻴﻨﻴﻪ ﻭﻣﻨﺰﻟﻪ ﺭﺍﺳﻲ،،،ﺭﻓﻌﻮ ﻟﻲ ﻭﻗﻌﺪ ﻳﻌﺎﻳﻦ ﻟﻲ ﻓﻲ ﻋﻴﻮﻧﻲ،،،ﻳﺎﺥ ﺑﻬﺪﻟﻨﻲ ﻛﻴﻒ ??❤❤ ،،،ﻗﻮﻟﺘﻪ ﻟﻴﻬﻮ ﻫﻴﻤﺎ ﻓﻲ ﺷﻨﻮ،،،ﻗﺎﻝ ﻟﻲ ﺛﻮﺍﻧﻲ ﺑﻔﺘﺶ ﻓﻲ ﻭﺷﻚ ﻉ ﺣﺎﺟﻬﻪ ﻏﻠﻂ،،،ﻳﺎﺥ ﻛﻠﻚ ﺑﺮﺍﺀﻩ ?❤ ،،،ﻭﺍﻱ ﻛﺘﻠﻨﻲ ﺧﺠﻞ ???? ،،،،ﻗﻮﻟﺘﻪ ﻟﻴﻬﻮ ﺧﻼﺹ ﻗﻮﻣﺘﺎ ﻋﻠﻰ ﺍﺭﻫﺎﺑﻚ ﺩﺍ ? ﻗﻌﺪ ﻳﻀﺤﻚ،،،ﻗﺎﻝ ﻟﻲ ﺍﻣﻤﻢ ﺗﻘﺮﻳﺒﺎ،،،،ﻭﺑﺎﻟﻤﻨﺎﺳﺒﻪ ﺍﻧﺘﻲ ﻟﻲ ﻣﺰﺯﻩ ﻭﻛﺴﺎﺭﻩ ﻛﺪﻩ،،،ﻗﻮﻟﺘﻪ ﻟﻴﻬﻮ ﺍﻓﻮﻭﻭﻭ ﻣﻦ ﺍﻟﻠﻪ ﺳﻤﺤﻴﻦ ?? ،،،ﻗﺎﻝ ﻟﻲ ﻫﻬﻬﻪ ﻓﻌﻼ ﻓﻌﻼ،،،،ﻗﺮﺏ ﻣﻨﻲ ﺯﻳﺎﺩﻩ،،،،ﻭﺍﻧﺎ ﺑﺮﺟﻊ ﻟﺤﺪﻱ ﻣﺎ ﺍﺗﻠﺼﻘﺘﺎ ﻣﻊ ﺍﻟﺘﻼﺟﻪ ??? ،،،ﻗﻮﻟﺘﻪ ﻟﻴﻬﻮ ﻳﺎﺥ ﻣﺎﻣﻤﻜﻦ ﻣﻌﺎﻙ،،،ﻓﻲ ﺷﻨﻮ ? ،،،،ﻃﺒﻌﺎ ﺑﺲ ﺑﻌﺎﻳﻦ ﻟﻲ ﻭﺑﺤﺮﻙ ﻓﻲ ﻋﻴﻮﻧﻮ ﻳﻤﻴﻦ ﻭﺷﻤﺎﻝ،،،،ﻗﺮﺏ ﻣﻨﻲ ﺷﺪﻳﺪ ﻭﺑﺎﺳﻨﻲ ﻓﻲ ﺭﻗﺒﺘﻲ ❤ ،،،،ﺍﻧﺎ ﺑﻘﻴﺖ ﻣﻐﻤﻀﻪ ﻭﻣﺎﺳﻜﻪ ﻓﻲ ﺍﻟﺘﻲ ﺷﻴﺮﺕ ﺑﺘﺎﻋﻮ،،،،ﺷﺎﻝ ﺍﻟﺼﻴﻨﻴﻪ ﻣﻨﻲ ﻭﻫﻮ ﻟﺴﻪ ﺑﺘﻨﻔﺲ ﻓﻲ ﺭﻗﺒﺘﻲ،،،،ﺧﺘﺎ ﺍﻟﺼﻴﻨﻴﻪ ﻓﻲ ﺍﻟﺘﺮﺑﻴﺰﻩ،،،،ﻭﻣﺴﻜﻨﻲ ﻣﻦ ﺧﺼﺮﻱ ❤ ،،،ﻗﺮﺑﻨﻲ ﻣﻨﻮ ﺷﺪﻳﺪ ❤ ﻗﺎﻝ ﻟﻲ ﻣﺎ ﺍﺷﺘﻘﺘﻲ ﻟﻲ؟؟ﻗﻮﻟﺘﻪ ﻟﻴﻬﻮ ﺍﻣﻢ ﺍﺷﺘﻘﺘﺎ ﻟﻴﻚ،،،،،،ﺑﻌﺪ ﺷﻮﻳﻬﻪ ﺳﻤﻌﻨﺎ ﺻﻮﺕ ﺯﻭﻝ ﺑﻘﻮﻝ ﺍﺣﻢ ﺍﺣﻢ ?? ،،،،،ﻫﻴﻤﺎ ﻃﻮﺍﻟﻲ ﺯﺣﺎ ﻣﻨﻲ،،ﻭﺍﻧﺎ ﺑﻘﻴﺖ ﻣﻨﻄﻄﻪ ﻋﻴﻮﻧﻲ،،،،ﻛﺎﻧﺖ ﻟﻤﻴﺲ،،،ﻗﺎﻟﺖ ﻟﻴﻨﺎ ﻓﻲ ﺍﻟﻤﻄﺒﺦ ﻟﻜﻦ ?? ،،،ﻫﻴﻤﺎ ﺣﻤﺮ ﻟﻴﻬﺎ،،،ﻃﻮﺍﻟﻲ ﺳﻜﺘﺖ،،،ﻗﻮﻟﺘﻪ ﻟﻴﻬﻮ ﺷﻴﻞ ﺍﻟﺼﻴﻨﻴﻪ ﻭﺍﻣﺸﻲ،،ﻛﻠﻮ ﺑﺴﺒﺒﻚ ? ،،،،ﺷﺎﻝ ﺍﻟﺼﻴﻨﻴﻪ ﻭﻃﻠﻊ،،ﺑﻘﻴﻨﺎ ﺍﻧﺎ ﻭﻟﻤﻴﺲ ﻓﻲ ﺍﻟﻤﻄﺒﺦ،،،،ﻃﺒﻌﺎ ﻭﺷﻲ ﺣﻤﺮ ﻣﻦ ﺍﻟﺨﺠﻞ،،،،ﻗﺎﻟﺖ ﻟﻲ ﻫﻬﻪ ﻣﺎﺗﺨﺠﻠﻲ ﻋﺎﺩﻱ ﻋﺎﺩﻱ،،،ﺍﺑﺘﺴﻤﺖ ﻟﻴﻬﺎ،،،،ﻗﺎﻟﺖ ﻟﻲ ﺟﻴﺖ ﺍﺑﺪﺍ ﻣﻌﺎﻙ ﺻﻔﺤﻪ ﺟﺪﻳﺪﻩ،،،ﺻﺮﺍﺣﻪ ﻣﻦ ﺍﻭﻝ ﻣﺎ ﺟﻴﺘﻲ ﻭﺍﻧﺘﻲ ﻣﻼﺣﻈﻪ ﺍﻧﻲ ﻣﺎﺑﻄﻴﻘﻚ ﺻﺎﺡ؟ ﻗﻮﻟﺘﻪ ﻟﻴﻬﺎ ﺍﻱ،،،ﻗﺎﻟﺖ ﻟﻲ ﻻﻧﻮ ﺷﻴﻠﺘﻲ ﻣﻨﻲ ﺍﺧﻮﻱ ﻭﺑﻘﻰ ﻗﺎﺳﻲ ﺷﺪﻳﺪ ﻋﻠﻲ،،،ﻭﻣﺎﺯﻱ ﺯﻣﺎﻥ،،،ﺍﻱ ﻫﻮ ﺻﻌﺐ ﻭﺍﻱ ﺷﻲ،،،ﺑﺲ ﺍﻭﻝ ﻣﺎﺩﺧﻠﺘﻲ ﺣﻴﺎﺗﻮ ﺑﻘﻰ ﺍﺻﻌﺐ ﻣﻦ ﺍﻻﻭﻝ،،،ﺑﺲ ﻃﺒﻌﺎ ﺩﻱ ﺳﻨﻪ ﺍﻟﺤﻴﺎﻩ،،ﻭﺩﻭﺍﻡ ﺍﻟﺤﺎﻝ ﻣﻦ ﺍﻟﻤﺤﺎﻝ،،،،ﻗﻮﻟﺘﻪ ﻟﻴﻬﺎ ﻓﻌﻼ،،،،ﻣﺪﺕ ﻟﻲ ﻳﺪﻫﺎ،،ﻗﺎﻟﺖ ﻟﻲ ﺍﺧﻮﺍﺕ ?? ،،،،ﺍﺑﺘﺴﻤﺖ ﻟﻴﻬﺎ ﻭﻣﺪﻳﺖ ﻳﺪﻱ،،ﻗﻮﻟﺘﻪ ﻟﻴﻬﺎ ﺍﺧﻮﺍﺕ،،،ﺣﻀﻨﺘﻨﻲ ﻗﺎﻟﺖ ﻟﻲ ﺣﻠﻮﻭﻭ ❤ ،،،ﺑﻌﺪ ﺷﻮﻳﻬﻪ ﻫﻴﻤﺎ ﻧﺎﺩﺍﻧﻲ،،،ﻃﻠﻌﺖ ﺧﻠﻴﺘﺎ ﻓﻲ ﺍﻟﻤﻄﺒﺦ ?? ،،،،،

ﻣﺸﻴﺖ ﻟﻲ ﻫﻴﻤﺎ ﻗﻮﻟﺘﻪ ﻟﻴﻬﻮ ﺍﻫﺎﺍ ﺑﺘﻜﻮﺭﻙ ﻣﺎﻟﻚ ?ﻣﺶ ﻛﻔﺎﻳﻪ ﻣﻨﻈﺮﻧﺎ ﺍﻟﺰﺑﺎﻟﻪ ﺍﻟﻘﺒﻞ ﺷﻮﻳﻪ ﺩﺍ،،،ﻗﺎﻝ ﻟﻲ ﺍﻧﺘﻲ ﻣﻜﺒﺮﻩ ﺍﻟﻤﻮﺿﻮﻉ ﻛﺪﻩ ﻟﻲ،،ﻋﺎﺩﻱ ﻳﺎﺥ? ،،،ﺟﺮﺍﻧﻲ ﻭﻗﻌﺪﻧﻲ ﺟﻤﺒﻮ ﻭﺧﺘﺎ ﻳﺪﻭ ﻋﻠﻰ ﻛﺘﻔﻲ،،،ﻭﺑﻘﻰ ﻳﺎﻛﻠﻨﻲ ﻓﻲ ﺍﻟﺒﺴﺒﻮﺳﻬﻪ،،،ﻗﻮﻟﺘﻪ ﻟﻴﻬﻮ ﻋﺠﺒﺘﻚ؟؟ﻗﺎﻝ ﻟﻲ ﻳﻌﻨﻲ،،،ﻗﻮﻟﺘﻪ ﻟﻴﻬﻮ ﺟﺪ ?ﻗﺎﻝ ﻟﻲ ﺭﻏﻢ ﺍﻧﻮ ﺍﻧﺘﻲ ﺍﻟﻌﺎﻣﻼﻫﺎ ﺍﻻ ﺍﻧﻬﺎ ﺭﻫﻴﻴﻴﺒﻪ ?❤❤ ﻗﻮﻟﺘﻪ ﻟﻴﻬﻮ ﻭﺍﻧﺎ ﻣﺎﻟﻲ ?? ﻗﺎﻝ ﻟﻲ ﻻ ﻣﺎﻓﻴﻚ ﻣﻠﻪ ﻭﺍﻟﻠﻪ ?? ،،،،ﺍﻧﺎ ﺣﺴﻴﺖ ﺍﻧﻮ ﻟﻤﻴﺲ ﺍﺗﺄﺧﺮﺕ،،ﻗﻮﻟﺘﻪ ﻟﻲ ﻫﻴﻤﺎ ﺛﻮﺍﻧﻲ ﺍﺷﻮﻑ ﻟﻤﻴﺲ،،،ﻣﺸﻴﺖ ﺍﻟﻤﻄﺒﺦ ﻟﻘﻴﺘﺎ ﻣﺪﻧﻘﺮﻩ ﺑﺈﺗﺠﺎﻩ ﺍﻟﺘﻼﺟﻪ،،،ﻗﻮﻟﺘﻪ ﻟﻴﻬﺎ ﻟﻤﻴﺲ،،،ﺍﺗﺨﻠﻌﺖ ﻭﺭﻓﻌﺖ ﺭﺍﺳﺎﺍ ﺳﻮﺭﻋﻪ،،،ﻗﺎﻟﺖ ﻟﻲ ﻫﺎﺍﺍ،،،ﻗﻮﻟﺘﻪ ﻟﻴﻬﺎ ﺑﺘﻌﻤﻠﻲ ﻓﻲ ﺷﻨﻮ؟؟ﻗﺎﻟﺖ ﻟﻲ ﺍﺍ،،،ﻭﻻﺷﻲ،،،ﻳﻼ ﻻﺯﻡ ﺍﻧﺰﻝ ﺗﺤﺖ ﺑﻌﺪ ﺍﺫﻧﻚ،،،ﻭﻧﺰﻟﺖ ﻣﺴﺘﻌﺠﻠﻪ ???

?# ﺍﺳﺘﻜﺎﺍﻧﺎﺗﻜﻢ ﻳﺎ ﻫﻠﻮﻳﻦ ❤