#احببته بعقل

#احببته بعقل 5

NOVEL ⚡️ روايــات:

#أحببتـــه_بعقـــل_5

ﺻﺒﺎﺡ ﺍﻟﻴﻮﻡ ﺍﻟﺘﺎﻧﻲ ❤ ﻭﻛﺎﻥ ﻳﻮﻡ ﺟﻤﻌﻪ،،،ﻭﺍﻟﺠﻮﻭ ﻛﺎﻥ ﻓﻈﻴﻴﻊ ﻭﺍﻟﺴﻤﺎﺀ ﻣﻠﻴﺎﻧﻪ ﺑﺎﻟﻐﻴﻮﻡ ﻭﺍﻟﺸﻤﺲ ﺍﺿﺎﺀﺗﻬﺎ ﺧﻔﻴﻔﻪ،،،ﻭﺣﺮﺍﺭﺗﻬﺎ ﻣﻨﺨﻔﻀﻪ،،،ﻛﻨﺖ ﻭﺍﻗﻔﻪ ﻓﻲ ﺍﻟﺒﻠﻜﻮﻧﻪ ﻭﺑﺘﺄﻣﻞ ﻓﻲ ﺍﻟﻤﻨﻈﺮ ﺩﺍ،،،ﺑﻌﺪﻫﺎ ﻫﻴﻤﺎ ﺻﺤﻰ ﻗﺎﻝ ﻟﻲ ﺻﺒﺎﺣﺎﺗﻚ ﻭﺟﻤﻌﻪ ﻣﺒﺎﺭﻛﻪ،،،ﻗﻮﻟﺘﻪ ﻟﻴﻬﻮ ﻳﺴﻌﺪ ﺻﺒﺎﺣﻚ ﻭﻭ ﻋﻠﻲ ﻭﻋﻠﻴﻚ ﺗﺘﺒﺎﺭﻙ،،،ﻗﺎﻝ ﻟﻲ ﺗﻌﺎﻟﻲ،،ﻃﺒﻌﺎ ﻛﻞ ﺟﻤﻌﻪ ﻭﻗﺒﻞ ﻧﺼﺤﺼﺢ ﺯﻱ ﺍﻟﻨﺎﺱ،،،ﻫﻴﻤﺎ ﺑﻘﻌﺪﻧﻲ ﺟﻤﺒﻮ،،ﻭﺑﻘﺮﺍ ﻟﻲ ﺍﻳﻪ ﺍﻟﻜﺮﺳﻲ ﻓﻲ ﺍﺿﺎﻧﻲ،،،،ﻗﻌﺪﺗﺎ ﺟﻤﺒﻮ ﻭﺑﺪﺍ ﻳﻘﺮﺍ ﻭﻛﺎﻥ ﺑﻤﺮﺭ ﻳﺪﻭ ﻋﻠﻰ ﺷﻌﺮﻱ،،،،،ﻟﺤﺪﻱ ﻣﺎ ﺧﻠﺺ،،،،ﻗﻮﻟﺘﻪ ﻟﻴﻬﻮ ﺍﻭﻝ ﻳﻮﻡ ﺍﻧﺖ ﻣﺎ ﺡ ﺗﻘﺪﺭ ﺗﻤﺸﻲ ﻓﻴﻬﻮ ﺍﻟﻤﺴﺠﺪ ? ﻗﺎﻝ ﻟﻲ ﻣﻨﻮ ﻗﺎﻝ ﻟﻴﻚ،،،ﺑﻤﺸﻲ ﻋﺎﺩﻱ ﺑﺲ ﺑﺎﻟﻌﺼﺎﻳﻪ،،،ﺍﻣﺒﺎﺭﺡ ﻭﻟﻴﺪ ﺟﺎﺑﺎ ﻟﻲ ﺑﺲ ﻣﺎﻋﺎﺭﻑ ﺧﺘﺎﻫﺎ ﻭﻳﻦ،،،ﻗﻮﻟﺘﻪ ﻟﻴﻬﻮ ﻃﻴﺐ ﺑﻌﺪ ﺍﻟﺸﺎﻱ،،ﺡ ﺍﻧﺰﻝ ﺍﺳﺄﻟﻮ ﻣﻨﻬﺎ،،ﻗﺎﻝ ﻟﻲ ﺗﻤﺎﻡ،،،ﻣﺸﻴﺖ ﺍﺗﺴﻮﻛﺘﺎ ﻭﺻﻠﻴﺖ،،،ﻭﺟﻬﺰﺕ ﺍﻟﺸﺎﻱ،،،،ﺟﻴﺖ ﺳﻨﺪﺗﺎ ﻫﻴﻤﺎ،،،ﺍﺗﺴﻮﻙ،،،ﻭﻗﺎﻝ ﻟﻲ ﻋﺎﻭﺯ ﺍﺻﻠﻲ،،،ﺍﺗﻮﺿﻰ ﻭﺭﺟﻠﻮ ﻣﺴﺤﺎ ﺑﻤﻮﻳﻪ ﺑﺴﻴﻄﻪ،،ﻓﺮﺷﺖ ﻟﻴﻬﻮ ﺍﻟﻤﺼﻼﻳﻪ،،،ﺻﻠﻰ ﻭﻗﺮﺍ ﻗﺮﺍﻥ ﺷﻮﻳﻬﻪ،،،ﺑﻌﺪﻳﻦ ﻗﻌﺪﻧﺎ ﻧﺸﺮﺏ ﺍﻟﺸﺎﻱ،،،،

ﻋﻨﺪ ﺇﻳﻨﺎﺭ ﻛﺎﻧﺖ ﺑﺘﺘﻜﻠﻢ ﻣﻊ ﺧﻄﻴﺒﺎ،،،ﻗﺎﻟﺖ ﻟﻴﻬﻮ ﺷﻐﻞ ﺷﻨﻮ ﺍﻟﺒﺨﻠﻴﻚ ﻣﺎﺗﺴﺄﻝ ﻣﻨﻲ؟؟ﻳﻌﻨﻲ ﻭﻻ ﺣﺘﻰ ﺭﺳﺎﻟﻪ،،،ﻗﺎﻝ ﻟﻴﻬﺎ ﺣﺒﻴﺒﺘﻲ ﻭﺭﺑﻲ ﻣﺸﻐﻮﻝ ﺷﺪﻳﺪ ﻓﻬﻤﺘﻲ،،ﺑﺲ ﺍﻟﻴﻮﻡ ﺍﻛﻴﺪ ﺡ ﺍﺟﻴﻜﻢ ﻓﻲ ﺍﻟﺒﻴﺖ،،ﻗﺎﻟﺖ ﻟﻴﻬﻮ ﻣﺎﺗﺠﻲ،،،ﻗﺎﻝ ﻟﻴﻬﺎ ﺍﻭﻭﻑ ﻳﺎ ﺍﻳﻨﺎﺭ ﺑﻘﻴﺘﻲ ﺯﻋﻮﻟﻪ ﺧﻼﺹ،،،ﻗﺎﻟﺖ ﻟﻴﻬﻮ ﺣﺬﻳﻔﻪ ﺍﻗﻔﻞ ﺍﻗﻔﻞ ﺍﺣﺴﻦ،،،،ﺑﻌﺪ ﻗﻔﻠﺖ ﺍﻟﺨﻂ ﺑﻘﺖ ﺗﺒﻜﻲ،،،ﻻﻧﻮ ﺣﻜﺎﻳﻪ ﺍﺳﺒﻮﻋﻴﻦ ﻣﺘﻐﻴﺮ ﻣﻨﻬﺎ،،،،ﻣﺎﻣﺎ ﺟﺎﺕ ﻟﻘﺘﺎ ﺑﺘﺒﻜﻲ ﺣﻜﺖ ﻟﻴﻬﺎ،،ﻣﺎﻣﺎ ﻗﺎﻟﺖ ﻟﻴﻬﺎ ﻳﻤﻜﻦ ﺑﺎﻟﺠﺪﺩ ﻣﺸﻐﻮﻝ،،ﻣﺎﺗﺒﻘﻲ ﻧﻘﻨﺎﻗﻪ،، ﺍﻳﻨﺎﺭ ﻣﺸﺖ ﻣﺎﻣﺎ ﻭﻫﻲ ﻣﺎﻣﻘﺘﻨﻌﻪ،،،،

ﺑﻌﺪ ﺷﺮﺑﻨﺎ ﺍﻟﺸﺎﻱ،،،ﺍﻧﺎ ﻧﺰﻟﺖ ﺗﺤﺖ،،،ﺻﺒﺤﺖ ﻋﻠﻴﻬﻢ،،ﻭﻗﻮﻟﺘﻪ ﻟﻲ ﻭﻟﻴﺪ ﻳﺪﻳﻨﻲ ﺍﻟﻌﺼﺎﻳﻪ،،،،ﺍﺩﺍﻧﻲ ﻟﻴﻬﺎ ﻭﻃﻠﻌﺖ ﻓﻮﻕ،،ﻟﻘﻴﺖ ﻫﻴﻤﺎ ﻭﺍﻗﻒ ﺑﺮﺟﻞ ﻭﺍﺣﺪﻩ ﺟﻤﺐ ﺍﻟﺪﻭﻻﺏ ﻋﺎﻭﺯ ﻳﻄﻠﻊ ﻟﻴﻬﻮ ﺟﻼﺑﻴﻪ ??ﻗﻮﻟﺘﻪ ﻟﻴﻬﻮ ﻫﻴﻤﺎ ? ﻣﺎﻣﻤﻜﻦ ﺗﺴﺘﻨﻰ ﻟﺤﺪﻱ ﻣﺎ ﺍﻧﺎ ﺍﺟﻲ ﻳﻌﻨﻲ،،،،،،ﻗﻌﺪﺗﻮ ﻓﻲ ﺍﻟﺴﺮﻳﺮ،،ﻭﻃﻠﻌﺘﺎ ﻟﻴﻬﻮ ﺟﻼﺑﻴﻪ ﻭﻃﺎﻗﻴﻪ،،،،ﻗﺎﻝ ﻟﻲ ﻋﺎﻭﺯ ﺷﺎﻝ،،ﻗﻮﻟﺘﻪ ﻟﻴﻬﻮ ﺍﺗﻠﻬﻲ ? ﺍﺳﺎﺳﺎ ﻣﺎ ﺑﺠﻲ ﻣﻌﺎﻙ،،،ﻗﺎﻝ ﻟﻲ ﻳﺎﺍﺧﻲ ?ﺍﻧﺘﻲ ﻣﺎﺷﻔﺘﻲ ﺍﻟﺒﻨﺎﺕ ﺑﺘﻜﺴﺮﻭ ﻛﻴﻒ ﻟﻤﻦ ﻳﺸﻮﻭﻓﻮﻧﻲ ﺑﻴﻬﻮ ? ﻗﻮﻟﺘﻪ ﻟﻴﻬﻮ ﻳﻼ ﻋﺸﺎﻥ ﻛﺪﻩ ﻣﺎﻋﺎﻭﺯﺍﻙ ﺗﻠﺒﺴﻮﻭ ? ،،،،،ﻗﺎﻝ ﻟﻲ ﻏﻴﻮﺭﻩ ﻭﺣﻘﻮﺩﻩ ﻭﺣﺎﺳﺪﻩ ? ،،،،ﻗﻮﻟﺘﻪ ﻟﻴﻬﻮ ﻭﻓﻮﻕ ﻟﻴﻬﻢ ﺑﺤﺒﻚ? ،،ﺟﺮﺍﻧﻲ ﻗﻌﺪﻧﻲ ﻓﻲ ﺭﺟﻠﻮﻭ،،،ﻗﺎﻝ ﻟﻲ ﻭﺍﻧﺎ ﺑﻌﺸﻘﻚ ﻓﻬﻤﺘﻲ،،،ﻗﻮﻟﺘﻪ ﻟﻴﻬﻮ ﻻﻛﺬﺍﺏ ? ﻗﺎﻝ ﻟﻲ ﻭﺍﻟﻨﻌﻤﻬﻪ ﺑﻌﺸﻘﻚ ? ﻭﺑﻌﺪﻳﻦ ﻭﺯﻧﻚ ﺯﺍﺩ،،،ﻗﻮﻟﺘﻪ ﻟﻴﻬﻮ ﻻ ﺩﺍ ﻭﻟﺪﻙ ? ﻗﺎﻝ ﻟﻲ ﺧﻼﺹ ﻗﻮﻣﻲ ﻗﺒﻞ ﺗﻜﺴﺮﻱ ﻟﻲ ﺭﺟﻠﻲ ﺍﻟﺘﺎﻧﻴﻪ ?? ،،،،ﻗﻮﻣﺘﺎ ﻣﻨﻮ ﻭﺻﺮﻳﺖ ﻟﻴﻬﻮ ﻭﺷﻲ،،،،

ﺑﻌﺪ ﺷﻮﻳﻬﻪ ﺟﺎﺕ ﻣﻴﺲ،،ﻭﻗﺎﻟﺖ ﻟﻲ ﻣﺎﺗﻄﺒﺨﻲ ﺡ ﻧﻌﻤﻞ ﻋﺼﻴﺪﻩ،،ﻗﻮﻟﺘﻪ ﻟﻴﻬﺎ ﻃﻴﺐ،،،،،ﺟﺎﺍ ﺯﻣﻦ ﺍﻟﺼﻼﻩ،،،ﺳﺎﻋﺪﺗﺎ ﻫﻴﻤﺎ ﻳﻠﺒﺲ ﺟﻼﺑﻴﺘﻮ،،،ﻭﻋﻄﺮﺗﻮﻭ،،،ﺑﻌﺪﻳﻬﺎ ﻧﺰﻝ ﺗﺤﺖ،،ﻣﺸﻰ ﺍﻟﻤﺴﺤﺪ ﻣﻊ ﻭﻟﻴﺪ ﻭﻋﻤﻮ ﺟﻤﺎﻝ،،،،،ﻭﺍﻧﺎ ﻭﻣﻴﺲ ﻭﻣﺎﻣﺎ ﺳﻌﺎﺩ ﺩﺧﻠﻨﺎ ﺍﻟﻤﻄﺒﺦ،،،،ﻣﻴﺲ ﻗﺎﻟﺖ ﻟﻲ ﻃﻮﻟﻨﺎ ﻣﻦ ﺍﻟﺮﻭﺏ،،،ﺭﺍﻳﻚ ﺷﻨﻮ ﻧﻌﻤﻠﻮﺍ،،ﻗﻮﻟﺘﻪ ﻟﻴﻬﺎ ﻃﻮﺍﻟﻲ،،ﺑﺲ ﻣﺎﻳﻜﻮﻥ ﺣﺎﻣﺾ ﺷﺪﻳﺪ ﻋﺸﺎﻥ ﻫﻴﻤﺎ،،،ﻗﺎﻟﺖ ﻟﻲ ﺍﺷﻲ ﺍﺷﻲ،،،ﺍﻱ ﻋﺎﺭﻓﻪ ? ،،،،،ﻣﺎﻣﺎ ﺳﻌﺎﺩ ﻛﺎﻧﺖ ﺳﺮﺣﺎﻧﻪ،،ﻣﻴﺲ ﻗﺎﻟﺖ ﻟﻴﻬﺎ ﺍﻣﻲ ﺳﺮﺣﺎﻧﻪ ﻓﻲ ﺷﻨﻮ؟ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺑﺘﻲ،،ﻟﻤﻴﺲ ﺩﻱ ﺍﻻﻳﺎﻡ ﺍﻟﻔﺎﺗﺖ ﺩﻱ ﻣﺎﻋﺎﺭﻓﺎﻫﺎ ﻣﺎﻟﻪ،،ﻗﺎﻟﺖ ﻟﻴﻬﺎ ﻛﻴﻒ،،،ﻗﺎﻟﺖ ﻟﻴﻬﺎ ﻃﻮﻝ ﺍﻟﻮﻗﺖ ﻓﻲ ﻏﺮﻓﺘﺎ،،،ﻭﺍﻧﺎ ﻟﻤﻦ ﺍﺟﻲ ﻃﺎﻟﻌﻪ ﺑﺎﻟﻠﻴﻞ ﺑﻌﺪ ﻣﺮﺍﺕ،،،ﺑﻠﻘﻰ ﻧﻮﺭ ﺧﺎﻓﺾ ﻓﻲ ﻏﺮﻓﺘﻬﺎ،،ﻣﻊ ﺍﻧﻬﺎ ﻣﺎﺑﺘﺤﺐ ﺍﻟﻀﻮﺀ ﻭﻫﻲ ﻧﺎﻳﻤﻪ،،،،ﻭﺍﺻﻮﺍﺕ ﻛﺪﻩ ﻏﺮﻳﺒﻪ،،،ﻣﻴﺲ ﻗﺎﻟﺖ ﻟﻴﻬﺎ ﺗﻜﻮﻥ ﺷﻴﺎﻃﻴﻦ،،ﻭﻗﻌﺪﺕ ﺗﻀﺤﻚ،،،ﻣﺎﻣﺎ ﺳﻌﺎﺩ ﻗﺎﻟﺖ ﻟﻴﻬﺎ ﻳﺎﺑﺖ ﻫﺎﺍ،،،ﺍﻟﻤﻬﻢ ﻗﻌﺪﻭﺍ ﻳﺘﻮﻧﺴﻮﺍ،،،ﻟﺤﺪﻱ ﻣﺎ ﻟﻤﻴﺲ ﺻﺤﺖ ﻣﻦ ﺍﻟﻨﻮﻡ،،،،،ﺻﺒﺤﺖ ﻋﻠﻴﻬﻢ ﻭﻃﺒﻌﺎ ﺑﺘﻌﺎﻳﻦ ﻟﻲ ﻣﻦ ﻓﻮﻕ ﻟﻲ ﺗﺤﺖ،،،ﻋﻤﻠﻨﺎ ﺍﻟﻔﻄﻮﺭ،،،ﻭﻧﺎﺱ ﻫﻴﻤﺎ ﺟﻮﻭ،،،ﻗﻌﺪﻧﺎ ﻛﻠﻨﺎ ﻓﻲ ﺍﻟﺴﻔﺮﻩ،،،ﺍﺣﻠﻰ ﺷﻲ ﺟﻤﻌﻪ ﺍﻻﺳﺮﻩ ? ،،،،ﺑﻌﺪﻫﺎ ﻣﻴﺲ ﻗﺎﻟﺖ ﻟﻲ ﻟﻤﻴﺲ ﺗﻐﺴﻞ ﺍﻟﻌﺪﻩ ﻻﻧﻮ ﺍﻟﺤﺒﺸﻴﻪ ﻃﻠﻌﺖ،،،ﻗﺎﻟﺖ ﻟﻴﻬﺎ ﻻ ﻣﺎﺑﻐﺴﻼ،،ﻭﺑﺪﺕ ﺗﻜﻮﺭﻙ ﻓﻴﻬﺎ،،ﻓﻲ ﺣﻴﻦ ﺍﻧﻮ ﺍﻟﻤﻮﺿﻮﻉ ﺑﺴﻴﻂ،،،،ﻗﻮﻟﺘﻪ ﻟﻴﻬﺎ ﺧﻼﺹ ﺍﻧﺎ ﺑﻐﺴﻼ،،ﻗﺎﻟﺖ ﻟﻲ ﺍﻧﺘﻲ ﻛﻤﺎﻥ ﻋﺎﻣﻠﻪ ﻓﻴﻬﺎ ﺍﻟﻤﺮﻩ ﺍﻟﻄﻴﺒﻪ ﻭﺍﻟﻮﺍﻋﻴﻪ ? ،،،ﻫﻴﻤﺎ ﻗﺎﻝ ﻟﻴﻬﺎ ﺑﺼﻮﺕ ﻋﺎﻟﻲ ﻟﻤﻴﺲ،،،،ﻋﺎﻳﻨﺖ ﻟﻲ ﻣﺴﺎﻓﻪ،،،ﻭﺩﺧﻠﺖ ﻏﺮﻓﺘﻬﺎ،،،ﻣﻴﺲ ﻗﺎﻟﺖ ﻟﻲ ﻣﺎﺗﺰﻋﻠﻲ ﻣﻨﻬﺎ،،ﻗﻮﻟﺘﻪ ﻟﻴﻬﺎ ﻫﻬﻪ ﺍﺗﻌﻮﺩﺗﺎ،،،ﺍﻧﺎ ﻃﻠﻌﺖ ﺷﻘﺘﻲ ﻭﺧﻠﻴﺖ ﻫﻴﻤﺎ ﺑﺘﻮﻧﺲ ﻣﻊ ﺍﻫﻠﻮ،،،،،

ﺍﻣﺎ ﻓﻲ ﺑﻴﺘﻨﺎ،،ﻑ ﺣﺬﻳﻔﻪ ﺟﺎﺍ،،،ﻭﺳﻠﻢ ﻉ ﻣﺎﻣﺎ ﻭﺑﺎﺑﺎ،،،،ﻭﺍﺗﻮﻧﺴﻮﺍ ﺷﻮﻳﻬﻪ،،،ﻟﻤﻦ ﻗﺎﻡ ﻳﺴﺘﺄﺫﻥ،،،ﺍﻳﻨﺎﺭ ﻭﺻﻠﺘﻮ ﺟﻤﺐ ﺍﻟﺒﺎﺏ،،،ﻗﺎﻟﺖ ﻟﻴﻬﻮ ﺣﺬﻳﻔﻪ ﺍﻧﺖ ﻟﻲ ﻣﺘﻐﻴﺮ ﻣﻌﺎﻱ ﻛﺪﻩ؟ﻗﺎﻝ ﻟﻴﻬﺎ ﻛﻴﻒ،،،ﻗﺎﻝ ﻟﻴﻬﺎ ﻭﺍﻟﻠﻪ ﻳﺎ ﺍﻳﻨﺎﺭ ﺍﻧﺘﻲ ﻃﺒﻴﻌﻲ ﻓﻲ ﺑﺎﻟﻲ،،،ﺑﺲ ﺍﻧﻲ ﻛﻴﻒ ﺍﺷﻴﻞ ﺍﻟﺘﻠﻔﻮﻥ ﻭﺍﺗﺼﻞ ﻋﻠﻴﻚ ﺑﺸﻮﻓﺎ ﺻﻌﺒﻪ،،،ﻗﺎﻟﺖ ﻟﻴﻬﻮ ﺑﺈﺳﺘﻐﺮﺍﺏ ﻛﻴﻒ ﻳﻌﻨﻲ ! ؟ﻗﺎﻝ ﻟﻴﻬﺎ ﻭﺍﻟﻠﻪ ﻋﺪﻳﻴﻞ ﻛﺪﻩ،،،ﻣﺎﻋﺎﺭﻑ ﻣﻦ ﺷﻨﻮ،،،،ﻗﺎﻟﺖ ﻟﻴﻬﻮ ﻃﻴﺐ ﺍﻧﺎ ﺡ ﺍﺗﺼﻞ ﺑﺲ ﺍﻧﺖ ﺭﺩ،،ﻗﺎﻝ ﻟﻴﻬﺎ ﺣﺤﺎﺿﺮ ﺣﺒﻴﺒﺘﻲ،،،ﻭﻭﺩﻋﺎ ﻭﻣﺸﻰ،،،،،،ﺯﻱ ﺍﻟﻌﺼﺮﻳﻪ ﻛﺪﻩ ﻣﻴﺲ ﻋﻤﻠﺖ ﺍﻟﻘﻬﻮﻩ ﻭﻧﺰﻟﺖ ﺷﺮﺑﺘﻬﺎ ﻣﻌﺎﻫﻢ،،،،ﺟﺎﻧﻲ ﺗﻠﻔﻮﻥ ﻣﻦ ﺍﻳﻨﺎﺭ،،ﺑﻌﺪ ﺳﻠﻤﺖ ﻋﻠﻲ،،،ﺣﻜﺖ ﻟﻲ ﺍﻟﻜﻼﻡ ﺍﻟﻔﻮﻕ ﺩﺍ ﻛﻠﻮﻭ،،،،ﻗﻮﻟﺘﻪ ﻟﻴﻬﺎ ﻫﻬﻪ ﺍﺻﻼ ﺍﻳﺎﻡ ﺍﻟﺨﻄﻮﺑﻪ ﺩﺍ ﺣﻨﻜﻢ ﻛﻠﻬﻢ،،،ﺑﺲ ﺯﻱ ﻣﺎ ﻗﻮﻟﺘﻲ،،،ﺍﻧﺘﻲ ﺍﺗﺼﻠﻲ،،،ﻣﺎ ﺡ ﺗﺨﺴﺮﻱ ﺣﺎﺟﻬﻪ،،ﻗﺎﻟﺖ ﻟﻲ ﺍﻻ ﻛﺪﻩ،،،ﻭﻗﻔﻠﺖ،،،،،

ﻣﺮﺭ ﺷﻬﺮ ﻭﻫﻴﻤﺎ ﺭﺟﻠﻮ ﺑﺪﺕ ﺗﺘﺤﺴﻦ ﺷﻮﻳﻬﻪ،،،ﻭﺍﻧﺎ ﺩﺧﻠﺖ ﻓﻲ ﺍﻟﺨﺎﻣﺲ،،،ﻭﺑﻄﻨﻲ ﻛﺎﻧﺖ ﻣﺪﻭﺭﻩ ﻭﺣﻼﺗﺎ ❤?? ،،،ﻳﻮﻡ ﺟﻴﺖ ﻣﻦ ﺍﻟﻤﻘﺎﺑﻠﻪ ﻭﺑﻘﻴﺖ ﺍﺗﻜﻠﻢ ﺑﺮﺍﺍﻱ،،،ﻗﻮﻟﺘﻪ ﻳﻌﻨﻲ ﻛﻠﻬﺎ 4 ﺷﻬﻮﺭ ﻭﺗﻨﻮﺭﻳﻨﺎ،،،ﺍﺣﺴﺎﺱ ﻓﻈﻴﻴﻊ،،،ﺡ ﻧﻜﻮﻥ ﺗﻼﺗﻪ،،،،ﻫﻴﻤﺎ ﻓﺠﺄﻩ ﻃﻠﻊ ﻣﻦ ﺍﻟﺤﻤﺎﻡ،،ﻗﺎﻝ ﻟﻲ ﻏﺎﻳﺘﻮ ﺍﻟﺠﻦ ﻭﻻ ﺍﻟﻨﻔﺴﻴﺎﺕ ?? ،،،ﻗﻮﻟﺘﻪ ﻟﻴﻬﻮ ﻣﺎ ﺡ ﺗﺼﺪﻕ ﻟﻮ ﻗﻮﻟﺘﻪ

ﻟﻴﻚ؟ ! ﻗﺎﻝ ﻟﻲ ﺷﻨﻮ ... ﻗﻮﻟﺘﻪ ﻟﻴﻬﻮ ﺍﻟﻴﻮﻡ ﺷﻔﺘﺎ ﺍﻟﺒﻴﺒﻲ ﺑﺎﻟﻤﻮﺟﺎﺕ،،،ﻗﺎﻝ ﻟﻲ ﻭﺍﻫﺎﺍ،،ﻗﻮﻟﺘﻪ ﻟﻴﻬﻮ ﻃﻠﻌﺖ ﺑﻨﻮﺗﻬﻪ ❤? ﻗﺎﻝ ﻟﻲ ﺟﺎﺍﺩﻩ ﺍﻧﺘﻲ،،ﻗﻮﻟﺘﻪ ﻟﻴﻬﻮ ﻭﺍﻟﻠﻪ ﺟﺪ ? ،،،،ﺟﺎﺍ ﻋﻠﻲ ﺑﻌﺪ ﺑﺎﺱ ﺭﺍﺳﻲ،،ﻗﺎﻝ ﻟﻲ ﺑﺲ ﻣﺎﺗﻘﻮﻟﻲ ﻟﻲ ﺡ ﺗﻄﻠﻊ ﺷﺒﻬﻚ،،ﺡ ﺗﻜﻮﻥ ﻣﺨﻴﻴﻴﻔﻬﻪ ? ،،،ﻗﻮﻟﺘﻪ ﻟﻴﻬﻮ ﻫﻴﻤﺎ ﻳﺎﺥ ? ﻗﺎﻝ ﻟﻲ ﺧﻼﺹ ﺧﻼﺹ،،،،،ﺑﻌﺪ ﻳﻮﻣﻴﻦ ﻣﻦ ﺍﻟﻜﻼﻡ ﺩﺍ،،،ﺍﻧﺎ ﻧﺰﻟﺘﻪ ﺗﺤﺖ،،،ﻟﻘﻴﺖ ﻣﺎﻣﺎ ﺳﻌﺎﺩ ﺑﺘﻄﺒﻖ ﻓﻲ ﺍﻟﻤﻼﺑﺲ،،،ﻗﺎﻟﺖ ﻟﻲ ﻫﺎﺍﻙ ﺷﻴﻠﻲ ﺍﻟﻤﻼﺑﺲ ﺩﻱ ﻭﺩﻳﻬﺎ ﻏﺮﻓﻪ ﻟﻤﻴﺲ،،ﻗﻮﻟﺘﻪ ﻟﻴﻬﺎ ﺣﺎﺍﺿﺮ،،،ﺷﻠﺘﺎ ﺍﻟﻤﻼﺑﺲ،،،،ﻭﺩﺧﻠﺘﺎ ﻏﺮﻓﺘﻬﺎ،،،،ﻛﺎﻧﺖ ﻭﺳﺨﺎﻧﻪ،،ﻃﺒﻌﺎ ﺍﺳﺘﻐﺮﺑﺘﺎ ﻣﻌﻘﻮﻟﻪ ﺍﻟﺤﺒﺸﻴﻪ ﻣﺎﻧﻀﻔﺘﺎ ! ؟؟؟ﺩﺧﻠﺖ ﺍﻟﻤﻼﺑﺲ ﺍﻟﺪﻭﻻﺏ،،ﻭﻧﻔﺲ ﺍﻟﺸﻲ،،ﺍﻟﻤﻼﺑﺲ ﺍﻟﻠﻔﻲ ﺍﻟﺪﻭﻻﺏ ﻣﺎﻣﺮﺗﺒﻪ ﻭﻧﺼﻬﺎ ﻭﺳﺨﺎﻧﻪ،،ﺍﺳﺘﻐﺮﺑﺘﺎ ﺷﺪﻳﺪ،،ﻻﻧﻮ ﻟﻤﻴﺲ ﺩﻱ ﻣﻦ ﻧﻮﻉ ﺍﻟﻨﺎﺱ ﺍﻟﻠﻲ ﺩﺍﻳﻤﺎ ﺑﺘﻜﻮﻥ ﺣﺮﻳﺼﻪ ﻋﻠﻰ ﺍﻧﻮ ﺍﻱ ﺷﻲ ﺑﺨﺼﻬﺎ ﻳﻜﻮﻥ ﻧﻀﻴﻒ ﻭﻣﺮﺗﺐ،،،،،ﻭﺍﻧﺎ ﻃﺎﻟﻌﻪ ﻛﺎﻥ ﻓﻲ ﻭﺭﻕ ﻓﻲ ﺍﻟﺪﺭﺝ،،،ﻣﺸﺮﻁ ﻛﺘﻴﻴﺮ ﺭﻓﻌﺘﻮﻭ ﻭﻛﺎﻥ ﻓﻴﻬﻮ ﺭﻣﻮﺯ ﻭﺍﺷﻜﺎﻝ ﻣﺜﻠﺜﻴﻪ ﻛﺪﻩ ﻣﺎ ﻣﻔﻬﻮﻣﻪ،،،ﻗﻮﻟﺘﻪ ﻟﻲ ﻧﻔﺴﻲ ﺑﺪﻝ ﻳﻘﻌﺪ ﻓﻲ ﺍﻟﻐﺮﻓﻪ ﻛﺪﻩ،،ﺍﺣﺴﻦ ﺍﺭﻣﻴﻬﻮ،،،ﻭﺷﻠﺘﺎ ﺍﻟﻮﺭﻕ ﻭﺭﻣﻴﺘﻮ ﻓﻲ ﺳﻠﻪ ﺍﻟﻮﺳﺦ،،،،،

ﺍﻟﻤﺴﺎﺀ ﺍﻧﺎ ﻭﻫﻴﻤﺎ ﻛﻨﺎ ﻓﻲ ﺷﻘﺘﻨﺎ ﺑﻨﺤﻀﺮ ﻓﻲ ﺑﺮﻧﺎﻣﺞ ﺳﻮﺩﺍﻧﻲ ﻋﻦ ﺗﻌﺪﺩ ﺍﻟﺰﻭﺟﺎﺕ،،،،،،ﺑﻌﺪ ﺍﻟﺒﺮﻧﺎﻣﺞ ﺧﻠﺺ،،ﻫﻴﻤﺎ ﻗﺎﻝ ﻟﻲ ﺍﻟﻜﻼﻡ ﺩﺍ ﻭﺍﺿﺢ،،،ﻗﻮﻟﺘﻪ ﻟﻴﻬﻮ ﻧﻌﻢ !! ﻗﺎﻝ ﻟﻲ ﻳﻌﻨﻲ ﺍﻧﺎ ﻟﻮ ﻋﺎﻭﺯ ﺍﺗﺰﻭﺝ ﺗﺎﻧﻲ ﻭﺗﺎﻟﺖ ﻭﺭﺍﺑﻊ،،،ﺡ ﺍﺗﺰﻭﺝ ﺣﺘﻰ ﻟﻮ ﺍﻧﺘﻲ ﻣﺎ ﺭﺍﺿﻴﻪ،،ﻻﻧﻮ ﺩﺍ ﺣﻘﻲ ﺍﻟﺸﺮﻋﻲ ? ﻗﻮﻟﺘﻪ ﻟﻴﻬﻮ ﻭﺍﻟﻤﺎﻧﻌﻚ ﻣﻴﻦ ﺗﺘﺰﻭﺝ،،،ﺍﺗﺰﻭﺝ ﻋﺎﺩﻱ ﻳﻼ? ،،،ﻗﺎﻝ ﻟﻲ ﻳﻌﻨﻲ ﻣﺎ ﺡ ﺗﺘﺠﻨﻨﻲ ﻭﺗﺤﺮﻗﻲ ﻣﺮﺗﻲ ﻭﻻ ﺗﻀﺒﺤﻴﻬﺎ ﺯﻱ ﻣﺎ ﻧﺴﻮﺍﻥ ﻛﺘﺎﺭ ﺑﻌﻤﻠﻮﺍ ! ؟؟ﻗﻮﻟﺘﻪ ﻟﻴﻬﻮ ﻻﻻ ﺍﻧﺎ ﺡ ﺍﻋﻤﻞ ﻛﺎﻻﺗﻲ،،،ﺍﻭﻻ ﺡ ﺍﺣﺮﻗﻬﺎ ﺑﻔﺴﺘﺎﻥ ﺍﻟﺰﻓﺎﻑ،،ﺑﻌﺪﻳﻦ ﺡ ﺍﺿﺒﺤﺎﺍ،،ﻭﺍﺟﻲ ﺍﺳﻠﺨﺎﺍ،،،ﺑﻌﺪﻫﺎ ﺡ،،،ﻗﺎﻝ ﻟﻲ ﺡ ﻋﺎﻭﺯﻩ ﺗﻌﻤﻠﻲ ﺷﻨﻮ ﺗﺎﻧﻲ ?? ﻗﻮﻟﺘﻪ ﻟﻴﻬﻮ ﺡ ﺍﻗﺒﻞ ﻋﻠﻴﻚ ? ﻗﺎﻝ ﻟﻲ ﻻﻻﻻ ﺍﻧﺎ ﻧﺴﻴﺖ ﺍﻟﻔﻜﺮﻩ ﺧﻼﺹ ?? ،،،ﺑﻌﺪ ﺷﻮﻳﻬﻪ ﺑﺎﺏ ﺷﻘﺘﻨﺎ ﺿﺮﺏ،،،ﻣﺸﻴﺖ ﻓﺘﺤﺘﻮ،،ﻛﺎﻧﺖ ﻟﻤﻴﺲ،،،ﻭﺷﻬﺎ ﺩﺍ ﻣﻮﺭﻡ ﻭﻋﻴﻮﻧﺎ ﺩﻱ ﺯﻱ ﺍﻟﺪﻡ،،،،ﻗﺎﻟﺖ ﻟﻲ ﺍﻟﻤﺪﺧﻠﻚ ﻏﺮﻓﺘﻲ ﺷﻨﻮ ! ؟،،ﻭﻛﺎﻧﺖ ﺑﺘﺼﺮﺥ،،،ﻗﻮﻟﺘﻪ ﻟﻴﻬﺎ ﺩﺧﻠﺘﺎ ﻟﻴﻚ ﻣﻼﺑﺴﻚ،،،ﻗﺎﻟﺖ ﻟﻲ ﻭﺍﻟﻮﺭﻕ ? ﺍﻟﻮﺭﻕ ﻭﻳﻦ،،،ﻗﻮﻟﺘﻪ ﻟﻴﻬﺎ ﻭﺭﻕ ﺷﻨﻮ،،،ﻗﺎﻟﺖ ﻟﻲ ﺍﻟﻮﺭﻕ ﺍﻟﻜﺎﻥ ﻓﻲ ﺍﻟﺪﺭﺝ،،،ﻗﻮﻟﺘﻪ ﻟﻴﻬﺎ ﺍﻳﻮﻭﻩ ﻓﻲ ﺳﻠﻪ ﺍﻟﻮﺳﺦ،،،ﻃﻮﺍﻟﻲ ﺧﻨﻘﺘﻨﻲ،،،،ﻃﺒﻌﺎ ﺑﻘﻴﺖ ﺷﺎﻳﻔﺎﻫﺎ ﻋﺸﺮﻩ ﻋﺸﺮﻩ،،،ﻭﺧﻼﺹ ﺣﺴﻴﺖ ﺍﻧﻔﺎﺳﻲ ﺿﺎﻗﺖ،،ﻗﺎﻟﺖ ﻟﻲ ﺍﻟﻘﺎﻝ ﻟﻴﻚ ﺗﺪﺧﻠﻲ ﻏﺮﻓﺘﻲ ﻣﻨﻮ ﻭﻣﺎﻟﻚ ﻭﻣﺎﻝ ﺍﻟﻮﺭﻕ،،،ﻭﻫﻲ ﻟﺴﻪ ﺧﺎﻧﻘﺎﻧﻲ،،ﺑﻘﻴﺖ ﺑﺤﺎﻭﻝ ﺍﺗﻔﻜﺎﺍ ﻣﻨﻬﺎ،،ﻫﻴﻤﺎ ﻛﺎﻥ ﺟﻮﻭﻩ ﻭﺻﻮﺕ ﺍﻟﺸﺎﺷﻪ ﻋﺎﻟﻲ،،،،ﻗﺎﻟﺖ ﻟﻲ ﺍﺗﻜﻠﻤﻲ،،ﻭﻫﻲ ﺑﺘﺼﺮﺥ،،،ﻭﺍﻧﺎ ﻋﻴﻮﻧﻲ ﺧﻼﺍﺹ ﻃﺎﺣﺖ،،ﻭﺷﻮﻳﻪ ﺷﻮﻳﻬﻪ ﺑﻘﻴﺖ ﺍﻓﻘﺪ ﺍﻻﺣﺴﺎﺱ،،،ﺑﺲ ﻫﻴﻤﺎﺍ ﺟﺎﺍ ﻭﺷﺎﻑ ﺍﻟﻤﻨﻈﺮ،،،،ﺿﻐﻂ ﻋﻠﻰ ﺭﺟﻠﻮﻭ ﻭﺟﺎﺍ،،،ﻭﺑﺤﺎﻭﻝ ﻳﻔﻜﻬﺎ ﻣﻨﻲ ﻭﻫﻲ ﺑﺘﺘﻌﺼﺐ ﻭﺣﺎﻟﻔﻪ ﻟﻮ ﺗﻔﻜﻨﻲ،،،،ﺑﻌﺪ ﺻﻌﻮﺑﻪ ﻫﻴﻤﺎ ﻓﻜﺎﻫﺎ ﻣﻨﻲ ﻭﺍﺩﺍﻫﺎ ﻛﻒ،،،ﺍﻧﺎ ﻭﻗﻌﺘﺎ ﻓﻲ ﺍﻻﺭﺽ ﻭﺑﺪﻳﺖ ﺍﻛﺢ ﺑﺼﻮﺭﻩ ﻓﻈﻴﻴﻌﻪ،،،،ﻫﻴﻤﺎ ﻟﺴﻬﻪ ﺷﻐﺎﻝ ﻳﻀﺮﺏ ﻓﻴﻬﺎ،،،ﻗﺎﻝ ﻟﻴﻬﺎ ﺍﻧﺘﻲ ﺣﻴﻮﺍﻧﻪ ? ﻗﺮﺑﺘﻲ ﺗﻘﺘﻠﻴﻬﺎ،،،ﻓﻲ ﺷﻨﻮ ﻣﺎﻟﻚ،،،،ﻭﻻ ﺍﺷﺘﻐﻠﺖ ﺑﻴﻬﻮ،،،ﻧﺰﻟﺖ ﺗﺤﺖ ﻭﺑﺪﺕ ﺗﻔﺘﺶ ﻓﻲ ﺍﻟﺴﻠﻪ،،،ﺟﺎﺍ ﻣﺎﺭﻱ ﻋﻢ ﻛﺒﻴﺮ ﺑﺎﻟﺸﺎﺭﻉ،،،ﻣﻌﺎﻧﺎ ﻓﻲ ﻧﻔﺲ ﺍﻟﺤﻲ،،ﺳﺄﻟﺘﻮ ﻣﻦ ﺍﻟﻮﺳﺦ ﺍﻟﻜﺎﻥ ﻓﻲ ﺍﻟﺴﻠﻪ،،ﻗﺎﻝ ﻟﻴﻬﺎ ﻋﺮﺑﻴﻪ ﺍﻟﻮﺳﺎﺧﻪ ﺟﺎﺕ ﻗﺒﻞ ﺳﺎﻋﻪ،،،،،ﺍﻧﺎ ﻃﺒﻌﺎ ﺍﻏﻤﻰ ﻋﻠﻲ،،،ﺑﻌﺪ ﻧﺺ ﺳﺎﻋﻪ ﻓﺘﺤﺘﺎ ﻋﻴﻮﻧﻲ،،ﻟﻘﻴﺖ ﻫﻴﻤﺎ ﻗﺎﻋﺪ ﺟﻤﺒﻲ،،ﻭﻣﻴﺲ،،،ﻭﻣﺎﻣﺎ ﺳﻌﺎﺩ ﻭﻋﻤﻮ ﺟﻤﺎﻝ ﻭﺍﻗﻔﻴﻦ،،،،ﻫﻴﻤﺎ ﻗﺎﻝ ﻟﻲ ﺍﻧﺘﻲ ﻛﻮﻳﺴﻪ؟؟ﻗﻮﻟﺘﻪ ﻟﻴﻬﻮ ﺍﻱ،،،ﺍﺩﺍﻧﻲ ﻣﻮﻳﻪ ﺷﺮﺑﺘﺎﺍ،،ﻣﻴﺲ ﻗﺎﻟﺖ ﻟﻲ،،ﻳﺎﺭﺑﻲ ﻟﻤﻴﺲ ﺩﻱ ﺟﻨﺖ ﻭﻻﺷﻨﻮ،،ﻛﻴﻒ ﻳﻌﻨﻲ ﺗﺨﻨﻘﻚ،،،ﻭﻳﻌﻨﻲ ﺷﻨﻮ ﻟﻮ ﺩﺧﻠﺘﻲ ﻏﺮﻓﺘﺎﺍ،،،ﻣﺎﻣﺎ ﺳﻌﺎﺩ ﻗﺎﻟﺖ ﻟﻲ ﻭﺍﻟﻠﻪ ﺣﻴﺮﺗﻨﻲ ﻋﺪﻳﻞ،،ﻣﻌﻠﻴﺶ ﻳﺎﺑﺘﻲ ﺍﻋﻔﻲ ﻟﻴﻨﺎ،،ﻗﻮﻟﺘﻪ ﻟﻴﻬﺎ ﻻﻻ ﻳﺎ ﻣﺎﻣﺎ ﺳﻌﺎﺩ،،،ﺑﺘﺤﺼﻞ،،ﻭﺑﻌﺪﻳﻦ ﺍﻧﺎ ﻣﺎ ﺍﻟﻤﻔﺮﻭﺽ ﺍﺧﺶ ﻏﺮﻓﺘﻬﺎ،،،ﻋﻤﻮ ﺟﻤﺎﻝ ﻗﺎﻝ ﻟﻲ ﺩﻱ ﻭﺍﺣﺪﻩ ﻗﻠﻴﻠﻪ ﺍﺩﺏ ﻭﺍﻧﺎ ﺑﻌﺮﻑ ﻛﻴﻒ ﺍﺗﺼﺮﻑ ﻣﻌﺎﻫﺎ،،،،ﻗﻌﺪﻭﺍ ﻣﻌﺎﻧﺎ ﺷﻮﻳﻬﻪ ﺑﻌﺪﻳﻦ ﻧﺰﻟﻮﺍ،،،،،

ﻟﻤﻴﺲ ﻛﺎﻧﺖ ﻓﻲ ﺍﻟﺤﻤﺎﻡ ﻭﺑﺘﺒﻜﻲ،،،،ﻭﺑﺘﻘﻮﻝ ﻳﻌﻨﻲ ﺍﻧﺎ ﺗﺎﻧﻲ ﺍﻟﻘﻰ ﻗﺮﻭﺵ ﻣﻦ ﻭﻳﻦ ﻋﻠﺸﺎﻥ ﺍﻋﻤﻠﻮﺍ،،،ﻳﺎﺍﺍ ﺍﻟﻠﻪ ﻳﺎﺍﺥ،،،ﻭﺍﻟﻤﺮﻩ ﺩﻱ ﺍﻧﺘﻲ ﺑﺮﺿﻮ ﻳﺎ ﺍﻳﻨﺎﺱ ﺡ ﺍﺩﺧﻠﻚ ﻓﻲ ﺍﻟﺮﺻﻪ،،،ﻋﻠﺸﺎﻥ ﺗﺒﻄﻠﻲ ﺗﺤﺸﺮﻱ ﺍﻧﻔﻚ ﻓﻲ ﺍﻱ ﺷﻲ ?

ﻫﻴﻤﺎ ﻗﻌﺪ ﺟﻤﺒﻲ ﻭﺿﻤﺎﻧﻲ ﻋﻠﻴﻬﻮ،،،ﻗﻌﺪﺗﺎ ﺍﺑﻜﻲ،،ﻗﻮﻟﺘﻪ ﻟﻴﻬﻮ ﻭﺍﻟﻠﻪ ﺍﻧﺎ ﻣﺎﻛﺎﻥ ﻗﺼﺪﻱ ﺷﻲ ﻟﻤﻦ ﺩﺧﻠﺘﺎ ﻏﺮﻓﺘﺎ،،ﻗﺎﻝ ﻟﻲ ﻫﺸﺶ ﺍﻫﺪﻱ ﺧﻼﺹ

،،،،،ﻗﻮﻟﺘﻪ ﻟﻴﻬﻮ ﻛﻨﺖ ﺡ ﺍﻣﻮﺕ ﻟﻮ ﻣﺎ ﺍﻧﺖ ﺟﻴﺖ،،،ﻗﺎﻝ ﻟﻲ ﻃﻮﻝ ﻣﺎ ﺍﻧﺎ ﻣﻌﺎﻙ ﻣﺎﺗﺨﺎﻓﻲ ﺗﻤﺎﻡ،،،ﻗﻮﻟﺘﻪ ﻟﻴﻬﻮ ﺭﺟﻠﻚ ﻣﺎﺗﻜﻮﻥ ﺍﺗﺄﺫﺕ،،ﻗﺎﻝ ﻟﻲ ﺷﻮﻳﻬﻪ ﺑﺲ ﻣﺎﺗﺨﺎﻓﻲ،،،،ﺑﻘﻴﺖ ﺿﺎﻣﺎﻫﻮ ﺷﺪﻳﺪ ﺯﻱ ﺍﻟﻄﻔﻠﻪ ﻭﺩﻣﻮﻋﻲ ﻣﺎﻭﻗﻔﺖ،،،،ﻭﻟﺴﻬﻪ ﺑﻔﻜﺮ ﺩﺍ ﻭﺭﻕ ﺷﻨﻮ ﺍﻟﺒﺨﻠﻴﻬﺎ ﺗﻨﻔﻌﻞ ﻛﺪﻩ،،،،،

# ﺳﻼﻡ ??