عهود الحبيب

قصة حب بين السطور

اليوم بيكمل عادى زي ماهو مفييش اي جديد ..اجازه ومعايا موبايلي وحياتى بابا بيجي من الشغل متأخر بيتعشى وينام ونا وماما بنفضل قاعدين نتكلم شويه وبس

كان الوقت ع العصر كده ونا قاعده ف اوضتى

جرس الباب رن رحت فتحت الباب

وكانت مفجأتى ايه ده??♥

-ازيك ياشعنونتى ..وحشتينى يخربيتك♥??

حضنته جامد

-احممممد ياقلب اختك وحشتنى اوى

فضلت حضناه فتره كان واحشنى اوى

"احمد ده اخويا الكبير عنده ٢٥ سنه باشمهندس قلبي ♥"

انت يبنى ماقولتش انك جاي ليه

-انا قولت اعملكو مفجأة ..وبعدين حسن كلمنى عزمنى ع خطوبته ونزلت عشان كده

-طب وشغلك ياباشمهندس

-اخدت اجازه اسبوع يافالحه ...وبعدين ايه الاسأله دى كلها انتى اشتغلتى ف المخابرات بسلامتك!!

-ض*بت ع كتفه بس ياد

ضحكنا وسألنى عن ماما

صوتها جاي من المطبخ ..مين الي ع الباب ياعهود

-تعالى يماما ده واحد كده

-واحد!!واحد مين يبنتي وعايز إيه!!"قالت كده وهي جايه ع الصاله وشافت احمد

-ايه?احمد ياقلب امك انت جيت

"اخدته بالحضن" يبن الجزمه ماقولتش انك جاى ليه وحشنى يولا♥

-يجدعان في ايه كلكو مش عايزننى اجى ..والله ارجع مطرح ماكنت ?

-بس يالا ..بس مفجأه حلوه دى ..

"حقيقي جت ف وقتها ..فرحتى برجوع احمد نستنى جو الاكتأب الي كنت فيه واتشغلت بيه بقا وفضلنا نتكلم كتير وضحكنا كتير"

اليوم خلص

ولقيت كوثر بتكلمنى

-عهود هانم ..ازيك

-كويسه الحمد لله ..اخبارك ايه

-انا ميه فل شمعه منوره

-يارب دايما?

-بقولك ايه يبو الصحاب

-قولى ياعره الصحاب

-كنت عايزاكى كده ف مشوار ننزل نجيب فستان حلو وشيك عشان الخطوبه ونتى عارفه صاحبتك ذوقها مق*ف?

-ومالو ياختى ..تعالى ف اي وقت وهننزل

-اشطا ..سلام

....

بقولك ايه ياباشمهندس قلبي

-باشمهندس قلبي؟؟!يبقي عايزه تطلبي طلب..اؤمرى ياختى

-احمد ..كوثر هتعدى عليا عشان عايزين ننزل نجيب فستان ل خطوبه حسن اخوها

-كوثر...اه اه ..ايوه ماشي عايزه ايه?

-عايزه استأذنك انزل معاها

-يحببتى روحى مفيش مشاكل

-خد بوسه♥??

-وبعدين يعني مش م**وف ...حسن خلاص هيخطب ونت لسه قاعد زي الضفدعه ..

-احمم ..مستنى شويه

-مستنى ايه ?

-متخافيش ياشعنونتى بإذن الله نفرح قريب?

-يااارب??

ماما خرجت من البيت وادهم اخويا الصغير نزل يلعب مع صحابه ونا واحمد بس موجودين كوثر اتصلت عليا عرف*نى انها جايه ف دخلت البس

ونا ف الاوضه جرس الباب رن

-احماااد ..لو سمحت افتح الباب "دى تلاقيها كوثر"

-طيب ياختى .."راح يفتح الباب"

—-كوثر على الباب—-

عينها ف تلفونها واول ماسمعت حد بيفتح

-عهود هاانم ..اتأخررر....??نا

-بصوته الرجولى الجميل وضحكته الي تخ*ف القلب ?

ازيك ياكوثر

-احم..انا..انا كويسه الحمد لله ..ازيك ياباشمهندس

-يارب دايما..اتفضلي ..انتى واقفه ع الباب ليه

-انااا لا بس ..اص اصل انا احمم..مستعجله بس ف ياريت تندهلى عهود

انا هنا ياست كوثر جيت ("بصيت ل شكلهم هما الاتنين ....الله?ده الصناره باينها غااامزه من زماان بقااا?:")

-يلا يا ععهود

-يلا يسطاا??

احمد-مع السلامه ياكوثر

كوثر-الله يسلمك ☺

-ونا ماليش مع السلامه ولا ايه ياباشمهندس ?

-احمم ..ليكى طبعاا يعني ?مععع السسسلامه ياعهوود?

نزلنا انا وكوثر ووشها كان احممرر وساكته ونا بصالها بنظره اللمبي

راحت بصوت عالى شويه

-انتى اززاي ماقولتليش ان احمد نزل

يعنى ليه ..مانتى بتعرفينى و. و كده

-اممم?كملى

-اكمل ايه بطلي رخامه بقا

-يستى احمد نزل امبارح وعمل لنا مفجأه ..نزل عشان خطوبه حسن واميره

"قولت الجمله الاخيره دى ونا باصه قدامى وافتكرت وجع قلبي" طلعت تنهيده وقولتلها ..بس

-ااه ..مفجأه ..ماشي

-صح؟هي النتيجه ظهرت ؟؟

-لا لسه بيقولو كمان كام يوم ...ادعيلي ياعهود ادخل كليه الهندسه الي بحلم بيها ...ياااارب

-ربنا يوفقنا ياكوثر ?

وروحنا وشوفنا الفساتين واختارنا فستان لونه بيبي بلو ب ورد روز وطرحه روز كمان وكان شكله قمر

روحت ولقيت احمد وماما وادهم ف البيت جهزنا العشا واكلنا بعدها ماما وادهم دخلو ينامو وفضلنا انا وباشمهندس قلبي سوا ..قعدنا نتكلم

-بقول ايه ياباشمهندس

-قولى ياروح الباشمهندس

-الله الله ..ايه الرومانسيه دى ??

-يعني حد يبقي قدامه قمر كده وميقولش كلام حلو..والله عيب علينا?

-"انا بحب احمد اخويا اووى..مع انه مش دايما معانا ف البيت ..بس وجوده بيطمنى...قربه بيدينى امان ?ربنا مايحرمنيش منو..ودلوقتي بتمنى شكى يبقي ف محله?"...انا عايزه احضر خطوبه اخويا زى كوثر ?

-يستى ماقولنا قرريب..قريييب انتى مبتزهقييش???

-ايوه قريب امتى يعني

-قريب اوى ان شاء الله ...هي النتيجه هتظهر امتى؟

-يعني كمان كام يوم كده

-ان شاء الله خير

-بإذن الله يسطاا..انا هقوم انام ..تصبح على خير

-ونتى من اهل الخير ياحببتى♥

دخلت نمت وتانى يوم صحيت صليت وحضرت الفطار مع ماما ...فطرنا كلنا وبابا نزل على شغله ..احمد راح يقابل حسن .ونا وماما فضلنا ف البيت

اليوم كان عادى جدا مفهوش اي احداث تُذكر وعدى بسلام ومفيش غير انى قاعده مستنيه النتيجه وبدعى ربنا

وتانى يوم صحيت ع صوت زغروطه عاليه وصوت احمد وماما بيندهولى

عهووود ياعهووود النتيجه ظهرت

قومت مخضوضه ونا عماله اقول كام كاام

-96% الف الف مبروووك

"انا فضلت انط من الفرحه ودموعى سبقتنى ..الحمد لله الحمد لله يارب انك جبرت بخاطرى ومضيعتش تعبي ومجهود ..الحمد لله ♥”مشقادره اوصف فرحتى ف اللحظه دى كانت عامله ازاي ..انا فرحت كأنى عمرى ماشوفت لحظه حزن ..نسيت اى لحظه وحشه عشتها وقعدت احضن ف ماما واحمد وبابا الدنيا مش سايعانى

انا خلصت الثانويه ..انا نجحت ..انا حققت حلمى ...??♥♥

النهارده الخميس....

اليوم الموعود...احمد نزل راح ل حسن

وبابا نزل الشغل وقالنا انه هيقابلنا هناك

بعد المغرب

انا قلبي بيدق جامد...انا كنت اقدر اتحجج ب اي حاجه وماروحش

بس لا..انا لازم اروح واقنع نفسي انه خلاص..حسن بقا ماضي..هو اصلا مكنش حاضر...انا كنت غلطانه ولازم اصلح غلطى ...هشوفه مع عروسته النهارده وهفرح بيهم وهدعيلهم وهقنع نفسي انه ...خلااااص ??

خرجت من الاوضه كنت لابسه فستان نبيتى غامق ستان وعليه لؤلؤ وواسع من تحت شويه وطرحه اوف وايت ..حطيت ميكب خفيف ووقفت قدام المرايه

-يوغتى كميله..ده يبخته الي هبقي من بخته???

لقيت احمد واقف ع الباب ماخدتش بالي منه غير لما قال

-كبرتى ياعهود...بقيتى عروسه?

-"بصيتله ...لقيته لابس بدله كحلى وكراڤته نبيتى وشكله اللهم بارك ايه ده ايه ده ايه ده "

-بس ايه الحلاوه دى ياباشمهندس ..شكلك قمر?

-بجد!!"ووقف كده وقرد كتفه وظبط الكراڤته بتاعته "..ايه رأيك ..انفع ابقي عريس؟?

-احلى عريس❤

اخدنى وخرجنا من البيت انا وهو وماما

وصلنا للقاعه ونا بدأت اتوتر ...من جوايا بقول"اهدى..ده نصيب..ربنا شايلك الاحسن ..اتمنى ليهم الخير"خرجت تنهيده ...هووف ونزلت من العربيه

ايدى ف ايد باشمهندس قلبي ❤

دخلنا القاعه ماما راحت ل ام كوثر وباركت لها

ونا كنت بدور على كوثر بعينى والظاهر مش انا لواحدى الي كنت بدور على كوثر ???

لقينا صوت طلع من ورانا

-اوباا ايه القمررر ده

-كوثر!...حضنتها وباركتلها

-ازيك ياباشمهندس ..

-ازيك ياكوثر عامله ايه..احمم..شكلك حلو اوى النهارده??

-ميرسي ربنا يخليك❤...و...ونت كمان ش شك شكلك حلو

"هما الاتنين وشهم احمر وباصين ف الارض ...لا ده الموضوع مبقاش شك بقاا...انا كنت متقرطسه يجدعان?"

احمد راح عشان يبارك لحسن ونا فضلت واقفه مع كوثر شويه وبعدين مشيت رحت ابارك للعرايس كمان ..

كنت ماشيه بحاول اتمالك نفسي ..متوتره اوى مش حاسه ب الدنيا حواليا وفوقت لما خبطت ف شاب

-اوووف ..انا انا انا اسفه اوى ..مكنتش اقصد. والله اسفه

-خلاص خلاص حصل خير

بصلى ب نظره ثابته وهاديه "ايه ده ..شاب تقريبا ٢٦...عينه خضرا!!وشعره اسود ناعم ورافعه لفوق ..هو طويل وبغمازه ظهرت وقت لما ضحك لما شاف شكلى ونا تايهه "

-انا اسفه ..

-اهدى ..محصلش حاجه ولا يهمك

-بعد اذنك ...مشيت وسبته مديتلوش فرصه يقول اى حاجه تانى

"مين دى؟؟"

رحت عند حسن واميره

سلمت عليهم وباركت لهم ..."وفجأه حسيت انه خلاص بجد

انا دى بالنسبالى لحظه فارقه ...هنساك ياحسن "

-الف مب**ك يا اميره ..ربنا يهنيكى ياقلبي♥

-الله يبارك فيكى ياعهود عقبالك

-مب**ك ياحسن

-بضحكه جميله ..الله يبارك فيكى يادكتورتنا❤

فرحتلهم ورقصنا وغنينا ومن فتره لفتره كانت عينى بتوقع ع الشاب اياه

انا معرفش اسمه ولا هو مين ...مهتمتش

يوم جميل و عدى وروحنا انا والعيله ع البيت ...انا دلوقتي قلبي فاضي ..وشاغله تفكيرى مستقبلي هيمشي ازاي ...