Chapter 47
Chapter 47: (Part 2) Sa araw na ito ay makikitaan ng kaunting pananabik ang malalamig na mga mata ni Grim Crow. Tila nasasabik siya sa isang bagay na matagal na niyang hinihintay. Wala namang nabago sa madalas niyang ekspresyon, tanging mga mata niya lang ang may pagbabago na hindi naman madaling mapapansin ng iba kung hindi nila siya kilala ng lubusan. Suot ang itim na balabal niyang tinatangay ng hangin paatras, taimtim siyang naglalakad sa malawak na lupain papasok sa Niarich Forest upang mapuntahan ang kanilang pagkikitaan ni Rain Goodman sa teritoryo ng mga Wild Boar. Makalipas ang may kabilisan niyang paglalakad sa loob ng labing-limang minuto ay mas napaaga ang pagpasok niya sa Niarich Forest. Sa kasalukuyan niyang lakas ay wala na ang kahit na sino sa teritoryo ng mga Wild Boar a
- Writer
