Chapter 79: You!
Tumilapon ng marahas sa ere si Drolo Blood sa natanggap na suntok kay Soren Orlando. Ang mga mata niya ay puno ng pagkabigla, hindi makapaniwala na sa kasalukuyang level ng Rank na nadama niya sa kalaban ay magagawa pa rin nitong paliparin ang kagaya niyang nasa ibang level na ang Rank. Sa gitna ng ere, ang katawan niya ay mabilis na lumilipad palayo hanggang sa nakaramdam na lang siya ng matigas na bagay sa likod niya na nagpahinto sa pagtalsik. Ang bibig niya ay napanganga sa sakit ng saluhin ng likod niya ang kabuuang p'wersa ng pagtalsik niya sa natamong atake ng kalaban.
Nang tumama ang likod niya sa puno ay agad ding bumagsak sa sahig ang katawan niya. Sa dami ng karanasan niya sa mga pakikipaglaban ay matagumpay niyang natiis ang kirot sa katawan at naposisyon ng
