Mapalad s'ya nang matanggap sa palengke kahit hindi regular ang trabaho. Barya-barya lang ang binibigay sa kanya tuwing magkakargador s'ya at tutulong sa ilang tindera pero hindi na ito mahalaga. Sanay na sanay na siya sa barya-barya na kita.
"Hoy, Kimpoy, buhatin mo nga ito."
Isang matabang babae ang nagturo sa kanya ng isang banyera ng isda. Mabilis naman niya itong nilapitan. Nilagay niya sa taas ng mesa nito ang mga paninda nito na isda. Inabot sa kanya ng babae ang bayad, tiningnan niya ito-- bente pesos.
Marami rin s'yang part time work bukod sa pagkakargador sa palengke at nakakakuha rin s'ya ng libreng gulay minsan sa mga nagtitinda rito kaya malaki ang natitipid n'ya. Ilang buwan n'ya na itong ginagawa para lang mabuhay. Sa park pa rin s'ya nagpapalipas ng gabi at nakikigamit
