Sunod-sunod ang pag-ring ng cellphone niya pero hindi niya ito pinansin. Hindi na niya tiningnan ang screen basta kusa na niya itong pinatay para tumigil na ito sa pag-iingay.
Pareho silang nakatayo ni Dan sa likod ng malaking poste. May pagtataka niyang tiningnan ang lalaki kung ano ang ginagawa nila rito.
"D-Dan?"
"Bantayan mo, ma'am...para masagot ang lahat ng katanungan mo sa isip."
Hindi siya makapaniwala nang tingnan niya ang lalaki. Ano'ng ginagawa nila sa lugar na ito? Dikit-dikit ang bahay dito na parteng Valenzuela na ayon sa lalaki, hindi niya rin kabisado ang lugar na ito dahil bihira lang siyang mapunta sa Maynila. Hindi niya alam ang pasikot-sikot dito.
"Gaya ng isinawalat ko kanina, si Linda ang isa sa kabit ng asawa mo. Trabahador siya sa hasyenda, matagal na silang m
