Naalibadbaran siyang tingnan ang nanay niyang sinusubuan ang asawa nito. Kahit anong pigil niya, sa kasalan pa rin nauwi ang mga ito. Legal na mag-asawa na ang Tiyo Lando niya at nanay niya, labis niya itong dinibdib pero wala siyang magawa. Pagkatapos ng kasalang iyon, muli na namang nangibang bansa ang magulang ng kanyang asawa. Sila na naman ang naiwan sa bahay na ito pero lubha pa ring mahigpit ang seguridad sa lugar na ito, kahit sa'n siya magpunta, kabilaan ang mga tauhan na nagbabantay sa sino mang lalabas at papasok sa hasyenda.
Ayon sa Tiyo Lando niya, hiwalay na ito sa dating kinakasama nito sa Bicol. Masama ang loob niya sa lalaki pero ang nanay niya, wala itong pakialam sa mga paalala niya. Sana nga lang, nagbago na ang lalaking 'to at hindi na ulitin ang ginawa nito noon sa k
