Hindi pa rin maalis ang nararamdaman niyang takot at kaba dahil sa nangyaring pang-a-ambush sa kanila. Labis ang pag-aalala niya sa asawa niya, kay Kemp. Natigilan siya. Nitong nakaraang araw, hindi niya maintindihan ang nangyayari sa kanya. May isang parte ng utak niya na nag-aalala rito at ang kabila naman, gusto niyang dedmahin na lamang ang lalaki. Pero--ito ang nagligtas sa kanya. Sino ang nasa likod ng pamamaril sa kanila? Sa sobrang yabang ng lalaki, siguradong marami itong kalaban sa negosyo. Baka isa sa mga ito ang nagtangka ng buhay nila.
Hawak niya ang cellphone at kanina pa siya palakad-lakad. Tatawagan ba niya o hindi?
"Anak, ano ka ba?" pukaw ng kanyang nanay. "Nanunuod ako ng T.V, eh, hinaharangan mo. Kanina ka pa palakad-lakad sa harap ko, ah."
Natawa siya sa kanyang nan
