BANG!
Malakas na bumagsak sa lupa ang batang si Li Xiaolong matapos niyang makapasok sa loob ng lagusan.
Kung paanong agresibo siyang hinigop sa loob ng lagusan ay ganoon din siya ka-agresibong iniluwa ng lagusan patungo sa lugar na kinaroroonan niya.
Pasalamat lamang sya dahil isang madamong parte ng lupa siya ibinagsak nito na siyang ikinatuwa niya pa rin kahit papaano.
Agad na inayos ni Li Xiaolong ang sarili niya sa pamamagitan ng pagpagpag ng roba niya nginit ramdam niya ang labis na panghihina.
Hindi dahil sa kakaensayo niya kahapon kundi parang tinakasan siya ng lakas dahil na rin siguro sa pagkakatanggal niya ng mga simbolong bumabalot sa nasabing mystic energy stone.
Mabilis man kung titingnan ngunit ang labis na konsentrasyon at mabilis na pagtanggal ng mga simbolong bumab
