Kabanata 84
AVEL Hinihingal na tinapos nila ang kanilang laban. Lumapit sa akin si Kapitan Harlek na seryoso ang mukha. “Ngayon, ikaw naman ang gumawa, Avel. Subukan mo ang armas na ito katulad ng ginawa namin kanina. Huwag kang magalala, wala namang magsasabi sayo na ang ginawa mo ay tama o mali. Basta sa armas na ito, magawa mo ng tama at matira ng mabuti, ayos ka na roon,” Ipinasuot nito sa kamay ko ang bronze knuckles. “Ikuyom mo ang kamao mo kung gusto mo talaga ng matibay na atake pagdating sa knuckles. Pero sa spear, ikaw na ang bahala sa diskarte mo.” payo pa nito. Ibinigay niya sa akin ang spear. Medyo nagulat pa ako dahil mabigat pala ito. Akala ko kasing bigat lang ng pamingwit ng mga labada. Sa naisip ay medyo natawa ako. Nagtatakang napatingin sa akin si Kapitan Harlek. Ngumiti lang a
- Writer
