"Ouch. You're such a bad kisser, Bem."
Natatarantang inilayo ni Bemery ang mukha sa binata nang magsalita ito. Medyo namula siya dahil sa sobrang pagkapahiya. Hindi niya inakala na magigising ito dahil sa kaniyang paghalik. Baka nasagi niya ang sugat nito sa gilid ng labi dahilan upang mapukaw ito. Dali-dali siyang tumayo ngunit mabilis ang mga kamay ng binata na mahagip siya kahit medyo nakapikit pa.
Marahang iminulat ni Maximus ang kaniyang paningin at gumuhit sa labi nito ang nakakalokong ngisi.
Nagtama ang kanilang mga paningin. Nakita niyang nag-blush ang dalaga kaya bahagya siyang natawa. Parang saglit niyang hindi naramdaman ang sakit ng katawan dahil sa presensiya nito.
"Please stay here." pagkuwa'y seryosong wika ni Maximus nang mapansing inirapan siya nito. Sinunod naman ng d
