IKA-29 NA YUGTO
Napasarap ang tulog ni Chelsey, marahil ay alam niyang nasa tabi niya si Luigi at naaamoy niya ang pinagsamang natural na amoy nito at ang mamahaling pabangong gamit nito. Lalaking-lalaki ang amoy nito at parang naaadik na siya sa amoy nito.
Narinig niyang tumunog ang cellphone niya, gumalaw siya para abutin iyon ngunit naunahan na siya ni Luigi. Ito na ang sumagot sa tumatawag sa kanya.
“Hello?” ani Luigi.
Matagal ang mga sandaling lumipas ay hindi niya narinig na muling nagsalita si Luigi kaya napatingala na siya dito. Napakunot-noo siya nang makitang madilim ang anyo nito at nagtatagis ang bagang.
“Iji, are you okay?” tanong niya rito.
“It’s Micah, she’s calling you,” sabi nito at ibinigay sa kanya ang cellphone niya.
Naguguluhan man ay inabot
