A V A S A N T I L L A N
Pinalaro ko muna si Lovie para makapagdilig ako ng mga halaman ni Tiyang. Ito pa naman ang unang hinabilin niya sa akin, ang mga bulaklak niya. Kalimutan ko na raw lahat, maliban na lang kay Lovie, huwag lang ang kanyang plantita.
Ang totoo? Anak ba ni Tarzan si Tiyang? Para ng kagubatan ang hardin ni Otep sa rami ng kanyang mga bulaklak. Mabuti na lamang at kalma ang dugo ng lalaki sa kaniya at hinahayaan na lamang siyang magtanim ng kung ano-ano rito sa labas ng bahay.
Teka lang... ibig sabihin, sa akin lang kumukulo ang dugo ni Otep? Sa akin lang siya parating galit? Wow naman!
Er!
Hila-hila ko ang hose para makapagsimula na ako. Medyo ramdam ko na rin ang pagod sa katawan dahil kanina pa ako ikot nang ikot sa bahay para maglinis pero tatapusin ko lang ito
