رواية معشوقتي

رواية معشوقتي$ الفصل الخامس

معشوقتي $ البارت الخامس

قام سليم من جلسته ودخل الغرفة زفر بضيق وقال:- شيماء

شيماء:- ايوه

سليم وهو يقترب منها ونظر في عيونها نظرة طويلة جدا ثم اقترب بفمه من اذنها وقال:- ايه علاقتك ب شريف السباعي

جحظت اعين شيماء كثيرا وارتبكت جدا

سليم وهو يبتعد عنها:- ايه مبترديش ليه

شيماء:- مين شريف السباعي انا معرفش حد بالاسم دا

سليم:- متاكدة

شيماء:- ايوه متاكدة

سليم بغضب شديد:- انا اكتر حاجة بكرها في حياتي الكذب

شيماء:-وانا مبكذبش يا سليم

مرت شيماء من امامه فامسكها سليم من معصهما بغضب شديد وقال:- ايه علاقتك بيه

شيماء:- سيب ايدي انت بتوجعني اوي

سليم:- مش هسيبك غير لما تجاوبي علي سؤالي

شيماء:- معنديش اجابة لسؤالك

سليم:- براحتك يا شيماء بس علي فكرة انا عارف كل حاجة عارف انك علي علاقة ب شريف ابن سليمان اكبر عدو لعيلتنا يا هانم واللي دبر لقتل جدك اكتر من مرة قبل كده واللي انتي عاوزة تسبيني علشانه واللي اتجوزتيني برضوا علشان جدك يديلك ميراثك وتاخديه وتهربي معاه

يا خسارة انا علي قد ما حبيتك علي قد ما كرهتك انا كنت بحبك اوي اوي دلوقتي مبكرهش في حياتي قدك

ثم دفعها سليم لتقع علي الارض وهي تبكي بشدة

اكمل سليم حديثه بهدوء وهو يتالم من الداخل وقلبه يكاد ينزف بشدة من كثرة الالم:- انا هطلقك بعد ما جدك يسلمك الميراث وساعتها عاوزة تهربي عادي اهربي مبقتش تفرقيلي في حاجة انا بس ندمان علي حبي ليكي مش اكتر طبعا انتي دلوقتي بتسالي نفسك هوا سليم عرف منين انا عرفت بالصدفة لما سمعتك وانتي بتكلميه في التلفون وبتشرحيلوه قد ايه انك مبسوطة انك قربتي تبقي قريبة من هدفك يا خسارة انا بستحقرك اوي علي افعالك دي عمي جمال لو كان عايش كان هيموت بحسرته علي بنته وافعالها الزبالة دي انا بكرهك اوي بكرهك بكرهك

كانت تبكي شيماء كثيرا علي حالها وعلي حديث سليم الذي كانت كلماته كفيلة بان تقضي عليها اما عن سليم فقام بإبدال ملابسه وخرج من الغرفة بل من الفيلا باكملها

امسكت شيماء بصورة سليم بيدها وكانت تبكي بشدة من كثرة بكائها غفت و باحضانها صورة سليم.

في صباح اليوم التالي استيقظت شيماء من نومها فوجدت سليم نائم علي الاريكة بملابسه قامت شيماء من علي السرير واخذت تخلع عنه حذائه ونظرت له نظرة تألم وحسرة ثم توجهت للمرحاض كان سليم مستيقظ وشعر بشيماء وهي تخلع عنه حذائه ابتسم سليم بخفة وجلس علي الاريكة يتفحص اللاب توب الخاص به خرجت شيماء من المرحاض وهي ترتدي روب الاستحمام

واخذت تصفف شعرها ثم ذهبت لغرفة الملابس وارتدت فستان قصير باللون الاوف وايت وقفت امام المرآة تحاول اغلاق سحاب الفستان ولكن جميع محاولاتها بائت بالفشل انتبه لها سليم فهم بمساعدتها حيث قام من مقعده ووقف خلفها وازاح شعرها للامام حين امسك سليم سحاب الفستان احست شيماء بقشعريرة كبيرة تسري في جميع انحاء جسدها حينها شعر بها سليم ايضا انتهي سليم من رفع سحاب الفستان

شيماء:- شكرا

اكتفي سليم بابتسامة خفيفة كادت شيماء ان تترك سليم وتمشي امسكها سليم من معصهما وجذبها اليه فاصبحت بمواجهة سليم مباشرة

سليم:- شيماء

شيماء:- نعم

سليم:- انا اسف

شيماء:-علي ايه

سليم:- علي اني زعلتك مني امبارح

شيماء:- مش زعلانة يا سليم بعد ازنك سبني

سليم وهو يحاوط خصرها بيده:- علي فكرة انتي مراتي

شيماء:- بس انت دلوقتي بتكرهني مبتحبنيش

سليم:- مين قال كده

شيماء:- انت

سليم:- من ورا قلبي اتصدمت اوي يا شيماء انتي عارفة اني بحبك من زمان اوي

شيماء:- بتحبني من زمان

سليم:-اه من زمان

شيماء:-ازاي دا

سليم وهو يحملها:- تعالي وانا اقولك.................

يجلس شريف هو وصديقه عادل في كافيه يحتسون القهوة الصباحية خاصتهم

عادل:- شيماء اتجوزت يا عم شريف امبارح وزمانها غرقانه في العسل

شريف:- عادي ايه المشكلة

عادل:- بس انا مستغربك اوي

شريف:- مستغربني ازاي

عادل:- يعني انت عاوز تاخد فلوسها وانت ابوك مليونير ليه يعني

شريف:- اهو انت بتقولها بنفسك اهو ابويا مش انا انا لما اخد منها الفلوس هتبقي بتاعتي لوحدي وساعتها هسافر ومش هرجع هنا تاني ابدا

عادل:- طب وشيماء هتعمل معاها ايه

شريف:-هنقضي يومين حلوين كده مع بعض وبعدها اقولها مع السلامة معطلكيش

عادل:- ربنا يستر من دماغك دي

يجلس سليم (الجد) في صالون الفيلا ويتفحص الجريدة اليومية

سليم(الجد):- نبيلة

نبيلة:- ايوه يا عمي

سليم(الجد):- اعمليلي فنجان قهوة من ايدك متخليش زهرة هي اللي تعمله

نبيلة:- حاضر من عنيا

سليم(الجد):- سليم وشيماء لسه مصحيوش

نبيلة:- لا لسه انا كمان شوية هطلعلهم الفطار في الاوضة

سليم(الجد):- طيب روحي اعمليلي القهوة

ذهبت نبيلة لتصنع القهوة له وقابلت كريمة في المطبخ

كريمة:- فطار العرايس جاهز

نبيلة:- طيب سبيه دلوقتي هعمل القهوة لعمك سليم الاول وبعدين نطلعه

كريمة:- متخلي زهرة تعملها

نبيلة:- مش هينفع هوا عايزها من ايدي

كريمة:- طيب هروح اغير هدومي علي ما تخلصي القهوة

تجلس مايا بحديقة الفيلا وهي تحتسي عصير المانجو المفضل لديها وتتفقد هاتفها الشخصي جاء امير وجلس علي الكرسي المقابل لها

امير:- صباح الخير

مايا:- صباح النور

امير:- بتعملي ايه علي الصبح كده

مايا:- ولا حاجة بشرب مانجة

امير:- مانجة اه طيب مش ناوية تخرجي النهاردة

مايا:- كمان شوية هروح النادي

امير:- شكلك زعلان مني

مايا:- لا هزعل ليه

امير:- طيب انا ماشي

مايا:- امير مين البت اللي انت كنت واقف معاها في الفرح دي

امير:- هوا دا اللي مزعلك صح

مايا:-طب جاوب

امير:- مفيش دي ماهي صاحبة سليم

مايا:-والله

امير:-اه والله

مايا:- طيب المرة دي هعديها علي الخير المرة الجاية لا

امير:- طب قومي معايا

مايا وهي تقف من جلستها: - هنروح فين

امير :- تعالي معايا

جذبها امير من يدها وتوجه بها داخل الفيلا وهتف عاليا:- يا اهل الدار يا جماعة يا ناس ياللي هنا

سليم(الجد):- فيه ايه يا اهبل انت

مصطفي:- فيه ايه يا امير انت اتهبلت علي الصبح

امير :- لا متهبلتش انا عاوز اتجوز

كريمة:-ودي مين دي اللي امها دعيالها

امير:- مايا

محمد:- مايا بنتي

امير:- ايوه انا عاوز اتجوزها وهي موافقة

محمد:- موافقة يا مايا

سليم(الجد):- تعالي جمبي هنا يا مايا

توجهت مايا باتجاه جدها سليم

سليم(الجد):- موافقة تتجوزي الولد الاهبل دا

مايا:- اللي تشوفوه يا جدو

امير:- ايه اللي تشوفوه دي افرضي رفض ياختي

ضحك الجميع عليه بشدة وعلي تصرفاته المضحكة

نبيلة:-اهدي شوية يا امير هي يعني هتلاقي عريس احسن منك

امير:- حبيبة قلبي يا بلبلتي

سليم(الجد):- خلاص يا اهبل وافقت خلاص بس اسمع موافقة مايا الاول

امير:- انجزي يا بت انتي قولي موافقة بقااا

مايا:- موافقة

اطلق امير صوت شبيه بصوت الزغاريد فضحك عليه الجميع بشدة.

ينام سليم علي السرير وبين احضانه شيماء

شيماء:-سليم

سليم:- ايه يا حبيبتي

شيماء:- انت قولتلي انك بتحبني من زمان ازاي دا بقااا

سليم:- انتي اتولدتي علي ايدي انا اول واحد شوفتك حبيتك اوي ويومها انتي مسكتي ايديا ومن ساعتها وانتي حبك في قلبي بيكبر يوم بعد يوم

شيماء:- بس انا كنت بعيدة عنك ازاي فضلت تحبني برضوا

سليم:- كنت متابعك علطول انتي عارفة اني كنت معين ليكي حراسة لاني كنت بخاف عليكي بخاف لحد ياذيكي

شيماء:- حراسة

سليم:- اه حراسة يا حبيبتي

شيماء:-طب انت امبارح كنت زعلان مني اوي وقعدت تقول بكرهك كتير اوي النهاردة مالك كده

سليم:- جدو حكالي كل حاجة

#اشوفكم البارت الجاي

#معشوقتي

#بقلم السلطانة أحلام حواس ?