رواية معشوقتي

رواية معشوقتي $ الفصل الرابع

معشوقتي$البارت الرابع

في الصباح كانت تداعب اشعة الشمس وجه سليم فتح سليم عينيه فوجد امامه والدته نبيلة

نبيلة:- كل دا نوم يا سليم

سليم:- صباح الخير

نبيلة:- صباح النور يا حبيبي

سليم:- ايه يا ماما بتصحيني بدري ليه

نبيلة:- بدري ايه بس انت ناسي ان النهاردة فرحك ولا ايه

سليم:- فرحي اه افتكرت

نبيلة:- ايه يا سليم انت بتنسي كتير كده ليه

سليم:- مفيش اصل اليومين دول فيه مشاغل كتير اوي وكمان حكاية الفرح دي جت فجاءة

نبيلة:-طب يلا قوم افطر وخد شاور بسرعة علشان تاخد شيماء ع الاوتيل

سليم:-بدري كده ليه الساعة كام

نبيلة:- الساعة دلوقتي 1 الظهر يلا انجز يا سليم

سليم:- حاضر يا ماما

استيقظ من نومه علي صوت رنين هاتفه ليجد والده هو من يتصل به

شريف:- صباح الخير يا بابا

سليمان:- صباح النور يا اخويا انت مش خلصت زفت امتحانات مبتجيش الشركة ليه

شريف:- حاضر يا بابا هاجي اسكندرية كمان اسبوع كده

سليمان:-متتاخرش فيه شغل مهم اوي اليومين دول

شريف:-طيب مع السلامة

سليمان:- مع السلامة

بعد ان اغلق شريف الهاتف مع والده زفر بضيق و قال:- اوف هي ناقصة ق*ف بقااا

في شركة سليمان السباعي

سليمان: - انا قلقان اوي يا مجدي

مجدي:-من ايه بس يا سليمان بيه

سليمان:- سليم العميري مش سهل خالص حتي الخطة اللي حطوها مع كبار المهندسين كانت سرية

مجدي:- فعلا ميسه قالت ليا كده بس فيه عندنا حل تاني

سليمان :-ايه هو

مجدي:- بنت جمال العميري شيماء

سليمان:-مالها دي

مجدي:-علي علاقة ب شريف ابن سيادتك

سليمان:-ودي هتفدني بايه

مجدي:-بكتير طبعا ممكن نزرعها في شركة العميري وتجبلنا اسرار الشغل المهمة

سليمان:- طب ما احنا لينا ميسه هناك

مجدي:- فيه فرق ما بين ميسه وشيماء ميسه دي تعرف حاجات علي العايم كده لكن شيماء اسرار الشغل كلها اكيد هتبقي معاها وخصوصا انها هتجوز سليم النهاردة

سليمان:- فكرة حلوة برضوا اول ما يجي شريف هعرضها عليه

في غرفة شيماء هي ومايا يقومون بتجهيز حقائبهم للاستعداد لحفل الزفاف

مايا:- الف مب**ك يا ستي

شيماء:- الله يبارك فيكي عقبالك

مايا:- يارب ياختي

شيماء:- هانت يا مايا كلها يومين كده وامير يكلم عم محمد

مايا:- امير

شيماء:- اه امير

مايا:- اشمعنا امير يعني

شيماء:- علي شيماء يا مايا والله فرحتلك اوي

مايا:- طب ياريت يكلم بابا بقااا

شيماء:- هيكلمه متقلقيش

اهتز هاتف شيماء ليعلن عن اسم شريف

مايا:- متردي يا بنتي

شيماء:- طيب بعد ازنك

مايا:- اتفضلي

خرجت شيماء من الغرفة وقامت بالرد علي شريف

شيماء:- ايه يا شريف مش كفاية رن بقااا

شريف:- انا جاي اسكندرية وعاوز اشوفك

شيماء:- تشوفني ايه النهاردة فرحي انت اتهبلت

شريف:- لا يا حبيبتي مش النهاردة كمان اسبوع كده اصل همسك شركة بابا الهندسية

شيماء:- كويس اوي اول ما تيجي قولي

شريف:- اوكيه سلام

شيماء:- سلام

بعد ما اغلقت شيماء الهاتف مع شريف قامت بارسال رسالة لشخص ما وابتسمت بخفة وعادت للغرفة مرة اخري

نزل سليم من الاعلي للاسفل وهو يرتدي شيرت ابيض وبنطلون جينز اسود وكان يهاتف سعد

سليم:- تمام يا سعد المهم ان مش عاوز ولا غلطة النهاردة بالذات

سعد:- متقلقش خالص يا سليم

سليم:- والموضوع اللي انت كلمتني عنه ياريت محدش يعرف بيه

سعد:- سرك في بير يا سليم بيه

سليم:- قد قولك يا سعد يلا روح كمل اللي وراك وانا كلها شوية كده وابقي في الاوتيل

اغلق سليم الهاتف مع سعد ثم توجه ناحية الحديقة وجلس علي مقعد هناك جاء امير وكعادته المرحة ظل يتسامر مع سليم ويتحاور معه بطريقة مضحكة

سليم:- بجد عاوز ايه

امير:- بصراحة كده انا بحب مايا وعاوز اتجوزها وبص بقااا هترفض هتقبل هتجوزها يعني هتجوزها

سليم وكاد يموت ضحكا :- انت اهبل صح

امير:- لا انا امير مش اهبل بجد بقااا يا سليم ايه رايك

سليم:- والله يا امير انا معنديش مانع بس ناخد رايها ونتكلم مع جدك وعمك محمد

امير:- هيوافقوه طبعا هما يطولوه عريس حليوة وزي القمر زيي كده

سليم:- يلا يا اهبل من هنا

امير:- اهبل بغمزات لو سمحت

ترك امير سليم وبعد ثواني سمع سليم صوت امير وهو ينادي عليه

سليم:- خير يا اخرة صبري

امير:- يلا علشان نوصل مايا وشيماء الاوتيل وانت كمان تجهز انت ناسي انك عريس ولا ايه

سليم:- يلا يا لمض

امير:- وبغمزات

ضحك كلا من امير وسليم ورحلوا

في المساء في قاعة اعراس فخمة جدا مزينة بطريقة اكثر من رائعة تزف شيماء وهي متابطة بيد جدها سليم لحين وصولها لزوجها سليم

سليم(الجد):- خلي بالك منها يا سليم

سليم:- دي في عنيا يا جدي

ازاح سليم الطرحة من علي وجه شيماء ونظر لها بطريقة اربكتها في مكانها ومن ثم جلس سليم وجلست بجانبه شيماء

وقفت نبيلة بجانب شيماء وقبلتها وقالت:- الف مب**ك يا شيماء يا حبيبتي ربنا يسعدكم يا بنتي

شيماء:- ربنا يخليكي ليا يا ماما

نبيلة:- حبيبة ماما

جائت كريمة وسلمت عليها هي الاخري

محمد:- يلا يا سليم علشان نكتب الكتاب

ذهب سليم مع والده وجلست مايا بجانب شيماء

ونبيلة وكريمة يقفون بجانبهم.

تم عقد قران شيماء وسليم وكان وكيلها جدها سليم والشهود علي ذلك ال*قد عم سليم مصطفي ومحمد والد سليم

انتهي الفرح وذهب كلا من سليم وشيماء لغرفتيهما بالفيلا حمل سليم شيماء بين يديه ودخل بها الغرفة وقام بانزالها علي الارض دخل سليم المرحاض المرفق بالغرفة الخاصة بهم قام باخذ شاور ساخن ثم بدل ملابسه وارتدي بيجامة ستان باللون الابيض خرج من المرحاض فوجد شيماء جالسة علي السرير وكما هي بالفستان الابيض

تنحنح سليم قليلا فانتبهت له شيماء

سليم:- انا في البلكونة خدي راحتك

قامت شيماء من مقعدها وابدلت ملابسها هي الاخري وذهبت ل سليم وجدته جالس علي الكرسي وشارد في شئ ما

شيماء:- انا خلصت اتفضل

قام سليم من جلسته ودخل الغرفة زفر بضيق وقال:- شيماء

شيماء:- ايوه

سليم وهو يقترب منها ونظر في عيونها نظرة طويلة جدا ثم اقترب بفمه من اذنها وقال:- ايه علاقتك ب شريف السباعي

#اشوفكم البارت الجاي

#معشوقتي

#بقلم السلطانة أحلام حواس?