Chapter 46: Pursuit
Oliver,
"Nasaan na kayo?" tanong ko kay Claiden na nasa kabilang linya. Kaagad kasi nila akong tinawagan nang may makalap silang impormasyon sa kung ano ba ang layunin ng ETHER bukod sa pagpuksa sa mga Karitano.
Pangalawang araw na namin dito sa Britanya kaya dapat lang na may kahit kaunting impormasyon kaming makalap bago kami bumalik sa Pilipinas.
"Naririto kami sa paanan ng isang malaking orasaan." Sagot naman niya kaya't tumingala ako. Madaming naglalakihang mga gusali ang aking natanaw habang mabilis akong naglalakad dito sa napaka busy na daanan.
Halos makabangga ko na lahat ng aking mga nasasalubong pero hindi ko na lamang sila nililingon at diretso lamang ako sa paglakad.
"Sige, malapit na ako." Sabi ko at ibinaba ko na ang tawag at kaagad na lumiko sa is
