Ang Nakaraan Ni Hervey
ISLA THALASSINA, A FEW HOURS EARLIER
***
Halos isang oras din ang itinagal nila sa ere bago tuluyang nakarating nang Maynila. Dahil may helipad ang condominium ni Dylan ay doon nag-landing ang chopper na minamaneho ni Dylan.
Hindi nag-aksaya ng oras si Hervey. Nang makababa ng chopper ay kaagad niyang tinungo ang unit ni Paisley samantalang si Harrison ay dumiretso sa unit nito.
Malalim na ang gabi ngunit buhay na buhay pa rin ang siyudad. Maliwanag pa rin sa hallway ng 13th floor dahil sa naka-bukas na ilaw.
Hindi mapigilan ni Hervey ang lalong manabik sa dalaga. Sabik na siyang makita ito, kahit masulyapan man lang ay ayos na sa kanya.
Mula sa maliit na siwang ng pintuan ay naaninag niya ang mapusyaw na ilaw na nagmumula sa loob. Ibig sabihin nasa loob ang
