هديه مرفوضه

المشهد الاول ابو علي اوكف مو هيج تكض سلاحك حسين دخل اصابع ابنه علي السبابه والابهام وضغط عليهن بقوه بايديه هيجي تكضه خوشش حته لا ترجف ايدك لتصير رجيج على سلاحك كونك اقوى منه لا تهابه خلي الكدامك يهابه ويشوف الخوف بعيونك قبل مايشوفه بسلاحك علي رغم ماهو متألم من قوه قبضه ايد ابوه وخوفه لا يصرخ بوجهة ساكت متحمل لكن دمعه وكعت غصب عنه وهو يشوف امه وهيه تتقرب منه نسرين انت شبيك ويه الولد مدكولي الخاطر الله دهده متشوفه يخاف ميتحمل بعده صغير على هل السوالف حسين انه بعمره اصعد خيل واقوى فارس بين اخوتي هذا ابنج عليمن طالع كله منج انتي بدلالج خربتي شيكلون عليه باجر ابن شيخ وميعرف يكظ سلاح چا صرت مضحكه بين هلي قبل العشيره نسرين احمد الله واشكره صار عندك هل الولد متشوف نسوانك ال٣ كلهن خلفتهن بنات المفروض ادلله وتخاف عليه مو تعلمه شغلات تودي للدمار حسين شوفي انتي مالج اي علاقه ابني وانه حر بي اربيه بكيفي مو مثل تربيه اخوانج الكيكيه الموش زلم الله يرحم زمان جنت تتمنى ارضى عليك ولو بنظره كتلت روحك عليه رايح جاي البغداد والكراده سويتها بيتك الثاني حسين جنت معمي على عيوني ماندل دربي هيجي صارت لعد اني عايفتلك البيت كله وطالعه دروحي دفعه مردي والهوى شرجي علي يمه تعالي وين رايحه وين عايفتني نسرين لتخاف ابني اخذك وياي مااعوفك يمه حسين عوفيييي لا والله ابتلي بيج وخلي يطلعولي اخوتج استغفر الله نسرين هيجي صارت الا اندمك التفتت على ابنها وكالت ميخالف انت ابقه يمه وبعد كم يوم اجي اخذك بقوه القانون حسين اتعصب من كلامهة هذا ياقانون اني الشيخ حسين خلقت القانون محد يكدر يوصل حدي وفنج اتكربين العلي الا تكون نهايتج ونهايه اهلج علي وهو يشوف نسرين تبتعد عنه يمه تعالي اريدج لا تعوفيني حسين ولك طايح الحظ طاخخ اخ بويه ليش انه شسويت حسين لك ميت مره كتلك لا تصير رجيج بس لا تطلع على خوالك٠٠٠٠ وطابق المثل الي يكول ٠٠٠٠ ثلثين الولد على الخال ايغير ادفنك هنا واكولن ماعندي ولد علي من هذا اليوم وذاك يوم كل الي يكوله عليه ابوه ينفذه وصار قطعه طبق الاصل منه٠٠٠ اما امه نسرين فقدمت على الطلاق واطلكت وبعده بسنه تزوجت دكتور٠٠٠ وسافرت ونست عدهه ولد اسمه علي وبعد مكامت تسأل عليه ٠٠٠ وهذا الي كان يشوفه مما زاد حقده على امه وكل النساء وهذا الحقد زرعه بگلبه حسين ابوه من كثر حقده عليهن ۰۰۰ كان رجل ميحترم المرأه ويعاملهه کجاريه ماخذها فقط لتلبيه متطلباته الشخصيه متجرأ ترفض وادكول لاااء على شي وحته لو كان ابسط حقوقها كبر علي وكبر حقد بنات حواء بگلبه والي زادهة عقدته من قطعت امه عنه نهائي وسمع بیها ۰۰۰۰سافرت وانكطع اي اتصال بينهم وكثرت الاشاعات حولها والولد الي وياه دائما يلقبوه بأبن الكريديه وهذا الي يكول امه تزوجت وعافته ۰۰۰ حبت وشردت وياه۰۰۰ وناس ادکول انهبت ومن هاي السوالف والاشاعات الي مالهة لا اول ولا تالي ********** وفي مكان اخر وعائله اخرى سكينه تعالي ابنيتي شوفي ياهو الي بلباب وغطي زين اخاف غريب اي يمه اتفضلي خاله ام سعد يمه هاي خالتي ام سعد سكينه ياهله٠٠ وميت هله زارتنه البركه اتفضلي توه نور دارنه ٠٠٠٠ ام سعد منور بيج ام جاسم سكينه تعالي دعاء جيبي جاي كليجه الخالتج اي يمه من عيوني ام سعد والله لا تسوين شاربه توني مااكدر بس كلاص مي اي خاله من عيوني تسلملي عيونج يبعد خالتج ام سعد نظراتها قويه الدعاء هيه جتي مخصوص اليوم حته تخطب دعاء الابنه سعد شاب مكمل وتعبان على نفسه وهو مهندس ميكانيك شافهة بخطبه اخوه من صديقتها زهراء الي وياهة بنفس المدرسه رابع اعدادي وحبهة وشكد حاول وياهة منطته وجه مما زاد تعلقه وتمسكه بيهة اكثر٠٠٠ وحبه زاد يوم وره يوم حته دز امه خطابه٠٠٠ اخاف يسبقه احد وياخذهة منه طبعا دعاء تحس بي وهيه هم حبته من بعيد بدون متبوح بحبهة واليوم من شافت امه هلت اساريرهة والدنيا متسيعهة اكيد جايه تخطبهة الابنهة اي ام دعاء انه جايه اليوم بطلب واتمنى مترديني الهلي خايبه اسم الله ماعاش الي يردج خايبه ام سعد اسم الله عليج طول عمرج بت اجاويد واصول الهذا حبيتج وحبيت تقوه علاقتنه وجورتنه اكثر بزواجه ابني سعد من بتكم دعاوي الحلوه المزيونه ضحكت سكينه غاليه انتي وعلى عيني وسعد منلكه مثله زلمه البتنه يصونهة ان جان عليه ماعندي كل مانع اكلج خيه كبعي واخذي بس تعرفين اللبنيه الهة اب وعمام وخوال لزمن اشورهم وهمه الي يردون الجواب ام سعد اكيد چا غير اهلهة وهو هذا الاصول وتسلملي عيونج بردي گلبي۰۰۰ وكليلي الجواب بأسرع وقت سکینه انشاء الله تدلل ام سعيد شعندي غيرهة جاره سنين وعمر٠٠٠ خوات صرنه وانشاء الله خير ****** بلديوان الكل كاعد بامر من ابو علي الشيخ حسين هو الي دز عليهم خير شيخنه الشيخ حسين اليوم جمعتكم حتى تشهدون تسليمي الشيخه الوليدي علي ومن هل اليوم كل امور العشيره بيده سمعوا صوت صياح من باب الديوان كاظم٠٠٠٠ اخو الزوجه الثانيه للشيخ حسين وابن عمه صاح وهو متعصب لااء ياشيخ حسين ممقبوله منك تسلم الشيخه وامور العشيره الابن الكريديه انتفض علي٠٠٠ ومد ايده على سلاحه حسين صاح علييي وغمض عيونه افتهم رجع وخله الكلام الابوه الشيخ حسين اول شي انت بديواني احترم الوادم الكاعده كلهم شيوخ وعشاير كاظم شيخ حسين قاطعه ٠٠وحرك بيده اسكت وكال ابو علي انه اسمي الشيخ ابو علي كاظم ابنك امه من غير دم وكلكم تعرفون قصتهة شلون تسلمه الشيخه علي متعصب لااء ٠٠٠٠انت مصخته يابه عوفني عليه هذا تمرد حسين عوفه بويه خله انه اعرف اتعامل وياه التفت الكاظم شرايد كاظم كول من الاخر ؟؟ تريد انت تستلم الشيخه؟؟ كاظم اي انه اولى بيهة زين ولد عمامك شنو رأيهم قابلين؟؟؟ التفت الشيخ حسين للكل وسألهم ياوجوه الخير كلكم كاعدين وهل تسمعوني قابلين بلي يكوله كظيم رد٠٠ الكل لا والله احنه مراضين كاظم لويش تفضلون ابن الكريديه علي علي٠٠٠ اتقرب منه وضربه بوجهة وكعه بلكاع لزم خشمه الي كام يخر دم علي كوم ردهه الابن الكريديه كام كاظم راد يضربه جر علي ايدة ولزمه ورجع ضربه بقوه اكبر من الي قبلهة داخ انسطر وكع صرخ علي كوممم اليوم ارد اراويك منو انه كاظم راد يكوم رجع وكع الضربه خلته يشوف الواحد اربعه الكل كام يضحك عليه ويفرون بيديهم علي كلكم تسمعوني يا ووجوه الخير انه ان جان متعرفوني زين اليوم اعرفكم علي ياوجوه الخير انه٠٠٠ علي ابن الشيخ حسين مأصل ٠٠٠ ابا عن جد وانه ابنه الوحيد بس افعالي ثبتتلكم طول عمري بعدال عشر زلم ومافد يوم سويت الشينه صيتي يمدح بيه العدو قبل الصديج وياوجوه الخير ٠٠انتم تعرفون الولد٠٠٠ ماينقاس بامه الي جابته لان هواي ملوك وسلاطين ٠٠٠ امهاتهم من غير دول اجنبيه انه امي عراقيه وتعرفوهة كلش زين يعني اصلي معروف وانه الي رباني ابوي موشش امي تربيت على ريحه التفك وظهور الخيل وكعدت الدواوين ماحاج اعرفكم عن ٠٠٠ سلاحي٠٠٠٠الي يهابه الصد*ك قبل العدو القريب قبل البعيد والي عنده چلمه وياي خلي يكوله من هسه مادامنه متجمعين رد الكل اي بالله نشهد انت كفو للشيخه زلمه من ظهر زلمه ****