الفصل الثاني

2779 Words

بعد مامر اسبوع واهل دعاء ماردوا خبر سعد يمه شنهي الفضيه مامريتي البيتهم شو ماموش خبر منهم اي اليوم امر هيه هاي هيه صارلهم ٧ ايام سمعت سعوده مرت غازي اخو السعد خابرت اختهة ولج الحكي اليوم راح يرحون على دعاء يخطبوهة اختهة مريم جا انتي مو كلتي راح اخربهة من يمي واروح الام جبار حتى تنطيني شي اذبه على بابهم قبل لا يرحون سعوده اي رحت بس اخافن ليش شلون اذبه والكل بلباب يشوفوني تعاي ليه اي اي هسه جايتج اخريهة العمتج لحد مااجي وحضري حته ارشه انه وفعلا بعد دقايق جتي هدى ام سعد هله بيج هديوه امج شلونهة اخوتج خواتج الحمد لله زينين كلهم يسلمون غمزت السعوده تعالي سعودة وين الثوب الاحمر معزومه يم صديقتي الخطبتهة ومااعرف شلبس شو اهدومي ضيجات علي وانه استحي ام سعد رزحي سعوده انه هم رابحه لام حيدر بشغله ومااتأخر سعوده روحي عمه ابراحنج ام سعد سلميلي على اهلج صار عمه من عيوني بعد ما راحت سعوده هاج كظي بسرعه لا واحد يشوفج شمري ابابهم وتعالي بسرعه اخذت البطل وشمرته بلباب وجتي تركض سعوده هاا ولج بس لا كضوج عيب انه اختج مريومه سعوده خوشش روحي تعالي تعالي هدى هااا هههه شبيج ترجفين هاي اول مره سعوده كلشي مايفيد بكل مره شو يزيدن ماينقص كليلهة ام جبار انه كاعد انطيج فلوس موش نوه هدى صبرج جا اني الي اكولن هيجي لو انتي سعوده درووحي وانه اردلج الخبر من تجي عمتي خوشش في ماالله ***** علي يعني انت هسه ادكولي البت مو برضاتهة خطفهة خطف وهاي صارله يومين ابيته التفت على الولد صحيح الي كاله ابو البت الولد انه اخذتهة برضاتهة واللبنيه حرمتي صارت علي جا انت بكيفك تاخذ بت الوادم وتعقد عليهة اهنا حكم عشاير موش بكيفك جا وين احنه عايشين ابتركيا حته هناك هم ميسوون سوايتك الولد شيخنه همه هم جذبوا علي كالولي الك وماتصير الغيرك وخلوني اصرف الي عندي والي ماعندي وتاليهة طلع رايدهة ابن عمهه يصير هيج تقبلهة شيخنه وانت لسانك ينطق بلحق علي لا مايصير بس اكو مرجع ترجعله وتفهم منه السالفه جا جيت قدمت شكوى واخذ حقك منهم وماتطلع منا اذا مو انت راضي بس ماال تجرهة جر من ايديهة غصب عنهة ومن كدام باب مدرستهة هذا يعتبر خطف بويه انت جنيت عليهة وعليك شيخنه انه دخيلك انت مادامك جيت ونادم وصرت دخيل اكلك هذا هو محد يكربلك بس حق الوادم لازم ياخذوه انه هم ماارضى وانه حاضر للي رايدينه بس حرمتي تبقى على ذمتي التفت الابو اللبنيه وكال شكلت الاب شيخنه البت مراضيه ماريده هو خاطفهة الزوج تعصب شيخنه ذوله يردون يذبحوهة وهيه خايفه مايخافون الله علي بكلبه يكول هيه الحرمه الي متتأمن ذبت فلك بويه وخلت الوادم تتكاتل والحد هسه ٢ انكتلوا واحد مصوب من وره هل السالفه علي كرهه وحقده على بنات حواء وعقدته جبرته يص*ر قرارات ظالمه ضد المرأه التفت على ابوهة وكال البت ترجع الاهلهة وابوهة يتعهدلنه مايمسهة زوجهة شيخنه ظلم حرمتي تريدني وانه مااكدر بدونهة لا تبعدونه عن بعض علي بويه انت ذنبك جبير حياتك مقابل بتهم ترجع الزوج راضي بأي حكم بس لا ترجعوهة شيخنه يكتلوهة اهلهة علي همل كلامه واكد على ابو الولد ينطون ديه فلوس مقابل الي انكتلوا ويطمون السالفه وبتهم ترجعلهم وبهذا طفه الفتنه ميدري هو كتل روحيين وبعدهم عن بعض وهذا غير اللبنيه وشلون راح يعاملوهة اهلهة بعد الي صار ***** حميد احنه ماعدنه بنات للزواج واختي مخطوبه الابن عمي سليم وقارين فاتحتهة من زمان ام سعد خاله حميد على كيفك ويانه جا هذا الحجي ماسمعناه قبل اسبوع من جينه لوو هيه وحده بوحده حميد بصراخ هذا هو الموجود اختي دعاء مستحيل اتصير السعد ابنج اتصير دموم ومانطيهة ياخاله على ويش الدموم اذكر الله وتهده شمالك الحجي تفاهم واحنه نسوان بينه وامك هسه ادكول ابوهة راضي واخوتهة جا انت هسه دوهرتني بصراخك ماافتهمت شي سكينه تملخ بوجناتهة ولك حميد عيب من الوادم لميتهة علينه شمالك خربت سمعت خيتك دعاء بغرفتهة ساده اذانهة بيديهة ودموعهة تجري وخايفه من الموضوع ليكبر من جهة وتخسر سعد من جهة لوخ ********** دعاء مر اسبوع وحميد شد ويايه شده حته لا اوافق خال سعد كلش براسه معاند خصوصا الي يحرضه هو صديقه٠٠٠ جعفر٠٠٠ همه اثنينهم يكرهون سعد وصارت براسي وانه اخاف اوصل الحجي لابوي صاحب عيه والدكتور موصينه منخلي شي يقهره اخافن ليتهور ويتعارك ويه سعد٠٠٠لو ويه اخوتي ومن وراي ابوي يوكع بيهة اسم الله عليه شمعه بيتنه اشعدنه غيره غير اموتن اخخخ بويه من حميد اعرفه كلش زين ماعنده مانع كلشي يسوي حته يمنع هل الزواجه وانه خليتهة يم الله والله كريم وين توصل خلهه توصل سكينه تعالي دعاء يمي شنهي قضيتج انتي شو مغندبه كلش اليوم مامش ولا كلمه وين ذيج دعيوه التضحك سنيناتهه للهوى ؟؟؟ دعاء لا يمه انه بس تعبانه من هذا الدرس صعب كلش ياهو؟؟؟ الانكليزي انه اگل لابوج يشوفلج مدرسه انشاء الله يمه سكينه ٠٠٠٠صفنت شويه ولهناك ٠٠كالت تعالي ليه٠٠٠٠دعيوه٠٠٠ اخافن من سالفه الخطبه اشبيهة يمه؟؟؟؟ اخافن اشوفج متردده هااا٠٠٠ لا يمه انتي تعرفين بنتج كلش زين جاكتلج٠٠٠ سكينه جا شبيج من يوم الي ردينالهم خبر وانتي احوالج معاجبتني وكدرانه دومج ٠٠٠ انتي مو كلتي لابوج واخوتج انه مااريد اتزوج واردن اكمل دراسه اي يمه انه اردن اكمل دراسه وبعدين ويني وين الزواج ياهو الي جاب طاريه سكينه جا شمالج ؟؟ دعاء دنكت راسي وانه اكول ابگلبي شكلج يمه٠٠٠٠ ابنج حميد واكفلي مثل العظمه بلزردوم؟؟؟ايههه الله كريم الي كاتبه الله يصير بلكي يهديلي هل الحميد ويسكت عني اليوم اجت اخت سعد وكالتلي سعد يكول مستحيل اتخله عنهة ان جان هيه باعت انه شراي وبلمهر الي اطلبهة وراح ارجع اخطب وماأيس اخت سعد هو متعجب ليش ر فضتي دعاء حميد اخوي زهره اخت سعد والله عرفت٠٠٠ هم كتله السعد يمكن هو وره رفضهة حميد هذا مايجوز؟؟؟، اني رفضته مو سعد اخوي تعرفين كلش زين احبن ابن عمي وهو هم وناوي يخطبني ومن اجه حميد انه كلتلهه الامي وهيه اظن ردتلكم خبر ٠٠٠٠وسعد ابن عمي گله انه رايدهة ومتاني اكمل مهرهة چا ۰۰۰سعد شعليه المكرود يوگع بيهة هو يحبج وانتي هم لا تنكرين تجبي دعاء دنكت بقهر وانه اگولن اي انه شبيدي؟؟؟ اخخخ لو بس تعرفين الي بگلبي ***** دعاء وراهة بكم يوم رجع سعد يخطبني وده امه وهو حميد نصب عارض هلمره بشده زمخ بيه وراد يضربني يكلي هاي اخته شعدهة جايه رايحه عليج اكيد جايبه مراسيل ساعته ابويه ضربه وهو كمشني من شعري ودك على جتفي وانه اختنكت ردت اتنفس كوه مكدرت غصيت وعيوني طلعت ليبره احسن الهوه مكطوع هاي اول مره انضرب اني الوحيده الهلي ومدلله عدهم ۰۰۰وهل اللبنيه اسمع امي تصرخ بنتي راحت مني صخام الصخمني قاسم كام الحميد كله انت شنو محد بعينك شلون تضربهه اسمع حميد يصرخ يكله اضربهة واموتهة ماعدنه ابنيه اتجيب العار الهلهة هاي اختك مامتربيه ابويه عاط بي وانه اسمع بحضن امي كوه اتنفس ابو دعاء ولك انت المامتربي ومد ايده يضربه وراهة وكع ابويه واخوتي ركضوا عليه وامي تصرخ ابوي وجه صار كركم اصفر ميحجي وانه نسيت وجعي ركضت على ابويه وشفته بهل الوضع ملخت شعري مرتضى خابر حيدر اخوي تعال ابوي ياتلحك ياماتلحك عليه قاسم خل ناخذه للمستشفى وانه لبست عباتي اردن اروحن وياهم واملخ بوجهي واباعن الامي غاديه نوميه من الخوف حقهة عزوتهة ودلالهة اسم الله عليه حميد صاح وين موليه ام الدموم والله بس ابوي يصير بي شي لا احرگج واحرك ذاك الكلب ابن الكلب وياج قاسم انت ماتجوز عوفهة احنه بيا حال تعال شيله الابوي وياي ليوكع وابوي سوده عليه ميتحرك صكد كله من وراي لو مخاله سعد يجي لو كايله الاخته لاتخليه يجي بعد وكل واحد يروح الحاله ماكو نصيب يمي خل يشوفه عد غيري بلكت الله يعوضه انه ماستاهلهة يمكن ٠٠٠٠ وكلشي قسمه ونصيب بس اخخ مني چي ٠٠٠سكتت وخليته يجي وصار الي صار اذا لا سامح الله يصير بابوي شي ماسامح روحي ابد اخذوا٠٠٠ ابوي وللعصر ماكو خبر والجوارين طابين طالعين علينه وام سعد جت ويه ۰۰۰ سعوده ومريم الي بس تذب حجي بسامیر مااعرف شتقصد وزهره تردهه وتتحلف۰۰۰ ادكول والله لو مو النسوان كاعده چان علمتج شلون تحچين وعدله الحلكج هذا الاعوج وسعوده تكلهة شبيج حاطه كورج من كور اختي محجت غير الصدك كامت عليهة ام سعد كالت اتسكتن لو اعلمچن بطريقتي واني فكري مو يمهم ولا اعرف شنو قصدهم وليش يتبسبسون بيناتهم كل فكري يم ابوي الي مااعرف اخباره وروحي لايبه عليه ارد اروحن اله واحضنه واكوله انه راضيه بلي تردوه بس تبقى شمعه فوك روسنه وصارت صلاة المغرب وماكو خبر ولد عمي ٣ثلاثتهم متزوجين همه ونسواهم اجو خطيه هنه كامن على البيت وچايات ومايات كل شويه واحد يجي يسأل سعد بلمستشفى ويه قاسم هذا الي سمعته من حچي اخته زهراء الامهه ومريم كل شويه تقرب اذنه يم سعوده اختهة تبسبس ماادري ليش هاي اللبنيه ابد ماارتاحيتلهة وكل شويه تغيب وترجع ماادري شنو قصتهة اييهه بعد بيت وغابوا اهله وكلمن يلعب بكيفه للعشه٠٠٠ چه قاسم وسعد وامي كوه شايلهة قاسم ركضت ۰۰۰عليهة وهيه كعدت بلكاع ومنتهيه سوده عليه سعد يباوعلي وعيونه تدمع قاسم خيتي ديري بالج على امي ترى من الصبح مماكله شي وعلى هل البچيه خليهة تاكللهة لكمه وخله تنام اباوعلهة واني گلبي يرجف مدري على ابوي مدري على امي مصيبه وطاحت علينه وكله من ايدي كتله بصوت ناصي اشاوره لتسمع امي۰۰۰۰۰ وابوي شلونه ؟؟؟ قاسم الحمدالله زين اتعدى مرحله الخطر بس ويمكن انطلعه باجر الظهر انشاء الله بس انتي ديري بالج على امي دعاء من عيوني احنه شعدنه غيرهة منوا بقه يم ابوي حميد وحيدر ومرتضى وانه بعد شويه اروحن بس اخذ كم شغله وفلوس دعاء تركته ورحت الامي لكيت مرت حيدر الله ينطيهة العافيه خوش ابنيه منهه الالله بساع موديتهة للحمام وتسبحهة بماي دافي طبيت كتلهة الله يرضى عليج روحي بس حمي الاكل الها اني اكمل شفته حاطه دشداشتهة والخاولي معلكته بلحمام نشفتهة ولبسته وامي كلش مابيه حيل تحرك ايدهة هاي هيجي اتحب ابويه؟؟؟ حقهة هو ابوي مو مثل كل اب حنين والكل يحبه٠٠٠٠ ياهو اليجي يدعيله بلشفاء اخخخ بويه كون بيه ولا بيك طلعت امي من الحمام ولكيت مرت حيدر فارشتلهة وصاحت وين الاكل تعالي يمه اهنا ارتاحي اجت وجابت الاكل وگوه تبلع اللگمه سوده عليه انطيتهة حبايه منوم انطانياه قاسم وشربته ٠٠٠٠و تمددت خلت ايديهة جوه راسهة ونامت غطيتهة طفيت الضوه وطلعت تلكتني مرت حيدر هاااا شلونهة زينه الي صار بيهة مو شويه ابو بيتهة وابويه مو مثل اي واحد الامي هيه شافت بي زلمتهة الي عوضهة عن ابوهه واخوتهة واهلهة الي فكدتهم مرت حيدر الله يكومه بسلامه الهة والنه عمي مايستاهل ۰۰۰۰۰ دعاء كله مني انتي شبيدج تسوي لا كل شويه تاكلين بروحج مسويتي شي ينزل راسهم لا سامح الله هيه خطبه وانرفضت وكل ابنيه يجون يخطبوهة انتي مو اول وحده ولا اخر وحده بس هذا حميد الله يهدي متعقد منهم دعاء اني صوجي مكلتلهم بعد لا تجون هو بس يسمعهم جايين ينكلب طنطل علي وعلى اهلي مرت حيدر هو هم ننطي عذر شفتي جگد چان يحبهة۰۰۰۰ ينام ويكعد يلهج بأسمهة دعاء انه هم صوجي خليته هيجي ماكلتله هيه تحب غيرك بطل منهة بس والله خفت لا تصير مشكله ويروح يعارك ابن عمهة وتنفضح اللبنيه مرت حيدر هذا هو الي الله كتبه الهة صار وانتي الي عليج سويتي شبيدج بعد دعاء لابيدي كلشي بيدي شلون باچر ادز على زهراء واحاچيهة صخام شتكليلهة لا تخافين اعرف شكللهة ديري بالج ترى حميد خال جواسيس بلبيت وهاي مريم اخت سعوده ممرتاحتلهة تعالي صدك شبيهة انه هم اليوم كلش مرتاحيتلهة گاضیاتهه بس تبسبس هيه وهاي الي وياهة ادكولين ماخذه زلمتهة وشريچتهة وانتي الصادگه شنووو.اي هل سمعتي شنو قصدج ماافتهمت هدى اخت سعوده اتحبه السعد وطاشه بلسلف هو راح يخطبهة وانشاء الله قريب دعاء ششنوو يخطبهة هو شلون يخطبهة وكل شويه يدز امه علينه مرت حيدر مو جايج الحجي اي هدى تحبه بس هو ميحبهة وتتمنى هيه واخته وتحلم حتى تصير كل هل العز الهة والاخته ومتجي وحده غريبه تشاركهم هااا هو ياعز يمعوده كلهة محل ابغداد وبيت خل تشبع بي انه عندي ابوي يسوه الدنيا واملاكهة هذا هو انه من باچر قررت انساه وادوس على گلبي المهم ابوي ورفعت راسي واخوتي لا يتكاتلون من وراي لمتهم عندي بلدنيا گلهه الي تشوفي۰۰۰ يگلبي الي تشوفي الله يوفقج ويعوضج فدوه العمرج على هاي رزانتج و على عقلج وتفكيرج٠٠٠٠ طول عمرج وانتي تفكرين بمصلحه اهلج قبل ماتفكرين بمصلحتج ******** حميد بلمستشفى ويه صديقه جعفر حميد اخخخ بويه هاي لو مو ابوي وكف بعيني جان اني كاتلهة كل الي صار من وراهة نزلت راسنه جعفر انه من الاول كتلك سعد مو خوش وانت لا ومالا ۰۰۰ حمید انه شمدريني وبعدين جنت حاط عيني على اخته كلت اتقرب منه واصير صاحبه تالي يگلي۰۰۰۰۰ والله مخطوبه الابن عمهة۰۰۰ اخخ بويه انه ينكالي هذا الحجي انه انرفض؟؟ ويفضل علي هذا المهتلف ابن عمه جعفر هسه معلينه ابوك والحمد لله عده الخطر وباچر يطلعوه شراح تسوي اذا جو باچر ومنا كلمه ومناك كلمه وابوك قبل بلخطبه على ابو ۰۰۰۰ وكفولي انت شفت اخوك قاسم شلون يمدح بي كدام الكل وهو سعد مثل الظل مرافكه حميد هه خل يجربون والله هلمره ارميهم وارميهة وياه جعفر لك انت الي شوكت تظل اغم ؟اتريد العالم تحجي الموزين على اختك وتخرب سمعته ؟؟ على ابو شوف اشسوالهة ورماهم؟؟ الدور ٠٠٠ ابوك يروح بيهة حميد٠٠٠٠ تعصب ويعض بأصبعه اخخخ بويه هو شخالني ساكت غير ابوي وحچي الوادم جعفر بدهاء ومكر خليني افكرلك بفكره تخليهم يكطعون امل فكر خويه جعفر فكر انت عقلك يعجبني لون خوش يفكر اخخخ وهيجي اخلص منه اخخخ بويه تخلص واتصير سوالف اله اخليه يصير مضحكه اصبر علي ***** ام طيبه ابو علي انزهب الغده الشيخ حسين زوجته الاولى ام طيبه كلش يسمعلهة وياخذ شورهة تعالي ام طيبه خير ابو علي تعالي خير انشاء الله تعالي كعدي عندي يمج طلب أأمر لايأمر عليج ظالم اريد تشوفين مرة الابنج علي وانه اريدن الي حفيد اخاف اموتن ومااشوفه هل الحفيد ونسلنه واسم اجدادي الي بنيناه طول عمرنا يضيع والشيخه تروح منه وهذا شما احاچي ۰۰۰ اشوفنه كلش قافل مايرضى كوليلي شأسوي ماكو طريقه فادت وياه ومسويتهة ام طيبه والله شيخنه انه هم مخليت شي مسويته الحد البارحه جبت بت اخوي ليلوه تخبل جنه جمبده وهو حته بوجهة ماباوع خجلت من امهة ومنهة حسين وهسه شوريني اكو حل غير اغصبه هههه جا بنيه هو واتغصبه وهدور صار شيخ والعالم كلها تمشي بشوره وهو كل المواصفات الزينه بيه بس هاي الصفه ماادري الله يلعنك يالشيطان اتعقد الزلمه من النسوان صار يكره طاريهم وطاري الزواج فرد مره حسين راح اروح زياره الكربله واخذه وياي بلكد تنفك عقدته الهل الولد شلع چبدي ام طيبه انشاءالله وبخت اهل البيت دخل علي هااا بويه خيرك شو اليوم اهنا ماجيت للمضيف خاف مريض لا بويه انه بيه عله بس موشش بعضاي خير بويه خوفتني عليك ام طيبه زهبيلنه الغده اي رايحه ام طيبه ويه نفسه كون الله وتنفك جبسته ويرضى اخطبله بنت اخوي والشيخه تبقى لينه ماتروح الغريبه انه ماصدكت خلصت من امه طيبه يمه تحاجين روحج انچبي انتي وشوفي شغلج علي بويه انه هم اروحن وياك مااعوفك حسين بدهاء لا بويه خلك هنا انه اروحن وحدي ازور شلون تريدني اعوفك وانت بهل الحال مستحيل لا تفكر والشيخه وامور العشيره هيه كلها نهار انروح نزور ونرجع واني عل الاقل محصل زياره خوشش لون هيجي تعال حضر روحك باچر بلخمسه الصبح نروح انشاء الله حسين اجه الغده علي ايهه مسويه باچه والل چنچ قريتي الي بفكري جنت مشتهيهة كف اردانه ومد ايده للماعون ام طيبه عمتك تحبك غص بلكمته اله شويه حسين شبيك بويه الاكل بي شي كمل علي لا بويه اخذ كلاص المي وشربه وكمل ام طيبه تباوع الحسين وهو هم رفع راسه وظل يتن*د ويدعي الابنه **** دعاء اليوم يطلع ابويه من المستشفى حضرنه غرفته الجوه وجربايته والاكل الي وصانه عليه الدكتور كعدت من الصبح اسويه اله حتى يجي يشوفه حاضر وللعصر اتأخروا يالله جو احنه خفنه بس قاسم كال اجراءات المستشفى واله يجي الدكتور ويوقع على الخروج ومن اجه الكل استقبله بلهلاهل احنه كلنه انحبه چناين وعمات وخالات حتى امي خطيه اتبهذلت هل اليومين ادري بيهة تموت عليه وهو وجه بعده تعبان بس مرضى للولد يمشوا مشى وحده ولو مشيته اتبين بي تعبان اروحلك فدوه من عمري على عمرك كله مني شسوي الروحي وتهده دوم اعاتب بروحي كله من ايدي الولد دخلوا الغرفته وطبینه عليه نباوسه بسته من ايده وراسه وحضنته وانه بچيت حيدر دعاء ابويه تعبان مو وكته اي خويه صار مسحت دموعي وكمت على حيلي احمي الشوربه اله و يشرب دواه *** جعفر شوفه شوفه الابن ال٠٠٠ حسين وجاي بكل عين صلفه للبيت كله من قاسم هو سمحله اخخخ بويه التفت على جعفر وكال انت موكلت راح امخمخ بعقلي جا صارلك جكد مافكرت شو صاير مو مثل قبل اتكضهه وهيه طايره جعفر واللهي ابالي الليل كله اي وينك جعفر بدهاء انه فكرت بحل يرضي الكل حتى ابوك يسكت وسعت عيونه الحميد كولي عليه بسرعه بعد اخيك هيجي واخلص انه طول عمري اكولن عليك فطن جعفر ههه هذا ياهو الي قبل شويه جان يحجي خويه عديهة وكول شنهو الحل بعد اخوك شوف واسمع اي تعرفه الشيخ حسين اي اعرفه شيخنه شلون مااعرفه بس هذا شله علاقه اشجابه على سالفتنه جايك الحجي لا تركض اي اسمع كول عنده وليد وحيده اتزوج ٣ نسوان كلهن خلفتهن بنات وصارت الشيخه بس اله وهوالولد ينحلف بي وبأسمه بس بي عقده حميد كانما يسمع قصه وسعت عيونه شنهي جعفر يكره النسوان هههه اكو واحد يكره النسوان؟؟؟ چا همه محليات الدنيا بس۰۰۰ هم حقه اذا النسوان ملوعات الجبد حقه اكيد لاعبات بدنياه لعب ولهل السبب اتعقد الشيخ جعفر المهم ابو يريد يزوجه وامنيته بلدنيا واليوم وداه يزور بلكي تفك عقدته ايهه انه وسعد الخسيس شلنه بهل الموضوع مالك وقصتك الي ماتنتهي مو كتلك اصبر لا تستعجل افهم السالفه حتى تعرف شلون تتحرك عليهة يتبع قصه لذكرى المندلاوي

Free reading for new users

Scan code to download app

App Store Google Play

Facebookexpand_more