Pagkatapos ng mga nangyari sa probinsya ay umuwi kaagad ang mag-asawa sa bahay nila sa Maynila. Ibinigay na ni Katallea ang bahay at ang plantasyon sa Brgy. Saradama sa mga kinilala niyang magulang sa kondisyon na hindi iyon magagalaw ni Clarise.
Si Clarise naman ay inilipat na sa Maynila para doon pagbayaran ang mga kasalanan niya. Galit pa rin ito sa ate niya ngunit wala ng pakialam si Katallea.
Isang araw ay tumawag ang mommy ni Geo. Wala noon ang lalaki dahil abala ito sa paghahanap ng lupa sa Bulacan upang patayuan ng bagong subdivision.
Si Katallea ang nakausap ng ginang. Kahit alanganin ay napa-oo na lang ang babae sa kahilingan ng kaniyang biyenan ngunit hindi niya alam kung paano sasabihin iyon kay Geo.
Buong maghapon ay abala si Katallea sa paglilinis ng bahay. Hindi muna
