One month later...
"Congratulations, Caroline..."
Sumilay ang ngiti sa labi ng kambal ni Caroline. Isang espesyal na araw iyon para sa kanilang dalawa ni Jonathan dahil iyon ang araw ng kanilang kasal. Napakaraming imbitado sa kanilang kasal. At lahat ng ito, sobrang saya para sa kanila. Lalong - lalo na ang kanilang mga magulang. Hindi pa ganoon kahalata ang tiyan ni Caroline kaya naman sexy pa rin ang suot niyang wedding gown.
"Salamat, Callen..." tugon niya sa kapatid.
Pinisil ni Callen ang pisngi ni Caroline. "Sinabi ko naman sa iyo, mabuting tao si Jonathan. Masaya ako na siya ang pinakasalan mo. Magiging panatag na ang loob ko dahil alam kong hindi ka niya sasaktan. Mahal na mahal ka niya. Sana, mahalin mo rin siya ng totoo kahit na hindi mo na higitan pa ang pagmamahal niya sa i
