Inis na tumalikod si Niel. Hindi siya natutuwa. Akala pa naman niya, magagalit si Elena dahil nagdala siya ng babae sa bahay pero hindi pala. Parang mas natuwa pa nga ito at hindi man lang naapektuhan. Napansin naman ni Lyn ang pagiging badtrip ni Niel kaya naman bumangon siya. Nilingon siya ni Niel.
"Bakit? Hindi ka ba makatulog?" tanong nito sa kaniya.
Bumuntong hininga si Lyn. "Ginagamit mo ba ako para pagselosin ang asawa mo?"
Hindi kaagad nakapagsalita si Niel. Bigla siyang nakonsensya sa kaniyang ginawa. "I'm sorry..."
Ngumiti si Lyn sabay hawak sa pisngi ni Niel. "Ayos lang. Walang problema sa akin. Tama lang iyan. Para hindi ka magmukhang kawawa. Kung siya nga, may lalaking mahal. Ikaw naman, may kabit. Ayos lang sa akin na maging kabit mo ako."
Namilog ang mata ni Niel. "Tala
