Naglinis ng kaniyang buong bahay si Jonah para mamaya pagdating ni Justine, malinis ito at nakahanda na rin ang kanilang hapunan. Panay ang sulyap ni Jonah sa orasan habang pinipigilan ang sarili na mainip. Nililibang niya ang kaniyang sarili sa paglilinis.
Nakangiti siya habang nagwawalis dahil iniisip niya ang magaganap sa kanila ni Justine. Nasasabik siya at hindi maiwasang pamulahanan ng mukha.
Ganado siyang naglalampaso ng sahig. Tapos na siyang magluto. Kaya naman dumiretso na siya sa kuwarto upang maligo at magbihis. Para pagdating ni Justine, maamoy siya nito at sisinghutin.
"Nasaan na kaya siya?" bulong ni Jonah makalipas ang isang oras.
Bumuga ng hangin si Jonah. Sumilip siya sa labas ng kaniyang bahay dahil nagbabakasakali siyang makita na ang paparating na sasakyan ni Jus
