Isang buwan na.
Isang buong buwan na hindi ko nadadatnan.
Sa loob ng tatlumpung araw, pinilit kong kumbinsihin ang sarili ko na baka delayed lang. Baka dahil sa stress. Baka dahil sa puyat. Baka… dahil lang sa dami ng iniisip.
Pero hindi rin ako bobo.
Alam kong may posibilidad. At sa bawat araw na lumilipas, mas lalo lang itong sumisigaw sa isip ko.
Buntis ako.
At wala si Kael.
°°°°°°°
“Gusto mo bang bumili na tayo ng test?” tanong ni Natty habang sabay kaming naglalakad pauwi galing tindahan.
Tahimik akong tumango. Hindi ko na kinailangang sumagot. Nararamdaman ko pa lang ‘yung paglalakad, parang may hinihila na sa tiyan ko. Hindi sakit… kundi kaba.
Kinabukasan, sa maliit na CR ng bahay nila Natty, naghintay kami ng tatlong minuto. Hindi ako makatingin. Nanlamig ang palad ko hab
