رواية للعشق وجه اخر

روايه ???للعشق وجه أخر الحلقه ? 1 ? بقلم // ✍?✍ سحر فرج فى إحدى احياء الاسكندريه الجميله كانت تعيش الهام وزوجها احمد وأبنائها الثلاثه يسر و همس وكريم. وكان أحمد من أصول صعيديه وابن عائله كبيرة جدا من عائلات الصعيد الجميله. لكنه أكمل تعليمه فى خارج مصر . وعندما عاد من الخارج قابل الهام بالاسكندريه واعجب بها وتزوجها منذ أكثر من 18 عاما. وفى حى من ارقى احياء الاسكندريه عاشت هذه الأسرة فى فيلا جميله على البحر مباشرا . كان يسافر احمد كل فترة لقريته بالصعيد للاطمئنان على والدته وإخوته بعد وفاه والده. وفى صباح هذا اليوم طلب احمد من زوجته الهام أن تقوم بتجهيز شنطه السفر واخبرها بأنه سيقوم بزيارة عائلته بالصعيد . احمد.... الهام لو سمحتى جهزى كام طقم وغيارات فى شنطه السفر و خلى الشغاله تنزلهم فى العرببه . الهام .... حاضر يا حبيبى بس فجاه كده من غير ما تقولى . احمد ... معلش يا حبيبتى نسيت اقولك امبارح . الهام ... ولا يهمك ثوانى يا قلبى واكون جهزتهم . احمد... تسلمى يا حبيبه قلبى تعبك دايما معايا . الهام.... تعبك راحه يا حبيبى . اقترب منها احمد وقبلها وأخذها بين أحضانه وهمس لها تسلميلى يا حياتى . وخرجوا من الحجرة وتوجهوا الى الاسفل لكى يتناولون الافطار مع اولادهم. الاب... صباح الخير يا ولاد . يسر .. صباح الخير يا بابى. همس .... صباح الخير يا حبيبى. كريم ... صباح الخير يا بابى. يسر..... حضرتك مسافر ولا ايه يا بابى. الاب... ايوا يا حبيبتى هاروح اطمن على أمى وعمك وعمتك واجى. كريم.... نفسى اروح الصعيد يا بابا واشوف تيته وعمو وعمتو هما ليه مش بيجوا عندنا ولا احنا بنروح عندهم ؟؟؟ الاب .... انشاء الله يا كريم المرة الجايه هاخدكم كلكم تزوروا تيته ونقعد كام يوم معاهم. الام.... خلاص بقى يا كريم افطر وانت ساكت علشان بابا يلحق يسافر . وانت تلحق مدرستك. وخلصوا فطارهم وكل واحد راح على مدرسته . يسر وهمس كانوا توام وكانوا فى ثانويه عامه . وكريم كان فى المرحله الابتدائيه. وبعد ما خلصوا فطارهم سلم عليهم احمد وراح ركب عربيته علشان يسافر. وبعد مرور عده ساعات كان وصل احمد على بلدته فى الصعيد وصل نحو قصر فخم وجميل جدا فى شكله وترازه الصعيدى . وعلى بوابه القصر استقبله الحارس واقبل عليه واخد منه الشنط ورحب بيه حمد الله على السلامه يا احمد باشا. احمد.... الله يسلمك يا عم منصور.اخبارك ايه وازى ام جبل عامله ايه وازى جبل ومراته وعياله. منصور.. الحمد لله يا احمد باشا بيبوسوا اد*ك . سابه احمد ودخل القصر علشان يشوف والدته واخواته . اول ما دخل لقى والدته قاعده على الكرسى اقبل عليها وقبل يديها ورأسها وخدها فى حضنه وضمها لص*ره وقالها وحشتينى اوى يا امى اوى اوى. الام... احمد حبيبى ايه المفاجاه الخلوة دى . ده انت يا ابنى وحشتنى اوى وكان نفسى اشوفك واشوف عيالك . خايفه اموت من غير ما اشوفهم يا احمد يا ابنى . احمد ... بعد الشر عليكى يا امى ربنا يد*كى الصحه ويخليكى لينا واوعدك ان شاء الله المرة الجايه هاجبهم معايا وتشوفيهم وتشوفى الهام كمان. الام.. انشاء الله يا حبيبى. ومن على بعد وهو ينزل درجات السلم . اهلا اهلا باحمد اخويا نورت دارك يا غالى . احمد .. حسين اخويا وحشتنى كتير عامل ايه؟؟؟؟ واخبارك ايه وازى عيالك ومراتك ؟؟؟ وكان حسين اخو احمد الكبير وكان عنده ولدين هما فارس وكرم . كان فارس عنده 25 سنه. وكان معاه بكالوريوس هندسه . وكرم كان عنده 23 سنه وكان خريج حقوق. وكانت امهم بنت خال احمد وحسين وكان اسمها ملك. حسين... الحمد لله يا حبيبى بيسلموا عليك وهاينزلوا يسلموا عليك دلوقتى. ولمح احمد أخته سلمى وهى جايه عليه ومبتسمه وجرى حضنها وباسها وقالها وحشتينى يا سوكه عامله ايه يا قمر ؟؟؟ سلمى كانت أخته الصغيرة وكان عندها 27 سنه اتجوزت وهى صغيرة بس ربنا ما اردش وما خلفتش وجوزها اتجوز واحده تانى وطلقها . سلمى... اخويا حبيبى انت اللى وحشتنى كتير والله.. وكان نفسى اشوفك واطمن عليك وعلى اخبارك انت وعيالك. وجه باقى أفراد الأسرة مرات اخوه وعياله وسلموا عليه . وكان لسه فى واحده مجتش تسلم عليه وفجاه جت وجريت عليه وحضنته وهو كمان حضنها وباسها وقالها عامله ايه هيام. هيام ... الحمد لله يا ابن عمى اخيرا افتكرتنا وجينا على بالك يا احمد يا حبيبى.? احمد ..... معلش يا هيام انتى عارفه الشغل كتير اد ايه فى الشركه وانا لوحدى المهم انتى عامله ايه وازى اخبارك. عيان ... بخير طول ما انا شيفاك مبسوط وسعيد يا ابن عمى . _______________ اتجمع اهل القصر كلهم على السفرة. الام . واحمد.وحسين ومراته ملك وأولاده كرم وفارس وسلمى اختهم وهيام. بعد ما فارس وكرم جم من المصنع وسلموا على عمهم احمد . وفضلوا يتكلموا وبيضحكوا وهما بيتغدوا وبيفتكروا زكرياتهم وهما صغيرين مع بعض واد ايه كان ابوهم بيحبهم وفى نفس الوقت كان شديد جدا عليهم. وبعد ما خلصوا الغدا استأذن احمد علشان يقوم يستريح شويه من تعب السفر وراح على. اوضته. وفجاه بعد ما دخل لقى الباب اتفتح ودخلت هيام وقفلت الباب وراها وجريت عليه وحضنته وباسته. حضنها احمد وقالها وحشتينى يا هيام اوى ووحشتنى ضحكتك الحلوة دى يا بنت عمى. هيام.... انت اللى وحشتنى اوى يا احمد . كل الفترة دى وانت بعيد عنى وما اعرفش عنك اى حاجه علشان انت مانعنى أنى اتصل بيك. يرضيك كده يا حبيبى. احمد.... معلش يا هيام انتى عارفه ظروفى كويس ومش كل لما اجى تفتحى معايا الموضوع ده احنا هانفضل لحد امتى نتكلم فيه ؟؟؟ هيام ... خلاص يا حبيبى حقك عليا مش هافتحه تانى خالص المهم انك جيت وشوفتك بخير علشان انت كنت وحشنى اوى اوى اوى❤ احمد.... وانتى كمان وحشتينى اوى اوى اوى يا حبيبتى . وخدها فى حضنه وضمها لص*ره وباسها بشوق ولهفه هى كانت مشتاقه ليهم منه وراحوا فى دنيا تانيه بعيد عن كل اللى حوليهم. (ملناش دعوة بيهم عيب ) وفى المساء نزل احمد هو وهيام وكان باين على وشهم الفرحه والسعادة . والام اول ما شافتهم فرحت من جواها أن احمد بيقدر يسعد هيام ويفرحها ويعوضها عن الفترة اللى بيكون بعيد عنها ومع مراته التانيه وأولاده. واتجمع الكل مع بعض على الفطار وبعد فترة طلب أحمد من حسين أنهم يقعدوا مع بعضهم شويه فى اوضته المكتب . حسين قاله ماشى يا اخويا تعال ندخل جوه شويه ونتكلم لوحدينا . قام احمد هو واخوه حسين ودخلوا اوضه المكتب وقفلوا الباب عليهم . حسين ... خير يا احمد فى ايه شكلك كده كنت عاوز تقولى حاجه مهمه ؟؟؟ احمد.... خير يا حسين يا اخويا . الصراحه كنت عاوز مبلغ كبير شويه علشان شغلى فى الاسكندرية وكنت ناوى ادخل مناقصه كبيرة اوى وكتير يتمنوا أنهم يخدوها . حسين ..... بس كده يا احمد انت تؤمر يا حبيبى انا رقبتى سداده يا خوى. كل اللى تحتاجه انا تحت امرك من جنيه لمليون جنيه. احمد.... ربنا يخليك يا حسين ومايحرمنيش منك ابدا حسين... عاوزك تنزل معايا المصنع بكرة انا والولاد وتشوف احدث الماكينات اللى جبناها من برا. وتقولى رايك فيهم ايه؟؟ احمد.... انشاء الله يا خوى وانا هاصحى بدرى وانزل معاكم باذن الله. وخلصوا كلامهم وخرجوا كملوا قعدتهم برة مع الام وملك وسلمى وهيام. وفارس وكرم خرجوا للمصنع وفى السهرة خرجوا يسهروا مع صحابهم على الكافيه اللى فى البلد . وفى اخر السهرة راح كل واحد على اوضته ودخل احمد وهيام مراته على اوضتهم وقالها صحينى بدرى يا هيام لو سمحتى علشان هانزل مع حسين والاولاد المصنع . هيام.... حاضر يا احمد انشاء الله. ________________________ ومع شروق شمس يوم جديد طلع النهار وصحيوا كل اللى فى البيت وطلبت الام من الشغالين انهم يعملوا كل حاجه احمد بيحبها والأكل اللى بيحبه وبذات البسبوسه بالقشطه اللى بيعشقها. وفطروا كلهم وفرح احمد اوى من الاكل وشكر امه وقالها أن اد ايه الاكل ده كان وحشه جدا. وبعد نصف ساعه حسين خد احمد فى عربيته وفارس وكرم راحوا مع بعض فى عربيه فارس لحد ما عربيته تتصلح. ووصلوا المصنع ونزل الكل من العربيات. وبدا حسين يف*ج احمد على المصنع وعلى الماكينات الجديده وفجاه وهما بيلفوا من مكان لمكان وقف احمد فجاه ومسك قلبه وبص لحسين اخوه . حسين ... شافه ماسك ص*ره مالك يا احمد فى ايه يا اخويا . ?? جرى عليه ومسكه قبل ما يقع ونده فارس وكرم بسرعه علشان يسندوا عمهم لما كان هايقع على الأرض من شده الالم . وخلال لحظات همس احمد لاخوه حسين بصعوبه وقاله خلى بالك على الهام والعيال يا حسين. وسكت عن الكلام خالص. ? حسين..... احمد. .. احمد اخوى. وطلب من فارس وكرم يتصلوا بسرعه بالدكتور. تواقعتكم ايه وايه اللى هيحصل لاحمد ؟؟؟؟؟؟؟ بقلم سحر فرج