“Ay! Bakit po, ano’ng nangyari?” nagulat ako nang biglang huminto ang sasakyan. Napatingin ako sa bandang harapan at nanlaki ang mga mata ko nang makitang huminto rin pala ang mga nasa may bandang harapan.
“Bakit kaya? Ang lakas pa naman nitong ulan, baka maabutan tayo ng baha…” maya-maya ay komento ni Kuya Lucas.
“May bagyo daw po kasi, Kuya. Kagabi pa umuulan at mas lumakas pa yata kaninang nasa mall tayo. Pero sa palagay ko, mas malakas ngayon. Halos hindi na makita iyang mga nasa labas.” sabi ko naman.
Unti-unti ay umaandar din kami ngunit hihinto na naman dahil nga traffic na. Medyo nagulat pa ako nang mag-vibrate ang cellphone ko. Nagpakita agad sa screen ang message na galing sa NDRRMC.
“Naku, Kuya, naka-Red Rainfall Warning na pala tayo,” sambit ko. Nilingon ko pa ang van kung
