Halos lumuwa ang mga mata ko nang makita ang puting Rolls Royce na magiging sasakyan namin papunta sa party. Tumataas kasi ang pintuan niyon kapag bumubukas.
“Ang ganda! Sa Hollywood films pa lang ako nakakita ng ganiyan!” nanlalaki ang mga matang bulalas ko.
“How ignorant!” narinig kong bulong niya. Pero hindi ko na pinansin pa kasi talagang namamangha ako rito sa magandang sasakyan.
Ito ang pinakahilig ni Asher, iyong mga magagandang sasakyan. Ilang magazines na ang nag-feature sa kaniya dahil siya ang may pinakamaraming collection ng mga limited at mamahaling mga sasakyan. Sa larangang ito talaga siya sikat.
“Asher, huwag mo akong iiwang mag-isa sa party, ha? Ngayon pa lang kasi ako makakapunta sa ganitong mga event. Nakakatakot magkamali,” pakiusap ko habang nasa biyahe na kami.
“
