Chapter Eleven
Labis labis ang hiya at hindi ako makatingin kay Zeus dahil sa namagitan sa amin kagabi. Nais kong magalit pero hindi maitatanggi na pwedeng pwede kong mapigilan iyong nangyari, pero ako mismo ay nalunod sa sensasyon na binigay niya. Nakakainis!
"Do I have some kind of disease at kanina mo pa ako iniiwasan, Laurel." Dinig kong ani niya at sa kauna unahang pagkakataon na narinig ko ang buo kong pangalan sa bibig niya, nagdulot iyon ng kakaibang kiliti sa aking tiyan.
Namamangha akong napatingin sa kaniya, ngunit sinalubong lang ako ng seryoso niyang mga tingin. Hindi ko maiwasang kabahan, ilang beses akong napalunok dahil tila bumara ang sarili kong laway sa aking lalamunan. Uminit ang magkabila kong pisngi at yumuko, natutulala sa sariling mga paa na tila ba umaasa na doo
