CHAPTER 44 (Part 2)
Winner
Natahimik si Nydia sa sinabi ni Michael. Yumuko siya at bahagyang nahiya kahit na sabihin pa ng binata iyon sa kanya ay hindi pa rin magbabago ang kanyang pananaw—na siya ang puno’t-dulo kung bakit umabot sa ganoong kainit na usapan ang kanilang topic kanina. Kahit na hindi rin sabihin sa kanya ng talo nilang ka-grupo ay ramdam naman ni Nydia na siya ang sinisisi ng mga ito. Alam naman niya iyon, hindi naman niya itatanggi para lang gumaan ang pakiramdam niya o gumaan ang kanyang loob habang ang kanyang mga kasama ay mabigat ang dinadalang sama ng loob sa isa’t-isa.
Hindi rin naman niya inaasahan na aabot pa sa ganoong kainit ang usapan na kulang na lang ay magliyab na ang buong kwarto kahit na naka-aircon naman sila. Ngayon niya lang nakita kung paano ma
