CHAPTER 66
Napag-usapan namin ng Tito ko na sa Manila ko na itutuloy ang aking pag-aaral. Doon ay mababantayan na ako ng aking mga magulang. Pinapakuha niya ako AB- Philosophy para mas madali na lang sa akin ang pagpasok sa pagkapari kahit sa mga panahong iyon ay hindi na buo ang loob kong maging pari pa dahil sa iniisip ko pa rin si Rizza. Baka kasi nabuntis ko siya. Baka nga anak ko ang dinala niya noong graduation ko at baka hindi pa siya handang harapin pa ako. Baka iniisip niyang makasisira lang ako sa pag-aaral niya. Pero bakit parang yumaman na siya? Paano siya nagkaroon ng sariling magarang sasakyan? Paano siya naging ganoon kaganda?
Kinalimutan ko na lang ang lahat ng mga katanunngang iyon dahil wala naman akong magagawa pa. Hindi ko rin naman makuhaan ng diretso at totoong kas
