CHAPTER 77
Hindi madali ang buhay at disiplina sa loob ng semminaryo ngunit kinakaya. Kakayanin lalo pa’t may mga babae rin namang kaming mga professor. Pantanggal bagot. Pampawi na puro na lang kaming mga lalaki ang nagkakabungguan. Sa bandang 7:45 ng gabi ay muling madidinig ang kampana bilang hudyat ng pagsisimula ng paggawa ng assignment at pagbabasa. May ilang pari na naroon para tulungan ang mga nagre-review at hindi naintindihan ang ilang bahagi na napag-aralan ng mga mag-aaral sa umaga at hapon. Pagkaraan ng ilang oras na review, ang Office of Compline ay kinakanta para pasalamatan ang Diyos sa lahat ng basbas at biyaya niya sa maghapon at ang araw araw na proteksiyon mula sa Kaniya.
Pagsapit ng 9:05 ng gabi, kailangan ng maghanda ang mga seminaryan para sa kanilang pagtulog. Maa
