البارت 14
فى الشركة المنافسة..
رفع كمال سماعة الهاتف ليطلب سكرتيرة فدلفت عنده..
كمال:اكشفي ورق فجر لرعد..
هند بإستغراب:بس يا فندم مينفعش
كمال:ليه
هند:انا عندي فكرة تانية
كمال:اقعدي و سمعيني
هند وهى تجلس:دلوقتي احنا حاولنا ندمر وعد من ناحية أقرب اخ ليه و فشلنا لأن وعد دلوقتى فى الشركة و بيمارس حياته الطبيعية و عرفنا ان مراقب عدى و مطمن عليه
كمال وهو ينظر لها بتركيز:كملى
هند:احنا هنسيبهم فى حالهم و انا متأكدة ان عدى و رعد علاقتهم هترجع كويسة جدا
كمال بعصبية:انتي اتجننتي معاد الصفقة قرب و احنا متأكدين انها هترسى على رعد لازم رعد يت**ر و يبعد عن الشركة هو و اخواته عشان نعرف نلعبها صح
هند:ما انا عارفة اسمعنى للآخر ، دلوقتي فجر و رعد قربوا من بعض جدا بس لحد دلوقتي مفيش بينهم حاجة و ماهى و غيث بيتصرفوا كأنهم مرتبطين اصلا بس بردو مقالوش حاجة لبعض سالى و فهد بقا بيكرهو بعض جد
