Chapter 27:
ISABELLA
"Umalis na si Chloe?" tanong kaagad sa akin ni Adnis pagkapasok kong kuwarto. Kasalukuyan siyang naghahanda para sa pagpasok niya sa trabaho.
Tumango ako. "Oo, kaaalis lang."
Nakita ko ang pagtango niya. Bumuntong-hininga ako at umupo sa kama habang pinapanood siya. Naglalaro pa rin sa isip ko ang mga sinabi kanina sa akin ni Chloe. Ang sabi niya ay alam niya na raw kung saan nagtatrabaho si Adonis, kung saan din sinabi nila na lugar kung saan kami nagkakilala. Sa katunayan ayoko nang patulan ang mga kutob namin. Pakiramdam ko ay sinisira nito ang marriage namin. Pero may parte kasi sa akin na nagsasabing 'paano kung tama sila? Na baka dapat hindi ako basta-basta naniwala sa mga sinabi nila sa akin tungkol sa mga hindi ko maalala?
Nabalik sa kaniya ang atensyon ko
