Iminulat ko ang mga mata ko dahil sa malakas na sinag ng araw mula sa labas ng bintana.
Sino kayang bwiset ang nagbukas ng kurtina? Napaka-aga pa. Gusto ko pang matulog ng may bumulabog na ingay sa tainga ko.
Agad akong napabalikwas paupo sa higaan dahil sa nakakagulat na alarm clock na nasa tabi ko.
"Bakit ba feeling ko nakakabwiset 'tong araw na 'to?" bulong ko sa sarili ko. Kinamot ko nang kinamot ang ulo ko dahil sa inis atsaka na bumaba sa kama.
Dumiretso ako sa banyo at pagpasok ko, literal akong nagulat dahil sa itsura ko.
Nakatayo na 'yung buhok ko at sabog sabog.
Napailing na lang ako atsaka na sinimulan gawin ang mga daily routine ko.
Habang naliligo ako, naalala ko ang nangyari kagabi sa bahay ng mga Wolter.
Pagkalabas kasi namin ni Dean sa kwarto niya, ipinakilala niya
