DUMIRETSO si Lila sa apartment ni Toby. Kanina pa tawag nang tawag ang mga magulang niya pero hindi niya sinasagot ang mga ito. Pinatay na niya ang cellphone para hindi na makatawag ang mga ito sa kanya. She just can't talk to them right now. Baka kasi kapag narinig niya ang boses ng mga ito ay magbagong muli ang desisyon niya. She can't change her decision now. Kailangan niyang panindigan 'yon. She just can't really live this way anymore.
Naupo siya sa labas ng apartment nang makailang ulit na siyang kumatok ay wala pa ring nagbubukas ng pinto. Wala marahil doon ang kaibigan. Isinubsob niya ang mukha sa tuhod hanggang sa hindi niya napansin na unti-unti na siyang dinalaw ng antok. Naalimpungatan lamang siya nang maramdaman niya ang marahang pagtapik ng kung sinuman sa braso niya.
Nagm
