WALA SILANG pakialam sa pamahiin. Nang mamanhikan sina Matthew, ang binata mismo ang nasunod na magpakasal na sila nang mas maaga kaysa sa susunod na taon. Ang totoo, nang magkabati sila ay pinakasalan na rin siya nito sa huwes. At ang papel na katibayan niyon ang ipinakita nito sa mga magulang niya upang hindi na tumutol pa sa nais nitong petsa.
Kahit naman maski paano ay worried si Geraldine sa pamahiin pero gusto na rin niyang makasal nang mas maaga. She couldn’t wait to be his wife. At isa pa, pakiramdam nga niya ay parang buntis na siya.
Sa kasal niya, siyempre pang si Eve ang nag-asikaso niyon. But of course, not without the intermediation of her mother and Nancy. Bawat wedding girl—ganoon na ngayon ang tawag nila sa kanilang mga sarili bilang supplier ng Romantic Events—ay may kan
