للعلاقات وجهين

تبدأ قصتي من اول ما فتحت عيني علي الدنيا.. كان تقريبا عندي 7 سنين... في ليله سحور رمضان سنه 1995.. كانت ليله جميله الزينه ف الشوارع والنور. متعلق من اول الشارع لأخره وكل البيوت.. معلقه فوانيس رمضان وكل الاطفال معاهم.. الفوانيس وبيلعبو ف الشارع ومش اي.. فوانيس دي الفوانيس اللي جواها شمعه دي.. من بعد المغرب والدنيا زحمه اللي بيبيع الزبادي.. واللي بيفرش بالكنافه والقطايف واللي بيبيع.. الفول المتين عشان السحور وكنا في بيت... العيله جدتي والده مامتي وخالتي وجوزها.. وخالي ومراته والبيت زحمه ع الاخر وشويه.. ولاقيت ماما جاياتتتااااتنمنو. ه وبيسندوها.. ونامت علي السرير ولاقيتهم بيقولولي تعالي يا سما شوفي اخوكي البيبي جيه هنسميه محمد.. جريت علي ماما انا واختي الصغيره فاتن.. وشيلت البيبي ومن فرحتي بيه مكنتش عاوزه.. اسيبه من ايدي ابدا لغايه ما خدوه مني روحت. جبتله لبانه قال يعني هيكولها كنت طفله بريئه.. لغايه اللحظه دي وكلهم عمالين يهنوا ماما.. _مب**ك يا فاطمه ما جالك ـــــ اخيرا جبتي الولد ــ نورت الدنيا يا محمد كام يوم وروحنا بيتنا وكام شهر وماما رجعت.. شغلها تاني وابتدت مأساتي قصدي حياتي. وشيلت المسؤليه بدري اوي. طبعا طالما هي ف الشغل انا الكبيره. اللي لازم تشيل اخوها وتخلي بالها من اختها. حرفيا انا اللي ربيتهم عيال بتربي عيال زي ما. بيقولوا كنت انا اللي بفطر اختي واحضر.. البيبرونه لاخويا واغيرله واشيله لغايه ما ماما.. تيجي من الشغل وهي كانت بتيجي متأخره.. بصراحه من الساعه 7 صباحا لغايه الساعه.. عشره مساءآ كانت بتتعب عشانا جدا بصراحه.. عشان تعرف تصرف علينا مافتكرش اني كنت.. اعرف بابا ولا شوفته وحرفيا مكانش ليه في.. حياتنا اي دور عدت سنه ومحمد كبر وانا.. دخلت المدرسه اختي كانت اصغر مني بسنه ونص عشان كده كانت اصغر منى بسنه واحده.. بس في المدرسه اتعلم محمد يشبط فيا وانا. نازله المدرسه ودي كانت مهمه فاتن انها تهديه.. وتخلي بالها منه لغايه ما انا ارجع لغايه ما فاتن.. نفسها دخلت المدرسه وطبيعي محمد يروح.. حضانه وكنا بنوديه معانا ونجيبه معانا فاكره.. اوي موقف حصل ماما ف يوم اتأخرت اوي في.. الشغل ومحمد مكانش مبطل عياط وانا رايحه.. جايه بيه طول عمرها كده تيجي متضايقه من الشغل.. تفضل تض*ب فينا وعمر ما حد من الجيران. عرف يسلكنا من ايديها كانت بتطلع غولبها فينا.. مع ان احنا مالناش ذنب حتي لو كنت عيانه.. وجسمي سخن ومش قادره اتحرك كان لازم.. اروح الشغل عشان اجيب الفلوس اللي هي.. محتاجاها كنت انا اللي باخد اي حد من.. اخواتي عيان وبيرجع وسخن اشيله علي.. ضهري.. لغايه الاستقبال واما الدكتور يسألني فين ماما.. وبابا اقوله في الشغل كانت بتبقا الساعه واحده واتنين بالليل وهي ف الحقيقه نايمه ف.. البيت بس ما بتحسش باللي بيعيط م الوجع.. ولا اللي بيصرخ من الم بطنه كنت ليهم الام.. اللي بتطبطب وتذاكر وتلبس وتسرح وتحضنهم بالليل وتحكي الحدوته انا هفضل تعبانه ف.. حياتي لغايه امتي اكيد انا هرتاح اما اتجوز.. وعمري ما هعمل كده ف عيالي فوقت من. سرحاني علي صورت بينده عليا.. سمااااا ..... قولت نعم جايه اهو وابتديت شغلي عادي اي.. حد تاني كان ممكن يمشي بعد اللي حصل. وتولع الدنيا مش مهم المهم محدش يهني ولا.. يمد ايده عليا انا بشتغل وبتعب بالفلوس اللي.. باخودها او بالاحري امي بتاخودها بس فكرت.. ان البيت محتاج الفلوس دي وكلها كام يوم.. وتخلص الاجازة وارجع المدرسه وامشي من.. هنا لغايه العصر كده لاقيت استاذ محمود بينده عليا وقالي حقك عليا انا مكنش قصدي ما.. تزعليش ولاقيته خدني دخلني كوافير وقاله.. عاوزك تظبطهالي كويس اصلنا خارجين نسيت.. اقولوكو ان استاذ محمود مكنش عنده ولاد.. مكنش بيخلف تقريبا والله مش عارفه بس هو.. كان اكبر من مراته بكتير ويمكن ده السبب مش.. عارفه بصراحه المهم خرجت م الكوافير لاقيته جايبلي طقم شيك وقالي البسيه ولاقيته جاب.. العربيه فيها مدام مني مراته وقالي اركبي.. خدني معاه عند مامته وقعد يضحكنا ويقول لمامته سما دي قمر ومؤدبه وشاطره ف الشغل.. وهيبقا ليها مستقبل حلو عشان هي دماغها.. حلوه واحنا بنتغدي وقف فجأه وقال هقولكم... نكته كلنا انتبهنا ليه قال احم احم وبمنتهي التشويق في كلامه قال مره اتنين ماشين ف... الصحرا طلع عليهم واحد بقو تلاته وقعد.. يضحك هههههههههه كلنا بصيناله وحقيقي ضحكنا كلنا بس مش علي النكته انما عليه هو.. ههههههههه وعلي الساعه 7 قالي يلا نمشي مامته حضنتني حضن جامد اوي عمري ما حد.. حضني كده ابدا حسيت انها ام بجد وهي كانت.. من سن جدتي ارتحت ف حضنها وحرفيا مكنتش عايزة اسيبه وباستني من دماغي.. وقالتلي عاوزه اشوفك تاني قلتلها اكيد ياماما.. حاضر قالتلي قوليلي يا تيته قولتلها حاضر.. .. وبوستها ومشينا ولاقيته بيقولي لسه زعلانه قلتله لا يا استاذ محمود وشكرا جدا علي كل.. . حاجه حلوه عملتها معايا النهارده قالي طيب يلا روحي قلتله بدري كده قالي اه يلا ووصلني.. لموقف الباص وفضل واقف لغايه ما ركبت ومشيت طول الطريق بفكر في اللي حصل.. النهارده وقد ايه كان يوم حلو وحنيه الست دي اد ايه كنت مفتقداها ومحستش بيها قبل كده .. نسيت القلم ونسيت دموعي وما حكيتش حاجه لماما لما روحت بس لاقيتها جايبه قطعه قماش وقالتلي ابقي قولي لاستاذ محمود.. يفصلهالي بنطلونات قلتلها حاضر قلت لحد من.. الصنايعيه قالي حاضر عملها وقال هياخد مبلغ.. ماما زعلت انهم هياخدو فلوس حق التفصيل وبعد ما خدت مرتبي ومشينا قالتلي مش. هتيجي تشتغلي هنا تاني خلصت كده قولتلها حاضر الاجازه اللي بعدها لاقيتها ودتني عند.. ناس اغنياء بالنسبه لينا طبعا نوادي وسهر.. بالليل كانو طول الوقت بيقولولي انتي شغاله.. عندنا لو حد سألهم بنتكم دي كانو بيقولو لا دي.. الداده بتاعه مروان وانا ف الحقيقه كنت. خدامه ليهم حرفيا كنس ومسح وغسيل. واجيب طلبات من السوق بالنهار وداده للولد.. بالليل وتريقه بقا علي لبسي وشعري وجسمي.. قعدت عندهم اربع شهور ما شوفتش فيهم.. اخواتي شوفت ذل السنين عندهم البنت اللي من سني تتريق علي شكلي اودام صحابها اما.. يجو والولد الصغير كان بيشتمني شتيمه صعبه.. طول الوقت والراجل الكبير اللي قد جدي كان.. بيتحرش بيا كل ما تسمحله الظروف بعينه مره.. بإيده مره لغايه ما يوم كان عندهم عزاء جوز.. بنتها الكبيره اتوفي هلكت والله من تنضيف.. وغسيل مواعين وجري ورا الولد الصغير وطول.. النهار من غير اكل وفيييين علي الساعه 12.. بالليل لما الناس والمعزيين مشيو حطو الاكل.. قعدت اكل بعديهم وهما فضلو يقولو الاكل ف.. الميت حرام الاكل في الميت حرام انا كنت.. فاكره من هبلي يقصدو جثه الميت حرام حد.. ياكولها اتاريهم كانو بيقصدوني عشان قاعده.. باكل وعرفت الكلام ده بالصدفه لما كنت نايمه.. وصحيت علي صوتهم وهما بيتكلمو مع بعض.. اني معنديش دم وقاعده باكل عادي عيني دمعت وقلت لنفسي كل المرمطه دي ومش عاوزيني اكل لقمه دانا وقفت اسلك بلاعه.. الحمام اللي كانت مسدوده وهدومي كلها اتبلت.. ومهانش عليكو تدوني حاجه البسها ومشيت.. مبلوله ف الشارع عشانكم دانتو مبهدليني.. عدي عليا اربع شهور كأنهم اربع سنين.. وطبعا ماما بتيجي كل شهر تاخد الفلوس.. وتمشي وانا اتحاايل عليها تاخودني معاها.. اشوف اخواتي مش بترضي.. يتبع..