وصلنا البيت ودخلت وانا فعلا حاسه نفسي اني هطق من الغيظ..
دخلت اوضتي ورميت نفسي علي السرير جت فاتن وسألتني..
ها عملتي ايه جبتو الشقه؟
قولتلها لا حببتي امك هي اللي جابت الشقه..
دخلت ماما علي الكلمه.. فضلت تزعق..
هو انتي مش عاجبك حاجه انا بعملها خالص.؟
قولتلها ليه طيب بتقولي كده؟
هو انا مهمه اصلا؟
حاجه تعجبني او ما تعجبنيش انتي ايه يفرق معاكي؟
مش انتي مبسوطه... خلاص... يهمك ايه انا مبسوطه ولا لاء؟
المهم انتي تعملي اللي انتي عوزاه...
قالتلي يعني كان هيبقا كويس لو مكناش جيبنا حاجه خالص النهارده؟
قولتلها وانتي ايه مشكلتك طيب؟
يجيبها الاسبوع ده... يجيبها الاسبوع الجاي... الشهر اللي جاى... ايه مشكلتك انتي... ليه تعملي فيا كده؟
فاتن قالت ممكن افهم انتو بتتخانقو علي ايه؟
قولتلها يا فاتن امك جابتلي الشقه في الدور الثامن..
قالتلي فاتن ومفيش اسانسير؟
قولتلها لا مفيش...
