Habang natutulog si Sab. Nagsadya si Zach sa opisina ng dean atsaka niya isinumbong ang grupo ni Zendy. Parang nahiya pa ito sa kanya nang malamang sangkot na naman sa kaguluhan ang pamangking si Zendy. "Hindi ko na talaga alam ang gagawin sa batang 'yon. Kapapasok-pasok palang, nakagawa agad ng gulo. Hayaan niyo po, Sir. Ako na ang bahala kay Zendy at sa mga kaibigan niya. Sisiguraduhin ko pong hindi na sila uulit sa paggawa ng kalokohan."
"M-May isa pa po sana akong sasabihin sa inyo," alanganing sabi niya.
"Ano po 'yon, Sir Zach?"
" 'Yung tungkol sa cheating case ni Sab Perez." Napabuga pa siya ng hangin bago siya nagpatuloy.
"Ako po ang may gawa nun. P-in-lano ko po ang lahat ng 'yun."
Namilog ang mga mata ng dean sa biglaang rebelasyon niya.
"Inutusan po noon si Sab na kuhanin
