Napasandal si Sab sa likuran ng pinto habang nakahawak sa kumakabog na dibdib. Aminin man niya o hindi unti- unti na siyang naaapektuhan sa ginagawa ni Zach. "Sab, umayos ka! Panibagong gulo na naman 'yang papasukin mo." Alam niyang hindi siya dapat nagtitiwala kay Zach pero hindi rin niya mapigilan ang sarili na maniwala sa kabutihang ipinapakita nito sa kanya. Gusto niyang magalit sa ginawa nitong pagkuha ng litrato niya. Nasisiguro niya kasi na may gagawin na naman itong kalokohan. Pero hindi niya maiwasang kiligin nang markahan siya nitong, akin. Sino ba naman kasi ang hindi kikiligin sa mga kalokohang pinaggagagawa ni Zach? Kahit alam niyang walang meaning 'yon sa binata at parte lang 'yon ng kalokohan nito, napasaya pa rin nito ang puso niya.
Ngingiti si Zach habang pinagmamasdan
