"Sab, suspended pala is Zendy kaya hindi natin nakikita," ani Ana. Nakaupo sila noon sa bench sa ilalim ng puno na paborito nilang tambayan.
"Mabuti naman naging patas sila this time. Dapat isunod na rin si Zach," ani Lucas.
"Imposible 'yon. Walang maglalakas-loob na kalabanin si Zach," ani Sab.
"Malay mo naman," sabat ni Lucas na noo' y sumalampak na sa damuhan.
"Uy, Sab. Congrats nga pala. Ang galing ng naisip mo, ah. Mukhang patok ang online selling mo," ani Ana sabay siko sa kanya.
Natawa si Sab.
"Hiyang-hiya kaya ako sa pinaggagagawa ko roon. Okay lang ba? Hindi ba ako nagmumukhang tanga sa live ko?" nangingiting sabi niya.
"Hindi. Ang cute mo kaya ron. Grabe, ang dami mo agad viewers, ha?" ani Ana.
"Naku, nainteresado lang sila kasi may hawig daw akong celebrity," natatawang
