Habang naglalakad si Zach papasok sa gate. Napansin niya ang sinusundan niyang isang matandang lalaki at matandang babae na patigil- tigil sa daan sa bigat ng dalahin. May dala kasi ang mga ito na tig-isang bag at basket na puno ng prutas at gulay. Agad na isinuksok niya sa bulsa ang cell phone at patakbong lumapit siya sa dalawa.
"La, tulungan ko na po kayo ni Lolo," ani Zach sabay abot sa malaking bag ng matandang babae.
"Saan po ba ang punta niyo?" tanong niya habang kinukuha ang basket na hawak ng matandang lalaki.
"Dadalawin lang namin ang apo ko," anang matanda.
"Naku, La. Hanggang sa gate lang po kayo pwede. Ipatawag niyo na lang po sa guard ang apo niyo," aniya habang nakaagapay sa paglalakad ng dalawang matanda.
Ngumiti ang matandang babae. "Alam na niya. Baka nga naka-aba
