“Saklolo! Tulungan niyo kame,” muling sigaw ni Sab.
Napalingon ang mga tricycle driver at agad na nagtayuan. “Miss, ano’ng problema?” sigaw ng isang driver na nakasuot ng puting t-shirt. Matangkad ito at malaki ang katawan.
“Kuya, iyon po!” nanginginig ang boses na sabi ni Sab sabay turo sa lalaking papalapit sa kanya.
Agad na hinugot ng mga driver ang tubo na nakasuksok sa mga motor nila at halos sabay-sabay tumakbo papalapit sa lalaki. Nanlaki ang mga mata ng matabang lalaki nang makitang armado ng bakal na tubo ang mga tricycle driver. Napaurong ito. “Takbo na,” sigaw nito sa dalawa pang kasamahan. Iniwan ng mga ito si Zach at isa-isang tumakbo ang mga ito papasok sa isang maliit na eskinita.
Patakbong nilapitan ng dalaga si Zach na noo'y nakahiga pa rin sa kalsada kasama ng bi
