Ngayong Martes na, wala pa rin akong natatanggap na email galing kay Noah. Sinubukan ko na rin siyang tawagan ngunit hindi na nagri-ring pa ang number niya. Ngayon ay iniisip ko na ang posibilidad na naloko ako. Baka umasa lang pala ako sa wala. Baka nga nagpadalos-dalos ako.
Bakit ko nga ba naisip na ito ang plot twist na hinihintay ko? Ang dami namang bagay na pwedeng pumasok sa isip ko kaya bakit ako naniwala kay Noah? His offer was too good to be true anyway.
Maaga akong nagising ngayong araw. Hindi rin naman kasi ako nakatulog nang maayos kagabi pagkatapos ng failed job application ko at paninisi nila Trisha sa akin – which I still find so unreasonable.
Habang nasa kwarto at naghihintay sa paglipas ng oras, sumilip ako sa bintana at nakita ang malawak na beach pati ang infinity p
