LABIS ang pagkabigla ni Jenny nang sabihin ng lalaking tinatawag siya sa pangalang “Faith” na asawa siya nito. Oo, meron na siyang anak pero wala siyang asawa. Ayon kay Lance ay iniwan siya ng kaniyang nobyo nang mabuntis siya. Teka, hindi kaya ito ang nobyo niya na nang-iwan sa kaniya? Ah, hindi. Malabo. Dahil kung ito iyon ay bakit siya nito tatawagin sa ibang pangalan? Nagtataka na talaga siya kung sino ba ito. Bibili lang naman siya ng lechon belly tapos nagkabanggaan sila at hindi na siya nito pinakawalan. Pero bakit ganito ang kaniyang nararamdaman? Kahit hindi niya ito kilala o matandaan ay parang may koneksiyon siyang nararamdaman sa lalaki.
“E, asawa naman po pala kayo ni sir, ma’am.” At talagang agad na naniwala ang security guard sa pagsisinungaling ng lalaking iyon.
“Ku
