Chapter 44
Nang pumihit paharap si Robin ay hindi siya makapaniwala. Nasa harapan niya si Alex at nakangiti ito sa kaniya. Hindi alam ni Robin kung maniniwala siya kaya’t hinawakan niya ang mukha ng nilalang nakaharap. Patuloy pa rin sa pagtulo ang kaniyang mga luha. Hindi siya nagkakamali, si Alex ang nasa harapan niya... si Alex.
Hinawakan ni Alex ang magkabilang pisngi niya at hinalikan siya sa noo, kumikislap ang mga mata nito dahil sa pamumuo ng mga luha sa mga mata. Dinala ni Robin sa kaniyang kaliwang pisngi ang isang kamay ni Alex at sandaling pumikit. Hindi siya makapaniwala na nasa harap na niya ito ngayon at nahahawakan niya ng ganito kalapit.
“Alex...”
Hindi niya mapigilan ang mga luha at patuloy ang pagtulo ng mga iyon, nang hagkan ni Alex ang kaniyang noo at nang muli
